سؤال عن الشوقر جلايدر
 

السلام عليكم اخواني الاعضاء

انا من فتره تابعت مواضيع الشوقر جلاير

وقرأت كل شئ عنه

الاكل وطبيعته وحجم القفص

بس لاحظت التناقض في بعض الردود

عن اكل الشوقر جلاير

فرات ان لازم الواحد يعطيهم قطعه دجاج مع حليب قليل السم

وفي رد اخر اللحم مع الحشرات والدود مع انهم غير كتوفرين

ومكعبات الكالسيوم هل هي ضروريه

لان ايضا غير متوفره ما اقدر اعوض الكالسوم بشئ اخر

وبالنسبه للماء احط لهم في اناء او قطاره الماء الخاصه بالهامستر

والمشكله الاكبر غير متوفر باعمار صغيره

الاعمار الي حصلتها قريب السنه فهل عضتهم مؤلمه

ولي رجعه

رد: سؤال عن الشوقر جلايدر
 

اهلا فيك ..

انا قرأت نفس هذا الكلام لكن لاحظت انه الشوقر زي الانسان ممكن واحد يحب ياكل صنف معين وواحد مايحبه
جربت اعطيهم دجاج مسلوق ماقربو منه ابدا

اما الدود مافكرت اعطيهم ابدا ولا حتى فكرت اشتريه لانه حيكون شي مقزز

بالنسبة للكالسوم هما يحبو الحليب واللبن وهذا مصدر معروف للكالسيوم
اعطيهم سريلاك احيانا اخلطه بحليب واحيانا اخلطه بمويا بس
اعطيهم فواكه ومن الخضار يحبو الخيار وكنت اعطيهم جزر ياكلوه بس لما سألت البايع في واحة الحيوان قال لاتعطيهم جزر ولا حمضيات لانها تموتهم .. رغم اني اكلتهم كذا مرة جزر وبرتقال والحمد لله ماصار شي لكن بطلت اعطيهم .

بالنسبة للبذور اعطيهم دوار الشمس ولوز وماجربت اعطيهم نوع ثاني من المكسرات لانه لازم اشتريها بدون ملح وماصارت فرصة .

في شي كمان ممكن تعطيهم بيض مسلوق وهوا كمان مصدر كالسيوم وبروتين ، وعلى فكرة معظم الفواكه فيها كالسيوم زي الموز مثلا

اتمنى اكون افدتك

رد: سؤال عن الشوقر جلايدر
 

شكرا لك

اخووي mex

على الافاده وبالنسبه للحليب لازم اعطيهم قليل الدسم

وبالنسبه للعمر ما ادري اذا مناسب ولا لا

ارجو من الاخت Withered Rose

ترد علي بعد لانها تملك

واخوي mex في انتظار ردك

رد: سؤال عن الشوقر جلايدر
 

العفو اخوي

بالنسبة للعمر سنة يعتبروا خلاص بالغين لانه الصغير يجي عمره شهرين تقريبا بعد ماينفطم
وعموما زي ماقلت انته في الاول مافي في السوق صغار كلهم يجو كبار لانه صعب تصيد الصغير وهو دايما في العش عند اهله ولا يطلع ابدا قبل ماينفطم الا ان اشتريتهم من شخص انولدوا عنده في الأسر
وكمان الكميات الي تجي من هذا الحيوان قليلة لانه مو معروف عند الناس زي بقية الحيوانات

واما العض فهما يعضو في حالة الخوف بس وتكون عضة سريعه وتقريبا ألمها نفس الالم الي تحسه من عضة الهامستر الروسي او السنجاب العادي



.