منتديات تو زوو - كيف نعالج قط فاقد الشهيه؟ بليز ساعدوني

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - كيف نعالج قط فاقد الشهيه؟ بليز ساعدوني (http://www.2zoo.com/vb/showthread.php?t=56097)

بيسي	02-04-2008 10:50 PM

كيف نعالج قط فاقد الشهيه؟ بليز ساعدوني

السلام عليكم ورحمة الله وبركاته

ممكن مساعده بليزززززززز احترت ايش اسوي

قطتي عمرها 3 شهور فجاه صابها اسهال شديد وضعفت كثيرررررر

والحين فاقده الشهيه

عطيته دواء للاسهال وما فاد

اشتريت لها اكل خاص فيه فيتامينات بتاكل شوي وبتترك الباقي

عيونها مصابه بالالتهاب اشتريت لها عصاره وقطور

اهتم بغدائها كثير اقدم لها الحليب والجبن واكل مطبوخ بالبيت واكل خاص بالقطط

وحتى الدراي فود بس مثل ماقلت لكم تاكل شوي

ايش اسوي ما اقدر اوديها البيطري وخايفه عليها كثيرررر

شو اعمل وكيف افتح نفسها للاكل

بليززززز ردو علي بسرعه صحة قطتي تدهور وخايفه تموت بعيد الشر

سلام

Dominique

02-04-2008 11:06 PM

رد: كيف نعالج قط فاقد الشهيه؟ بليز ساعدوني

هذي اعراض الاصابة بالدود

القطط في هالسن تكون فضولية وتدخل بكل مكان وتاكل اي شي امامها

البيطري ضروري في هالمرحلة المتأخرة اللي وصلتلها قطتك

وقفي عنها الحليب حاليا لأنه من مسببات الاسهال وعطيها دراي فود خاص بعمرها

لأن الدراي فود فيه نسبة مشهيات ويسمن مع الاستمرار ويوقف الاسهال مبدئيا

لكن لفترة اسبوع فقط ثم ابدئي بالتنويع لها بالاكل
.
.
.

GaRfIeLd

03-04-2008 08:47 AM

رد: كيف نعالج قط فاقد الشهيه؟ بليز ساعدوني

اعطتك المفيد ومينيك
بس ارجع واكرر الطبيب ضروري بهالمرحله
على الأقل استشيريه بالتلفون

shai6o0ona

03-04-2008 02:29 PM

رد: كيف نعالج قط فاقد الشهيه؟ بليز ساعدوني

نفس ما قالولج اخواني ..
لازم تودينها البيطري لأن هو الوحيد القادر على تشخيص حالتها ..
بس ان شاء الله ما عليها شر ..
و لا تنسين طمنينا عليها ^^

بيسي	05-04-2008 02:51 PM

رد: كيف نعالج قط فاقد الشهيه؟ بليز ساعدوني

مشكوووووووورين Dominique ,shai6o0ona,GaRfIeLd

جزاكم الله الف خير على النصيحه وانا عملت بها

والحمد الله قطتي تحسنت وصارت تلعب وتاكل زين

تسلموووووو

جميع الأوقات بتوقيت GMT +3. الساعة الآن 08:39 AM.