|
عضوة جديدة.......وأبي فزعتكم..!!
بسم الله الرحمن الرحيم أول السلام عليكم.... أهلين بأعضاء 2ZOO كيفكم, أخباركم....؟؟؟ المهم...... ما أبي أطول عليكم.... بس صار لي سنين أحاول أربي كلب بس الوالدة الله يخليها مب موافقة..... المهم أنها آخيراً وافقت.... بس اللحين صارت عندي مشكله.... وأبيكم تساعدوني..... أول عمري 16 وذي أول مرة بيصير عندي كلب.....ربيت قطوة من قبل بس الوالدة خلتني أبيعها..... أكيد في أشياء لازم أعرفها قبل ما أشتري كلب إذا ممكن تقولوا لي إيش هي الأشياء؟؟ هل ينفع أني أربي German Sheperd أو Husky؟؟ هل فيه مركز تدريب أو مدربين كلاب في الشرقية؟؟؟ أو كيف أقدر أجيب أحد يساعدني في التدريب؟؟؟ من وين تنصحوني أشتريه؟؟ القصد أني مبتدئة وأبي أتعلم ممكن تساعدوني؟؟؟ تحياتي ReenO |
رد: عضوة جديدة.......وأبي فزعتكم..!!
بسم الله الرحمن الرحيم
هلا فيك اختي معانا تحت مظلة تو زو اتمنى انك تنبسطين معانا وتستفيدين... الأشياء الي لازم تعرفينها قبل ماتشترين الكلب .. ان تهيئين له المكان المناسب قبل ماتاخذينه الي هو المكان الي ينام فيه ويجلس فيه .. تشترين له صحون حقين اكل وماي .. السلسه وطوق لين تيجين تحركينه او تطلعين فيه ... الشامبو والمفراكه طبعاً تقدرين تربين اي نوع يعجبك بس انصحك تشترين كلاب سهله وسلسله في العامل طبعاً مافي ماكز تدريب في الشرقيه او يمكن فيه بس ماعرف .. وفي مدربين يدربون لاكن انا انصحك انتي تدربين كلبك والي راح يسونه المدربين كله موجود في قسم تدريب الكلاب اما من وين انا انصحك تاخذينه من اشخاص عشان المحلات غاليه... اتمنى تكون اجوبتي وافيه |
رد: عضوة جديدة.......وأبي فزعتكم..!!
صح كلامك يا الذيب
وانه اقولج اختي قبل ما تتوكلين على اي كلب حطي لنا صورته علشان ماحد يغشج في كلابه او اي شيء |
رد: عضوة جديدة.......وأبي فزعتكم..!!
هلا والله اختي نورتي شبكه تو زوو
لنا الشرف نرد عليكي ونساعدك .. وما تخافك رجال توزوو كتير وكلهم يحبو مساعده البعض وهذا فضل من الله سبحانه وتعال. او شئ اذا عايشه بمكان فيه جنينه او حوش خاص او مكان ينفع تربي فيه كلب ضخم مثل الهسكي او الجيرمن شبيرد اتوكلي علي الله. الجيرمن له مميزات جميله والهسكي كلب حكايه لو راح نتكلم عليه لثاني يوم ما راح ننتهي عن كلامه هوا والهسكي. ولو على التدريب ماقلقيش قسم التدريب فيه كل شئ والافضل انك تدربي كلبك بنفسك. شوفي ايه راح تختاري فيهم واذا احتجتي اي استفسار عن اي كلاب ما يردك غير الكيبورد. واي شئ تاني حاضرين ان شاء الله فى رعاية الله |
رد: عضوة جديدة.......وأبي فزعتكم..!!
فايز , AnGeR , Killer مشكورين.....وإنشاء الله ما أكون تعبتكم.... بس للأسف الوالدة تراجعت..... لما رحنا البت ستور أشان بشتري الأشياء (الليش.....تويز....كيج....الخ) كان في جرو صغير في المحل وفجأة الوالدة قالت لأ.... يالله بتجيني حالة نفسية.....بس مصرة بجيب كلب يعني بجيب كلب.... ومرة ثاني مشكورين...... |
رد: عضوة جديدة.......وأبي فزعتكم..!!
مجرد انها شافت جروو؟؟؟؟
قوليلها وشفيه الجرو راح يحبكم ويحميكم |
رد: عضوة جديدة.......وأبي فزعتكم..!!
اختي رينو أنا بالبدايه صار معاي نفس الشي أهلي ما وافقو على الكلبه بس لما جبتها و هي جرو و شافوها تكسر الخاطر خلوها و على مسألت نوع الكلب أنا أنصحك بالجيرمن شيبرد بس أنثى مو ذكر و بالتوفيق لك و ان شاء الله امك ترضى
|
رد: عضوة جديدة.......وأبي فزعتكم..!!
a7madinho <<< لو أجيب جرو البيت آخاف الوالدة ترميه في الشارع....لأنها أبد ما تتحمل الحيوانات.... بس مشكور على ردك killer<<< بس شافتها... وكانت مرة صغيرة .... مشكورين على الردود...إنشاء الله ما أكون تعبتكم... الظاهر أني بنتظر لين ما أصير بالجامعة وأستقر وبجيب لي كلب..... |
رد: عضوة جديدة.......وأبي فزعتكم..!!
هههه
والله نفس المشاكل عندي بعد ال18 اتسقر ههه الله يساعدنا |
| جميع الأوقات بتوقيت GMT +3. الساعة الآن 10:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو