الدره الهنديه
 

السلام عليكم

اخواني انا شريت دره هنديه هل هي تتكلم ..؟

شريتها وحطيتها عندي علموني كيف ادربها وهي انثى وتوها صغيره مره ابي اعرف كيف اخليها تطلع على يدي وتدرب وتكلم

مع ان الي اخذتها منه يقول باديه تتكلم وتطلع بعض الكلمات

بس المشكله انها ماتكلم ابدا ولا حتى تصفر ولا تطلع اي صوووووووت ابدا ابدا مدري وش القصه

رد: الدره الهنديه
 

اهلين اخوي يسعدني اني اول من يرد عليك

والف مبروووك عليك بالدره وتتربى بعزك وعقبال ماتسمع كلامها

الدره الهنديه تتكلم وتقلد الاصوات وتصفر

بس بغيت اسألك تأكد من عيونها هل هي سوداء بالكامل ام هناك لون الرمادي يحيط بالبؤبؤة العين
اذا كانت اسود بالكامل فهي فعلا صغيره وتستطيع التعلم بسرعه

اول شي حاول تمسكها واذا خافت لاتغصبها حاول تدخل ايدك بالقفص وتعطيها مثلا تفاح بايدك وراح تاكل منه وراح تتعود عليك اذا كانت صغيره

واذا كانت صغيره صفره لها وقول لها الكلمه التي تريد ان تعلمها بصووت منخفض وحاول اول من ان تشوفها تقول لها الكلمه الي تبيها تتعلمه وكرر الكلمه كل يوم

وكل ماتشوفها كرر هالطريقه

وراح تتعلم تقريبا ب شهور او 5 شهور اذا كانت شوية كبيره

بس اهم شي الصبر ولاتحاول فقط ان تربيها علشان كلامها

ربيها علشان تكون صديقتك وتحبك



واذا محتاج اي شي قول ولاتستحي

رد: الدره الهنديه
 

هلا والله اخوي

اخوي ماهي سوداء كامل لا عليها صفار على برتقالي كذا والي شريتها منه يقولي والله صغيره

دخلت يدي القفص ولمستها طلعتها على يدي لمستها على راسها وبدلع << ههههههه وعادي حبيبه ماذارت ولا شي بس الهم واكلت من يدي تفاحه بس المشكله انها ماتكلمت ولا قالت اي صووووووت بالمره

رد: الدره الهنديه
 

اهلين اخوي الغالي

لا هي مش صغيره يمكن عمرها سنه او 8 شهور

المهم في مجال انها تتعلم دام انها صعدت على ايدك بكل سهوله وزين انها طلعت طيبه وماتخاف



المهم عن طاري الكلام

شوووف اذا راع المحل قال لك انها تتكلم خلاص

اصبر لانها مستحيل راح تتكلم الحين لان المكان متغيير عليها وحتى ماراح تطلع اي صووت لان هي تحس بعدم الاستقرار

شووف اصبر لمدة اسبوعين او اسبوع وخلها بمكان واحد ولاتغيره وعاملها نفس المعامله وعطها التفاح وروضها

صدقني اقل عن اسبوع وبترجع تصارخ وتتكلم
فقط عطها فرصه تتعود على المكان اليديد وراح تتكلم

اصبر اخوي

واتمنى وصلت لك المعلومه

تحياتي لك

ولاتخجل اذا عندك سؤال

رد: الدره الهنديه
 

ماتطلع على اليد وصارت تخاف من اقرب من عندها تنقر كيف اخليها تطلع على اليد وحاول اعودها

رد: الدره الهنديه
 

عيل الي بالمحل غشك
اولا هذي الدره مش صغيره وهي كبيره

عادة لما تكون الدره بالغه تكون حول بؤبؤة العين لون رمادي مزرق

وثانيا انت اصبر عليها اسبوع وشوفها اذا تلكمت ولا واذا ماتكلمت رجعها للمحل وتهاوش معاه لانه غشك

وانت بكم خذيتها؟؟؟


شووف اذا تريد تدربها حاول تدخل ايدك بالقفص وتطعيها تفاح وامسح راسها ودلعها وراح تتعود عليك بسرعه

وانا انصحك ان تصبر لشهر يناير راح يكون مسوم الفراخ وتقدر تشتري فرخ وتربية على كيفك

رد: الدره الهنديه
 

اخذتها 250 ريال

وعليها دائره رماديه حول عينها رمادي خفيف