![]() |
ساعدوني يا توزو
:(سلاااام توزووو .... كيفكم ؟
كل عام وانتوا بخير ... من اسبوعين تقريبا كنت بسافر وأخذت بسكت للبيطري علشان اتطمن عليه قبل اسافر قال لي ان بما ان عمره خمس شهور اسنانه بتتغير و شي طبيعي ممكن يمرض .. ونصحني اعطيه مضاد حيوي بيتامكوس ... المهم سافرت وتركت بسكت عند اختي وقلبي معورني عليه بس هي طمنتني انها راح تهتم فيه .. ومرت السفرة على خير لكن قبل ارجع بيومين كلموني البيت وقالوا بسكت يستفرغ ومو عارفين ايش فيه ... سألتهم اذا كويس ويآكل مو مشكلة اهم شي عطوه المضاد .. لكن اليوم الثاني خلاص ما صار يآكل ويستفرغ طول الوقت وما يتحرك ((طبعا اهلي ما قالوا لي كذا خافوا يروعوني عليه :()) ... وداه اخوي للبيطري وعطاه ابر فاتحه شهيه وابر فيتامين وقطرات فيتامين وادول حق الاطفال .. ومن يومها وهو عايش على الابر والادوية .. انا رجعت من السفر وعورني قلبي عليه وزنه نزل مررره .. الحين صار له حوالي خمس ايام ما يآكل ابدا الا اذا انا حطيت الأكل في فمه .. وبعدها يستفرغه .. طبعا اعطيه زبادي قليل دسم وعسل واعطيه زيت زيتون بس الى الحين وضعه ما تغير .. اول امس طاح واحد من اسنانه في ايدي .. امس فتحت فمه لقيت لسانه مثل المتجرح مدري هذا طبيعي علشان التسنين و الا لا :confused: ... سؤالي هو ايش رأيكم في الوضع كله ؟ هل راح يطول ؟ والله اروح ادور عليه اخاف القاه ميت لانه مره ضعيف ومافيه قوة ما يتحرك وفضلاته الله يكرمكم سائلة .. وبعد لاحظت شي ... على هالبرد اللي عندنا مايحب ينام الا في الاماكن البارده .. يعني على الرخام ... في المطبخ ... والارضيات الرطبه ... هل هذا له علاقه بمرضه ؟؟ انتظركم توزو .. بسكت و انا محتاجين لكم ... |
رد: ساعدوني يا توزو
الله يعينك ويصبر قلبك لو انا كان بكيت من الاعراض اللي تقوليها باين ان حرارته مرتفعه وتقرحات او فطريات في لسانه اقترح عليك انك توديه البيطري |
رد: ساعدوني يا توزو
سلامااااااااااااااااااااات الله يشفيه ياارب والله ماعندي خبرة بس ان شاءالله بفيدوونك الاعضاء ...
|
رد: ساعدوني يا توزو
حبوبة شوفي طبيعي هالاعراض خلال تغيير الاسنان لكن اللي زاد الطين بلة انك كنتي بعيدة عنه يمكن هو كان فاقدك مادام ينام على الارض الباردة ويستفرغ وفضلاته سائلة يعني حرارته داخليا مرتفعة وبسبب الاستفراغ لازم تبعدين عنه منتجات الحليب الى ان يتعافى يعني لاتعطينه حليب ولا جبن ولا زبادي لأن الباكتيريا الي فيهم تضر بانزيمات المعدة المتهيجة فيسبب زيادة بالاستفراغ المهم شربيه ماي كثير علشان تعوضين السوائل اللي فقدها خلال الاسهال عطيه بطاطا مهروسة وهالشي راح يوقف الاسهال عطيه بيض لكن موكثير لأن معاه اسهال صج البيض مفيد لكن كثرته تسبب اسهال حطي جنبه صحن مليان دراي فود لأن ريحة الدراي فود قوية ويمكن تفتح شهيته ولو ما اكل حاولي تأكلينه بيدك واستمري على الدوا ويفضل لو تاخذينه البيطري ليعمل كشف لو فيه دود ببطنه للاحتياط وماعليه شر انشالله . . . |
رد: ساعدوني يا توزو
اقتباس:
بكرا بوديه للبيطري ان شاءالله |
رد: ساعدوني يا توزو
اقتباس:
|
رد: ساعدوني يا توزو
اقتباس:
الحمدلله الاستفراغ خف يعني من امس الى اليوم ما استفرغ الا مرة وحدة الحمدلله وبالنسبه للماي هو نفسه يشرب كثيررر واحيانا يغطس فمه في الماي حتى من غير شرب .. بكرا بإذن الله بوديه البيطري وان شاءالله بيطمني عليه ويارب ما يكون فيه دود ... شكرا مرة ثانية ... |
رد: ساعدوني يا توزو
مآيشــوووف شر ان شاءالله :(
بشرينا ! وش صار عليه ؟ |
رد: ساعدوني يا توزو
مايشوف شر بس انتبهي لهذه النصائح ............ |
رد: ساعدوني يا توزو
اقتباس:
المشكلة انه في فترة التسنين صارت عنده طفيليات .. لكن البيطري الله يجزاااه خير هو اللي عرف له وعطاه ابرة ... 70% صار احسن .. بعد اسبوع بيآخذا ابرة ثانيه ان شاءالله ويصير احسن واحسن لاااا و الاسنان الجديدة طلعت بعد ;) الحمدلله |
جميع الأوقات بتوقيت GMT +3. الساعة الآن 05:37 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو