|
مشكله فطريات و طفيليات بقطاوتي :S !!!!
مرحبا اخواني شلوكم قطاوتي عمرهم شهرين و اسبوع .. تو وصلوني من البحرين قبل يوم - انا ادرس بالاردن - استانست و فرحت فيهم وايد ليييين شفت في واحد فيهم قشور براسه والثانيه حوالين عينها احمرار بسيط و دايم تحك بويها المهم اتصلت على دكتور كبير و شاطر ما شا الله عليه كنت اتعامل معاه من سنه و قلت له السالفه و قال لي الظاهر فيهم فطريات ولازم اشوفهم والله و نص ساعه و وصل الدكتور عندي و كشف عليهم و فحصهم وراني القشور و الفطريات و قال لي شوف كل هذا وسخ و مدري شنو وقال لي اسوي لهم خلطه الي هي - سبيرتو و زيت زيتون - و انظفهم فيه بعود اذان و عطاهم ابرتين و حط لهم مرهم و نظفهم عدل ووصف لهم علاج اسمه مرهم نيوزورال و شراب اسمه غريزوفين وقال لي احط لهم من المرهم مرتين باليوم و اعطيهم نص سنتيمتر من الدوا بحلجهم مرتين باليوم بعد و لمدة شهر كامل .. وهذا الي صار كله ... و انا الحين عندي سوالين لكم السوال الاول : المرهم احطه بمكان الفطريات بس ؟؟ يعني بوجهم و خلف اذانهم ؟؟ السوال الثاني : هل هالمرض بيسبب بتساقط الشعر عندهم حتى ولو عالجتهم و الا لا ؟؟ صراحه انا خايف عليهم ... عفيه دلووني .. وهذي صوره لهم ... http://allowimi.jeeran.com/3.jpg |
رد: مشكله فطريات و طفيليات بقطاوتي :S !!!!
ماشاءالله عليهم يهبلووون
----------------------------- اي العلاج حطه بس مكان الاصابه .. لكن (( بعض )) العلاجات لو كانت رش يعني بخاخ عادي يحطوونهم على الجسم كله والفطريات تسبب تساقط شعر في المكان المصااب لكن مع العلاج كلها اسبوعين او ثلاثه ويبدا يطلع الشعر الحين انت اخذت شهر سح... ماحسيت بتحسن فيهم ؟؟ ماطلع شعر .؟؟ |
رد: مشكله فطريات و طفيليات بقطاوتي :S !!!!
تسلمين اختي و هذا من ذوقج ..
اختي عمر القطاوه شهرين ... ولا عندهم تساقط شعر كثيف .. بس اذا لاحظتي بالصوره القطوه الي عاليمين - شيري - شعر وجهها خفيف .. والثاني الي عاليسار - كاسبر - شعر رقبته خف شويه كمان .. و العلاج تو بديته اليوم والدكتور يقول استمر فيه لمده شهر كامل و ان شا الله مايصيدهم تساقط... مشكوره عالمرور والرد ويعطيك الف عافيه :) |
رد: مشكله فطريات و طفيليات بقطاوتي :S !!!!
ايو العلاج بس ينحط على مكان التساقط وفيه علاج اسمه lamosil تبع فطريات برضوا مره كويس
وسبحيهم مرتين في الاسبوع بشامبوا نيزورال ترى مره كويس وطريقه الاستخدام انك لما تحطين الشامبوا تتركينه على جسمهم لمده 5-10 دقايق وبعدها تغسلين بماء دافئ.... وبعد ماتنشفينهم كويس تحطين الكريم العلاج طبعا العلاج مرتين في اليوم وراح تشوفين تحسن من اول اسبوع انشالله .... وحاولي تعطينهم فيتامينات وانشالله امورهم بتزين بتنبسطين عليهم ...بالتوفيق |
رد: مشكله فطريات و طفيليات بقطاوتي :S !!!!
مرحبا اخوي ثويمر اول شي مشكوور على مرورك و ردك .. ثاني شي انا ولد مو بنت :D .. ثالث شي الدكتور قال لي لا تحممهم الحين و هم بهالعمر لانهم لسه صغار و المويه بتزيد الفطريات بسبب الرطوبه - عمرهم شهرين و اسبوع تقريبا - فما ادري شرايك انت ؟؟ اشتري الشامبو الي تقول عليه و احممهم ومافيه اي مشاكل ؟؟ وبالنسبه للفيتامينات ... من وين اشتريها و شنو اسمها و كيف اعطيهم اياها ؟؟ |
رد: مشكله فطريات و طفيليات بقطاوتي :S !!!!
ايوووووا
اي استمر لشهر لان اصلا الفطريات تنتهي بعد شهررر والعدوة من الفطريات تنتهي بعد 3 اسابيع وعذر بس بجاوب على اسئلتك اللي تبع رد ثويمر استنى عليهم لين يكملوون شهرين ونص وحممهم وعقب ماتحممهم عطهم دوا كابتين تبع الاسهال عشان الصغار بعضهم يسهلوون بعد الاستحمااام ونشفهم زين مازييييييين ولا تعرضهم للمكيف او اي شي طوول ماهم رطبين الفيتامين اكثر فيتامين مشهوور هو اورنيفيتا ornivita مررررررررررررررره حلو ومفيد تعطيهم اما مع الاكل او عالفم على طووول انا البيطري قالي اذا مع الاكل عشر نقااط واذا عالفم على طول 6 نقااط موفـــق |
رد: مشكله فطريات و طفيليات بقطاوتي :S !!!!
مشكوووره عالتوضيح اختي ... انا تو شريت الشامبو من الصيدليه .. بس على كلامك انطر لين يصير عمرهم شهرين و نص بالتمام .. والحين هم شهرين و تسعه ايام ... على جذيه راح استمر بالمرهم و الدوا لييييين شهر بالضبط و بعدها بتصل عالدكتور يجي يفحصهم مره ثانيه .. و بالنسبه للشامبو رح انطر سته ايام كمان عشان يكمل عمرهم الشهرين ... و زي ماقريت بالمنتدى احط لهم الشامبو بالمنطقه المصابه و اخليه مده ٥ - ١٠ دقايق و بعدين اشطفه و بعدها احط لهم المرهم كمان بعد التنشيف ... ان شا الله مايكون بكلامي شي غلط و ان شا الله ماكون طولت عليكم .. جزاكم الله الف خير ... و اذا عندكم كمان معلومات يديده و اضافيه انا متاكد انكم ماراح تبخلون علي .. مشكورين اخواني :) |
رد: مشكله فطريات و طفيليات بقطاوتي :S !!!!
لالا
الشامبو على جسمه كله بس وباقي كلامك سح وانا سمعت ان العلاجات السايله مفعوولها اقوى من المرااهم والكريمات حتى انا عندي عيال قطوتي استخدم لهم بخاخ من لاميزل والحين خلص فـ بحط قطره كانستن موفق |
رد: مشكله فطريات و طفيليات بقطاوتي :S !!!!
انا مرتين صار في قطوتي فطريات والـعلاج الفعـّال اللي مشى معاهـا هو شامـبو للفطريات وصج صج كان وايد زين وكنت اسبح فيه قطوتي مرتين بالاسبوع :) هذا كان احسـن علاج اي وبعد اذكر ان الدكتور غزاها ابره للفطريات وبس ودير بالك اخوي في هالفتره لمن تلمس القطوه غسل ايدك زين لان الفطريات معدية وممكن تنتقل للانسـان :o |
رد: مشكله فطريات و طفيليات بقطاوتي :S !!!!
تسلمين اختي pink عالمرور .. و زي ماقلت قبل راح انطر خمسه ايام بعد عشان يكمل عمرهم شهرين و نص بالضبط و بعدها ببتدي احممهم بالشامبوو و ان شا الله يفيد معاهم .. لان بصرااااااحه ... هاليومين الي حطيت لهم كريم النازورال ... اشوفهم يلحسووون بعض .. :eek: كل واحد يلحس الكريم الي في وجه اخوه وينطر لين يخلص و يجي دوره و يلحسه الثاني .. شسالفه !! عادي جذيه و الا السالفه فيها غلط ؟؟؟؟؟؟ :confused: :confused: والدوا يغلبووووني و انا احطه بفمهم .. بالمووووت يرضوون يفتحون فمهم و ان فتحته غصب عنهم و حطيت الشراب تعالوا شوفو الحفله ... هذا يتمطق ... و هذا يتمغط .. و هذا يهش و هذا ينش ... :D ف اخاف انهم مايستفيدون منه .. عشان هالشي ابي اسال ... في طريقه ثانيه اعطيهم الشراب هذا بطريقه غير مباشره ؟؟ يعني عن طريق الماي او الحليب او الاكل ؟؟؟؟؟؟ بليزززز ردوا علي باقرب فرصه لاني خايف عليهم وايد و الله و بالاخص شيري احسها صارت ضعيييفه :S :S |
| جميع الأوقات بتوقيت GMT +3. الساعة الآن 01:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو