إلي عندهم هامستر.... ممكن مساعدة؟؟
 

السلام عليكم


انا نفسي في هامستر:) وعندي كم سؤال ياليت تتحمولني وتجاوبني عليها:o

وش اسم المحل الي يبيع هامستر في الرياض؟؟

وش أفضل نوع للهامستر؟؟

وهل أشتري ذكر وأنثى أو فرد واحد؟؟ للأني اشوفكم تشتكون من التضارب فيما بينهم؟؟

وكيف عن بيته ونظافته ؟؟ ونظافة الهامستر؟؟

وايش ممكن ياكل غير الاكل إلي أشتريه له؟؟

وهو وين يجلس بالضبط في مكان حار أو بارد؟؟ او معتدل؟؟

طيب الحين عضة الهامستر تعور وتورم منها الاصبع ؟؟:confused: >>>خايفة من هالنقطة

وانا عندي اخوان صغار مافيه مشكل لو اجيبه بس مايجلس عندهم دايم؟؟

ههههههههههههههه ادري طولت عليكم بالاسئلة
:D:D:D:D
بس تحملوني
وارجوا الرد في أقرب فرصة
وإلى عنده اي معلومة زيادة لالا يبخل علي فيها:p
وشكرا

رد: إلي عندهم هامستر.... ممكن مساعدة؟؟
 

اوووووووووووه
ههههههه نسيت سؤال
وابغى تقترحون علي باسامي سواء للذكر أو للانثى

رد: إلي عندهم هامستر.... ممكن مساعدة؟؟
 

عليكم السلام

بساعدك باللي اعرفة بحكم اني مبتدئ في الهامستر بعد ..

انا من اهل الشرقية بس عندي شوية دراية بالرياض, فية مكان مدري ش ينقال له بس هوه مكان حراج الطيور
وكذا, يجي بعد البطحاء وبعد حراج بن قاسم, لما يصير بن قاسم عاليمين هوه يصير عاليسار !! اذا ما خانتني
الذاكرة زمان عن الرياض والله !!

الهامستر افضل شي الروسي لانة سهل التربية خصوصا للمبتدئين ولا يعض ولو عض عضتة شي تافة تدلدغ
ولا تألم بتاتاا, يصدر صوت يخوف فية بصراحة اول ما اقتنيتة كنت اخاف لما يطلع هذا الصوت افكرة بيهجم عليّ
ويكفخني بس طلع خرطي ما عندة ما عند جدتي .. !!
بالنسبة للروسي يتربى جماعات أقل شي 2 واحد لحالة ما ينفع !!
بيتة ونظافتة يبي لك تنضفي القفص مرة بالاسبوع وتغيري الفرش, نشارة الخشب, تنباع في المحلات بسعر
10 ريال للكيس او تقدري تاخذيها من المنجرة ببلاش, اما نظافتة اهوة فما عليك منة الهامستر مجنون نظافة كل
دقيقتين وقف ينظف في نفسة, احذري تسبحية .. السباحة ممنوعة بالنسبة للهامستر !!

بالنسبة للأكل, كل الفواكة ومعظم الخضروات, تجنبي الحوامض والحشائش (بقدونس كزبرة الخ)
يحب اكثر شي تفاح خس جزر

ووو درجة حرارة الغرفة العادية زينة للهامستر !!


ارجو اني وفيت

رد: إلي عندهم هامستر.... ممكن مساعدة؟؟
 

شكرااااااااااااااااا
اخوي الله يعطيك العافية يارب
بس سوال الروسي هو السووري؟؟
طيب مافيه نوع ممكنكن يعيش بالحالة؟؟ وحيد يعني
واكرر شكري

رد: إلي عندهم هامستر.... ممكن مساعدة؟؟
 

الروسي غير السوري

السوري كما قريت انه يقدر يعيش لحاله

ولو تراجعين المواضيع المثبته عن الهامستر راح تستفيدين اكثر...


واسمحيلي ع التدخل ..

رد: إلي عندهم هامستر.... ممكن مساعدة؟؟
 

مكرر:o
سوري

رد: إلي عندهم هامستر.... ممكن مساعدة؟؟
 

عفوآ الرد مكرر:D

رد: إلي عندهم هامستر.... ممكن مساعدة؟؟
 

شكرا أخوي
لالا مب تطفل الا افادة
طيب أخوي انت وش تنصح ؟؟
روسي او سووري؟؟؟

رد: إلي عندهم هامستر.... ممكن مساعدة؟؟
 

العفو ولو ..

الروسي اصغر وألطف من السوري في الشكل واللعب .. !!
السوري أكبر وبالنسبة لي ما أستلطفتة أبدا !! الناس اذواق على ما يقولوا !!

السوري يعيش لوحدة, أما الروسي في جماعات !!

رد: إلي عندهم هامستر.... ممكن مساعدة؟؟
 

هههه صراحة احترت
لاني قريت مواضيع
السوري اكثر مدح
وبعد الروسي يقولون كبير وشكلها قريب من الفيران!!!!!!!
الظاهر التجربة خير برهان

ماعندك افكار للاسامي :)
شكرا جزيلا