سؤال عن طائر المينا
 

السلام عليكم ورحمة الله وبركاته

حبيت استفسر عن طائر المينا اللي نشوفه يوميا في الشوارع لاني سمعت انه نفسه اللي ينباع في الاسواق ويتكلم ويكون اليف

http://www.environment.gov.au/biodiv...ndian-myna.jpg

فحبيت اعرف اذا تم صيده هل بالامكان ان يتكلم او يتم تدريبه ليكون اليف ؟؟؟

واذا كان صعب فهل فيه امكانيه ان الواحد ياخذ الفرخ من العش ويربيه ويدربه ؟؟؟ اذا كان ممكان فشو احسن اكل له وشو المناخ المناسب اللي لازم يكون فيه لين يكبر ؟؟؟؟

ولكم جزيل الشكر والاحترام

رد: سؤال عن طائر المينا
 

هو ينباع وأليف ويتكلم

اذا صدته لازم يكون عمره صغير

تقدر تاخذ واحد من العش بس المشكله إطعامه

أما المناخ والله ما أعرف


وأنا شايف واحد من فتره سعره 2000 ريال سعودي

يصفر ذاك التصفير تقول كناري مشاء الله عليه

أنا أصفر وهو يرد علي بنفس التصفيره

رد: سؤال عن طائر المينا
 

تبا الصدق انا شايف زوجين منهم قاعدين يبنون عشهم في فتحة المكيف وناوي اصيدهم ، بس مب عارف اترياهم لين يفقسون البيض والا اصيدهم الحين واحطهم في قفص هم والبيض، والشي الثاني مب متاكد اذا الانثى بتقعد على البيض والا بتركه؟؟؟

ومدام السالفه فيها 2000 ريال فالظاهر اني صايدهم صايدهم ان شاء الله :D
;)

رد: سؤال عن طائر المينا
 

السلام عليكم

اخواني الأعزاء يمكن فيه شي انتو مو عارفينه عن المينا

المينا طير متكلم وتغريده جميل جدا وشكله ايضا جميل ورائع

ولكن عند اخذ فرخ من عشه يصبح شرس ويقوم بالهجوم على الشخص واذا كانت ايضا معه طيور اخرى فتقوم بالهجوم ايضا ومساعدته

وهجومهم مركز على الظهر والعين

وحتى لو تخليه بالمنزل ماراح يفارقو

تقدر تشتريه صغير وتدربه فهو سهل التدريب خصوصا بالكلام

عندي مينا ويمكن افكر اني ابيعها مدربه على التصفير والكلام فقط