|
:( السلام عليكم :(
السلام عليكم
عندي مشكله مع كرواني ياريت تلاقونلها حل هاذا رابع كروان اربيه بس هاذا اكثر واحد متعبني موراضي يتعود علي و اهو صارله شهر تقريبا معاي وايد عنيد كل ما اقرب منه احس يكرهني حاولت اوكله يعضني العب معاه ينحاش مني حتى ماوقف على ايدي غير مره وحده و عقبها قام يقاوم و يعض وايد هالايام ابي يتعود ياكل من ايدي و يصعد عليها و يرقص نفس اللي قبل شسوي ساعدوني :( و مشكورين أختكم / ملاك |
رد: :( السلام عليكم :(
و عليكم السلام اهلا و سهلاً اختي ملاك و اتمنى انج تقضين وقت سعيد بالمنتدى و تفيدين و تستفيدين ممكن نعرف جم عمره؟ لأن التدريب يعتمد على العمر كل ما كان اصغر يكون اسهل و احسن و صعب تدريب الكوكاتيل بعمر كبير و راح يطول وايد و نتايجه ضعيفه و شكراً |
رد: :( السلام عليكم :(
قالي عمره اقل من سنه
اتوقع ست اشهر تقريبا |
رد: :( السلام عليكم :(
6 اشهر عمر كبير بالنسبه للتدريب سيحتاج صبر و تكرار بس هذا ما ينع المحاوله: امنعي عنه الطعام لفتره ثم قدمي له الطعام اللي يحبه بأيدج راح يقرب شوي شوي عند ايدج و يحاول ياكل و كلميه عشان يتعود على صوتج و مع التكرار راح تشوفينه ياكل من ايدج حتى لو مو يوعان و أول ما يتعود على انه ياكل من ايديج حاولي تمسحين عليه و هو ياكل شوي شوي لو ترجعين للمواضيع المثبته راح تستفيدين اكثر و اتمنى اني افدتج و لو بالقليل و شكراً |
رد: :( السلام عليكم :(
اخيCapt.HuSsEiN كفا وافهى
|
رد: :( السلام عليكم :(
اخوي انا قريت وايد مواضيع و كان عندي خبره سابقه مع الكروانات
و اللي اعرفه ان الكروانات يحبون ان نمسح على راسهم بس اهو لما امسح عليه احسه وده بس من ثاني مره يصرخ و يعضني ابي يروح الخوف اللي عنده و ان شاء الله بسوي اللي قلت عليه مشكور اخوي ماتقصر |
رد: :( السلام عليكم :(
انا بعد نفس الشي
ليش ؟ |
رد: :( السلام عليكم :(
،،
ياجماعة الخير .. كل الطيور ماتحب احد يلمس راسها .. ومرحلة لمس الراس هذي تعتبر اخر التدريب انا الطيور اللي عندي عادي ابوسها .. بس ماتسمح لي المس راسها .. بالنسبة لك اختي ملاك .. انا اعتبر ان المربيات افضل من المربين من ناحية التوليف لان البنات أصبر .. وألطف .. وفاضيات اغلب الوقت .. غير كذا الجميع يعرف ان تعليم الطيور الكلام .. يفضل يكون من النساء او الاطفال .. مدري وش السبب لكن هذا المعروف .. انتي حاولي تجوعينه .. بس لا تذبحينه جوع .. وصدقيني راح ياكل من يدك زي الألف انا اول مره جوعته واكل من يدي ثم بغيت اني متى ماصفرت له يجي لي وياكل من يدي .. وجوعته لين صار يطير لين عندي علشان اوكله ^.^ اتمنى اكون افدتك ... |
رد: :( السلام عليكم :(
مشكور اخوي طير الهوا
الحمدلله الحين في تطور بدا يوقف على صبعي بس حسب مزاجه يعني مرات مايبي و يقوم يعضني بس سالفه الاكل حتى لو يوعان مايحب ياكل من ايدي بس بجربها لين تضبط و مشكور اخوي طير الهوا عالمعلومه |
| جميع الأوقات بتوقيت GMT +3. الساعة الآن 03:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو