السناجب
يا جماعه عندي لكم سؤال
هل من الممكن اطعام السناجم صناعيا؟ واذا امكن لما يكبرون يصيروون اليفين ولا يعضوون؟ وشكرا |
مشاركة: السناجب
هلا من مجيب
بسرعه الله يخليكم لان في اربعه للبيع البارحه راحو منهم 2 واليوم يقولي البايع راح واحد فتم واحد ممكن تردون علي الليله اذا في امكانيه تكون السناجب اليفه لما تكبر والا لا بسرعه لو سمحتو |
مشاركة: السناجب
انا اتمنى اصحاب الخبرة يردون
بس انا راح ارد عن خبرة بسيطة رغم اني ما ربيت سنجاب انا عندي نمس وجبتة صغير وكان اي شي يشوفة يعضة ... بس مع التدريج تعلم عادي وانا اقولج برايي لو السنجاب اليف وعادي تمسكينة ويلعب عادي يعني مافي ضرر منة راح يكون اليف لما يكبر علشان بيتعود اما اذا كان يعض ومعروض للبيع ومافي عندج اي خبرة لتربية الاحسن ما تاخذينة هذا رايي واتمنى اكون افدت باي شي وبالتوفيق انشالله |
مشاركة: السناجب
مراحب اخوي
شكرا عالرد وما قصرت بس على فكره السنجاب اللي ان شاء الله راح اشتريه اليوم رضيع وراح اسويله تغذيه صناعيه ان شاء الله بس السؤال اللي محيرني لما يكبر بيكون اليف والا بيبدى يعض ولما اناديه راح يجيني وويتعلم هالي والا لا وعادي اخليه برا القفص يعني ما راح يهرب و\مشكور يالغالي |
مشاركة: السناجب
السلام عليكم ورحمة الله وبركاته
انا اقول دام انه رضيع زين بيتعود اسرع واذا كان يعض البس قفاز علشان يعرف انه العضه مااتسببلك اذى ولاكن على اذا بتناديه هاي صعبه شوي يبيله واحد بخبرات وانصح ان يكون داخل القفص علشان مايندعس بمكان وشكرا وبتوفيق ... اخوك العابر اقول انت من وين الكويت |
مشاركة: السناجب
مشكووووووووووووووور وما قصرت
|
مشاركة: السناجب
انت من وين وبكم سعره عندكم؟
|
مشاركة: السناجب
انا من قطر
وسعره بحدود ال400 للزوج البالغ اللي مستعد للتفريخ يعني 200 للفرد والصغير بعد ب200 للفرد و300 للزوج |
مشاركة: السناجب
مادام السنجاب صغير خلاص مافي اي مشكلة ... ونشالله بيكون مثل ما انت تبي بس هذا يعتم عليك
وعلى تربيتك وطبعا الحيوان بطبيعتة يتعود على الي يكون معاه دايما ويهتم فيه ... وعن ذكر اسم معين تندهلة ويجيلك لزم دايما تنادية باسم معين وراح يتعود يسمعة منك ومع الوقت راح يتعود ويجيلك لما يسمعك تقول الاسم نفسة ... وبالتوفيق انشالله |
مشاركة: السناجب
the boss عزيزي توكل على الله انا ربيت أُنينه وانا صغير كانت خادمتنا اتهربهم لي من سيلان الله يرحمها وكان واحد صغير وكنت اعطيه حليب بالقطاره مالت العيون والانف عرفتها واعطيه ماي وسريلاك وكبر وعاش عندي سنتين وكنت امسميه كيكي كل ما اصرخ كيييييكييييييييييي يجيني بس لا تهده وهو صغير ترا ينحاش وخله داخل معاك بعدين لا كبر خله مهدود حتى لو طلع برا البيت راح يرجع |
جميع الأوقات بتوقيت GMT +3. الساعة الآن 03:08 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو