الببغاء والغبي<<<قصة مدري لكن اتوقع خيال
 

السلام عليكم


كان فيه واحد " على نياته " ..

جرّب يستثمر أمواله !;)

وكان عنده ببغاء يتكلم ..

لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ...:p

راعيه ضاق صدره ... وقرر ياخذ الببغاء لمدرب الطيور علشان يعدّله ...:(

: يا مدرب الطيور ... شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه .. جاب المدرب " سطل " مويه حاااارة .. وحطه قدامه ... وسأل الببغاء ..

: أنا مين ؟ !

قال الببغاء : أنت صديق الغبي ! ..:D

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه ..

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟!

قال الببغاء : أنت صديق أذكى واحد في العالم ..:D

ويوم جا راعي الببغاء .. قال المدرب : تفضل اسأله ...

قال راعي الببغاء .. : أنا مين ؟ !

قال الببغاء : أنت مين ؟! وهذا سؤال !! .. أنت الذكي ... إلا أنت أذكى واحد عرفته في حياتي !

قال له راعيه : .. طيّب .. وإذا لعبت بفلوسي على كيفي ؟ !

قال الببغاء : .. هذي فلوسك .. من عرق جبينك .. تسوي فيها اللي تبي ..

قال : طيّب ... إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..

: طيّب .. وإذا دخلت فلوسي عند " الجمعة " ؟ ..

: طبيعي ... تنويع استثماري .. من أذكى واحد في العالم !:D

: طيّب .. وإذا دخلت فلوسي عند " ابن حسن " ؟ ..:p

: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !:p

: طيّب .. وإذا دخلت فلوسي عند " العيد " ؟ ..

: عادي ... وزي ما يقولون " حشر مع الناس عيد " .. صحيح إنك أذكى واحد في العالم ..

: .. طيّب .. وإذا دخلت فلوسي في الأسهم ؟ !

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!:p


لوووووووووووول

منقووووووول لانها قصة ليست طريقة:)

رد: الببغاء والغبي<<<قصة مدري لكن اتوقع خيال
 

هههههههههه

ثانكس على الموضوع

رد: الببغاء والغبي<<<قصة مدري لكن اتوقع خيال
 

ولكوم
يسلمو على هال الضحكة
مشكور على المرور


وشكرا

رد: الببغاء والغبي<<<قصة مدري لكن اتوقع خيال
 

ههههههههههههههههههههههههههههههههاااااااااااااااااااااي


مشكور والله يعطيك الف عافيه

رد: الببغاء والغبي<<<قصة مدري لكن اتوقع خيال
 

ههههههههههههههههه حلووووووووووووه

.................

رد: الببغاء والغبي<<<قصة مدري لكن اتوقع خيال
 

الله يعطيك العافية

رد: الببغاء والغبي<<<قصة مدري لكن اتوقع خيال
 

تسلم اخوي على مرورك
خخخخخخخ
مهب هذا الببغاء الفلة
الاسهم
الله يسلمك