|
هل ينفع تربية البغبغاء مع قط اليف في بيت واحد
مرحبا اخواني واخواتي
انا الحين في مرحله نواي اشتري قطوه واخليها في البيت عندي واعتني فيها بس انا اربي بغبغاء عزيزه علي وماقدر افقدها واذا فقدها راح احزن وتضيق علي الدنيا المهم هل ينفع تربية البغبغاء والقط في بيت واحد اتمنى الرد وراح اكون شاكر لكم جزيل الشكر |
رد: هل ينفع تربية البغبغاء مع قط اليف في بيت واحد
ينفع انك تربي قط و ببغاء في بيت واحد
لاكن الببغاء راح يموت من الغيره ... حاول انك تراعي مشاعره و ما تدلع البسس قدامه لاكن اذا كان قفص الببغاء في الارض راح يضارب هو مع البسس و اكيد الببغاء هو اللي راح ينتصر بس انصحك نصيحه من مجرب ... لا تربي بسس تربيتها مرره تتعب مقارنه بالببغاء ... ويا كثر امراض البسس و اللي تصيب الانسان كمان |
رد: هل ينفع تربية البغبغاء مع قط اليف في بيت واحد
ينفع بس حاسب ان الببغاء يعض القط او العكس
وشكرااا |
رد: هل ينفع تربية البغبغاء مع قط اليف في بيت واحد
اهلين اختي ديدي
من نحاية الغيره فا هي من الحين تغار من كل شي انا امسكه بس ماعليج راح اراعي شعورها وامسكها وادلعها بعد وهي قفصها مش على الارض قفصها فووووق بس انا مصر اني اربي بسه لان بخاطري وانا صغير اني اربي هالقطوه |
رد: هل ينفع تربية البغبغاء مع قط اليف في بيت واحد
مشكووور اخوي كيفي قطري
على النصيحه ربي يعطيك العافيه |
رد: هل ينفع تربية البغبغاء مع قط اليف في بيت واحد
ان شاء الله تلاقي البسه المناسبه بس نصيحه من مجرب ( والله تنفعك ) اشتري بسه عمرها ثلاث شهور انا اشتريت بستين عمرهم شهر ونص والله كل اسبوع اوديهم عند البيطري و دحين سار عمرهم ثلاث اشهر بس برضو يمرضو بسرعه ...و كمان عدو البيت كله بالفطريات |
رد: هل ينفع تربية البغبغاء مع قط اليف في بيت واحد
الله يسمع منج ياديدي
ومافكر اشتري بسه صغيره وايد يعني تقريبا ابيها ب 3 شهور احسن لاني اخاف تلعوزني بالحمام مشكوووره الغاليه والله شيفي قطاوتج مايستاهلون ربي يعطيهم العافيه |
رد: هل ينفع تربية البغبغاء مع قط اليف في بيت واحد
هلا اخووي :) انا بالنسبة لي عندي قطوة وببغاء و القفص طبعا بعييد مثل ما قلت فوق ... اول الايام كانت تروح القطوة تتحرش فيه وتسوي لها مشاكل وياه بس الحين ابد ولا كأنها تشوفه الا نادر لين صار يتحرك وبالنسبة للعمر انا جربت من عمر شهرين والحمدلله القطوة بخير ماشاء الله عليها يعني يعتمد على اهتمامك فيها ... تربية القطاوة وايد حلوة مع انها صعبة والله يعينك :) |
رد: هل ينفع تربية البغبغاء مع قط اليف في بيت واحد
انا برضو عندي ببغاء وقطوين انثى وذكر
الانثى حبوبه تمر من عنده عادي طبعا هو فوق الاستاند بعيد عن الارض وتمر من تحته وهو يراقبها :p الذكرر لا ممكن انه ينط عليه لانه عربجي شوي :D النقطه المهمه ان الببغاء جدااااااااااا جداااااااااااااااااا غيووووووووووور فلاتظهر اهتمااامك بالقطاوه قدااامه لانه راح يكرهك وتتغير تصرفاته معك |
رد: هل ينفع تربية البغبغاء مع قط اليف في بيت واحد
انا كمان عندي عصفور بالبيت
وقطوه واول ماشتريت قطوتي كانت تروح للقفص وتحاول تستكشف لمين الحين صار عادي عندها وتنام حوله ومافي اي مشاكل |
| جميع الأوقات بتوقيت GMT +3. الساعة الآن 05:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو