|
مالي اسبوعين مدخله الرويال كانن في بيتي وشوفوا وش صار
قطتي اضربتتتت عن الأكل كله ماتبي لا معلبات ولا اكل بيت ولا تونه ولاااا شئ ماتبي الا رويال كانن ادمنت عليه خلاص ماتبي الا هووو انا اعرف انه لحاله ماينفع بس وش اسوي معها حاولت بكل الطرق ماقدرت مع انها سبحان الله كانت ماتدااااني الدراي فود كنت اعطيها ابيها تاكل عشان تنوع بس ماتبيه تشمه وتروح << هالكلام يوم كان عمرها 3 او 4 شهووور والحين يوم صار عمرها 9 شهور رحت محل ولقيته ومدحه البايع لي قلت يلا اجرب وماني خسرانه شئ اسم الله عليها اول ماحطيته انقضت انقضااااض خخخخ واستانست قلت زييين الحمدلله اخيراً كلت الداري فووود "لأني اسمع انه زين للشعر و فيه فيتامينات مو موجوده بالأكل العادي" بس بعععدهااا صارت اي اكل احطه لها ماتقربه جبت لها وسكاس ما اكلت سويت لها بالبيت دجاج ماتبيه جبت لها تونه ما عجبتها حطيت لها جبن مثلثات سمعت ان البسس يحبونه بس مااا اكلته جبت لها حليب بس ابيها تشرب تغير شوووي ما شربت ماتبيه طووول يومها رويال كانن وماي غيره مااافيه وش اسوي معها حتى ضعفت بشكللل وش اسوووي افكر اقطع عنها الرويال بس اخاف ماتاكل خير شر سؤالي هل الرويال كانن لحاله مضر للبسس ولا مافيه مشكله وانا مسويه زحمه ؟ واذا مو زييين وش السواااه كيف اخليها ترجع للأكل العااادي ؟ وسؤال اخير الشيرازي مون فيس اي نوع تأكلونه من الرويال كانن ؟ ومشكووورين مقدمااااا |
رد: مالي اسبوعين مدخله الرويال كانن في بيتي وشوفوا وش صار
عادي جداً, والأفضل هو الدراي فود الرويال كانن أنا عندي قطه عمرها 14 سنه ولا تاكل غيره وكُل كم يوم حته صغيره جداً دجاج أو سمكه أو كبده, لكن طبعاً علي كيفها يعني ما أجبرها علي شي ومعلومه مهمه وهي, إن القطط لما تكون صغيره ممكن تاكل كل شي لكن من عمر 7 شهور أو يمكن أقل, خلاص تركيزها كله علي الدراي فود وداه صحي وممتاز جداً, وأنا من تجاربي أئكد داه الشي, قططي مجموعه منهم أعمارها ماشاء الله, سنوات طويله وكله علي الدراي فود وأحسن نوع هو الرويال كانن. نصيحه, أبعدي عن الويسكاس وخاصه الويت فود لأنه لحوم معلبه وصلاحيتها سنتين من تاريخ الإنتاج, يعني مشكله:eek: يعني ممكن كل أسبوع أو إتنين, تعطيها وجبه وحده, إن كانت تفضله أو تحبه. بالنسبه إن عمرها 9 شهور, أعطيها الرويال كانن اللون البمبي لأنه من سن 4 شهورإلي 12 شهر. أهم شي تخلي عندها مويه نظيفه بإستمرار, لأن الدراي فود من مميزاته يخليها تشرب مويه داه غير إنه ينظف الأسنان ويقويها, وبصفه عامه أكثر من ممتاز. الله معاكِ. |
رد: مالي اسبوعين مدخله الرويال كانن في بيتي وشوفوا وش صار
ههههههههههها اي مسويه زحمه :p
عااادي خيتوو وترا نفس الحال مع قطوتي مرت علي فتره ماشريت لها رويال .. وصرت كله اعطيها دجاج و بطاطس ويوم شريته .. شريت للكيتين لاني اصلا شاريته عشان العيال قامت هي تاكله :p ومن احط لها شي العيال ياكلوونه وهي دراي فود بسسس عاادي موني وهي صغيره ماكانت تاكل الا دراي فود قضت شهوووور من عمرها على الدراي فود وماجاها شي والدراي الفود اللي يناسب قطوتك .. لونه يجي امم بني فاتح او برونزي عالعموم بتعرفين انه خاص للشيرازي من صوره القطو المرسوومه عليه واخذي هاي بروتين 36 وفي الكيس من ورااا جدووول .. في عضوو موجود يقول انه التزم بالجدول وقطوته صارت دبدوووووبه الصراحه انا مافهمت للجدول :p بس يمكن مخك احسن من مخي وتفهمين :p واذا تبينها تنوع بالاكل جربي حطي لها الاكل اللي انتي تبينه وخلطي معه الرويال .. يمكن تاكله بالتوفيق |
رد: مالي اسبوعين مدخله الرويال كانن في بيتي وشوفوا وش صار
انا اقول ان الدراي فوود ازين لهآآ بحكم انه فيه فيتامينات ومواد تخفف ريحه البراز ..الخ لكن لازم يكون بجانب الطعام الرطب ..
بس جربي حطي مثلا اكل معلب + دراي فوود واخلطيهم وعطيها .. وقد مره جربت لقطو لي جبت له طعام قطط وحطيت فوقـه دراي فود مطحوون شوي يعني زي البهارات .. واكله وعجبه.. وبالنسبه لافضل انواعه فييه رويال كانين حق البسس لشيرازيه رقم 30 ..وفيه نوع سكـن كيــر ( خاص للشعر والفرو) ورقمه 33 .. وفيه نوع للقطاوه اللي داخل البيت وفيه اللي برا البيت .. وفيه للقطاوه اللي معدتها حساسه .. لكن الافضل بما ان قطتك شيرازيه تعطينها حق الشيرازيات رقم 30 .. |
رد: مالي اسبوعين مدخله الرويال كانن في بيتي وشوفوا وش صار
انا بصراحه مااعطيها الا دراي فود رويال كان وبس مع ماء نظيف والحمد لله دبدوبه
وهو كفايه لانو يحتوي على جميع الفيتامينات والبروتين واحرصي على الهاي بروتين يعني 37 اذا كنتي تبينها تزيد من وزنها واذا كنتي تبين تنحفينها تاخذي قليل البروتين .... بالتوفيق |
رد: مالي اسبوعين مدخله الرويال كانن في بيتي وشوفوا وش صار
اي والله يا وخيتي انتي مسوية زحمة :D رويال كينن هذا افضل شي القطط ممكن تاكله ... عيالي (اقصد قطاوتي) ما ياكلو غيره ... حتى لما اسوي لهم من اكل البيت ياكلو شووووويه بس وبعدين يرجعوا لرويال كينن .. هو مرة كويس .. تطمني ;) |
| جميع الأوقات بتوقيت GMT +3. الساعة الآن 07:35 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو