|
الحقوني يا اعضاء
السلام عليكم
امس و انا قاعدة باليل اجفف حوض اسماكي اليديد بعد ما غسلته ، كنت فاتحة الدريشة **النافذة** و ما احس الا و صرصور من النوع الكبير يدخل من الدريشة و يحط وسط حوضي مباشرة، قعدت اصرخ و دون وعي مني ركضت على المطبخ و يبت مبيد صراصير و قعدت ارش على الصرصور و غاب عن بالي اني مليت حوضي بريحة المبيد الحشري.. شنو اسوي الحين ارجوووووكم افيدوني المصيبة ان الحوض كان فيه ادوات توي مشتريتنها /فلتر خارجي + شبكة + علبة كاربون + كيسين حصى / شنو المعمول الحين؟؟؟ |
رد: الحقوني يا اعضاء
مسكينة والله يا مرجانة
هو صرصر يعني ما ينرادله كل هذا الصياح ههههههه جميع البنات قلبهم رقييييق ههه و ما يقدرون يلزقون الصرصر بالقبقاب ههههه عل كل اغسلي الحوض بالصابون و بعدها بالملح و حططي الحوض اسبوع بالشمس و الادوات معاه و خبرينا عن النتيجة او يمكن اقل من اسبوع المهم لين ما تروح الرائحة و اغسليه مرة اخرى بالملح و قلليللنا النتائج اخوك العراقي عـ!شق !لصمت |
رد: الحقوني يا اعضاء
خخخخخخخخخخخخ ,, الله يعينج خيتووو ,, طبقي كلااام اخونا عاشق وانشالله خير
|
رد: الحقوني يا اعضاء
سوقيه بنعال و تنحل المشكله
لازم مبيد XD الله يعينج الحين شوفي اول شي اتسوينه ...الشغلات اللي متاكده انه حاشها المبيد و تشبعت منه (دش داخلها مثل الاسفنج ) هذا قطيه لانه تشبع من الفليت اللي فيه مواد سامه و ضاره ماتروح "مثل الزرنيخ السام" اما الشغلات الملسه اللي مايدش شي داخلها "مثل البلاستك" غسليها بصابون اول شي حيييل ...بعدين غسليها بماي ماااااااااااااالح و خليهم بالشمس جم يوم بعدين غسليهم مره ثانيه و عبي الحوض ماي اشتري دوا مال الكلور "sera اكواتان" هذا مكتوب عليه انه يشيل الكلور و المعادن الضاره فيمكن يشيل باقي المواد السامه او يخفف تأثيرها على الاقل و خلي الحوض شغال و ترسي بالفلتر فحم على شان يصفي الماي من الشغلات الموزينه بعدين حطي جم سمجه رخيصه مثل القولد و شوفي شيصير فيهم اذا عاشوا اسبوع بدون اي مشكله تقدرين اتحطين السمك اليديد .. بس على دفعات قليله على شان تضمنين انه مافي شي بيموتهم اهم شي الشغلات اللي تقدرين اتقطينها قطيها بتخسرين اكثر اذا شريتي السمك و مات لانك تحسفتي على جم شغله ماتبين اتقطينها |
رد: الحقوني يا اعضاء
عـ!شق !لصمت
......................... صدقت و الله بس انا وايد اشمئز من الصرصور، شكله وايد بشع و مقزز، لا و رجوله مليانة شعر بعد ييييييع:( الله يعني الحين ، كنت ما اقدر اصبر 3 ايام حتى احط اسماكي في الحوض..اتاريهم صايرن اسبوع :( شكرا اخوي و انا بسوي الكلام يلي قلته. عاشقة الحيوانات الأليفة ...................................... هاي حبيبتي عاشقة...انا بسوي مثل ما قال الاخ عاشق الصمت...اتمنى يصير خير صراحة وايد خايفة و حاسة بالذنب من تسرعي...انا دايما شذي :( |
رد: الحقوني يا اعضاء
Lonely Hunter ---------------------------------------- سوقيه بنعال و تنحل المشكله لازم مبيد XD تقدر تقول شطارة زايدة حبتين :confused:...بس انا خفت اطقه بنعال يطير على ويهي :eek: اول شي اتسوينه ...الشغلات اللي متاكده انه حاشها المبيد و تشبعت منه (دش داخلها مثل الاسفنج ) هذا قطيه لانه تشبع من الفليت اللي فيه مواد سامه و ضاره ماتروح "مثل الزرنيخ السام" اي انا رميت علبة اسفنج حقول الفلتر ، لونهم ابيض و كلهم فراغات ، نوع وايد حلو بس حسافة تشبعوا بالدوا لين صارو مبللين :eek: اما الشغلات الملسه اللي مايدش شي داخلها "مثل البلاستك" غسليها بصابون اول شي حيييل ...بعدين غسليها بماي ماااااااااااااالح و خليهم بالشمس جم يوم بعدين غسليهم مره ثانيه و عبي الحوض ماي مثل الفلتر؟ اوكي راح اغسله بس راح ارمي اسفنجته...بس شنو اسوي مع علبة الكربون؟ انا متأكدة اني رشيتها للان الصرصور كان حاط عليها :eek:. الحوض بعد انا رشيته كله، و المشكلة ان واجهته عليها رقاقات من الخشب :confused: عادي اغسله بصابون و بماي و ملح؟ اشتري دوا مال الكلور "sera اكواتان" هذا مكتوب عليه انه يشيل الكلور و المعادن الضاره فيمكن يشيل باقي المواد السامه او يخفف تأثيرها على الاقل ينفع احط الدوا الازرق؟ للانه هل الدوا مو متوفر في المحل يلي قاعدة اتعامل وياه و خلي الحوض شغال و ترسي بالفلتر فحم على شان يصفي الماي من الشغلات الموزينه اوكي ...بس كم يوم اخليه على هل النحو؟ بعدين حطي جم سمجه رخيصه مثل القولد و شوفي شيصير فيهم اذا عاشوا اسبوع بدون اي مشكله اسفة ما اقدر اسوي هل الخطوة..لسببين الاول اني ما اقجر اضحي بأي سمكة او شي حي ثانيا..اذا عاشت القولدن بتصير عندي مشاكل وياها مع السوردتيل:o اهم شي الشغلات اللي تقدرين اتقطينها قطيها بتخسرين اكثر اذا شريتي السمك و مات لانك تحسفتي على جم شغله ماتبين اتقطينها من هل الناحية تطمن اخوي...اي شي غير السمج بالطقاق، مالي دخل فيه المهم ما اكون سبب في موت شي حي :) بس ما ادري اذا احتفظ بعلبة الكربون او ارميها؟؟؟ و ما انسى بعد حصى الحوض للاني رشيته بشكل مباشر في الاخير احب وايد اشكرك اخي اونلي على شرحك المفصل، و تلبيتك لنداء الاستغاثة انت و الاخ عاشق الصمت و انا ان شاء الله بطبق نصايحكم و ما انسى اشكر اختي الفاضلة عاشقة الحيوانات على مساندتها لي ;) تقبلوا فائق حبي اختكـــــــــــــــــــم مرجانــــــــــــــــــــة |
رد: الحقوني يا اعضاء
الله يعييينك مرجانه
بس انتي قلتي ما تقدري تضحي بشي حي .. طيب الصرصور كائن حي وانتي خلصتي عليه علبة فلييييت :) |
رد: الحقوني يا اعضاء
هاهاهاها..مسكتني يا ZaZo
بس اهو كائن ضار...و وايد وسخ اما الاسماك فاهي نظيفة و حلوة و بعد شنو ذنبها نضحي بها المهم انا غسلت الحوض الحين و تركته بالشمس لين جف و بنتظر اسبوع مثل ما قال اخ عاشق الصمت و بعدين بسوي مثل ما قال لونلي شكرا على المرور اللطيف اخ زازو |
رد: الحقوني يا اعضاء
اختي مرجانه افعلي كما قال لكي الاعضاء
وايضا اغسلي الجرش والفلتر والادوات الموجوده في الحوض بالماء الساخن والملح |
رد: الحقوني يا اعضاء
اقتباس:
كرتون شنو ؟؟ اذا كان قصدك العلبه مالت الفلتر , شتبين فيها ...روحي الحوش و حرقيها P: اقتباس:
مالت شنو هالرقاقات ؟ اذا كان قصدك نفس اللي يحطونها للهامستر , قطيها و لاتفكرين تستعملينها اقتباس:
بس يمكن لأ , مايسوي شي ...اهم شي اهم شي ...كثري من الفحم بالفلتر اقتباس:
اذا حسيتي انه الماء صار نضيف و ماكو ريحه غريبه اقتباس:
خلاص عيل ..ضحي بالسمك اللي عندك و اذا عاش ماراح يسوي مشاكل مع نفسه P: اقتباس:
و الله انا افضل انك ترمينه لانه اكثر شي تشبع من الفليت و اذا ماوج تخسرين فلوس على تراب يديد روحي البحر و اخذي التراب اللي صاير قريب من الماء اللي يكون فيه مثل قواع صغيره مفتفته , هذا انا استعمله و شكله حلو بالحوض (مع الاضاءه يصير لونه ابيض) , غسليه عدل بماي حلو و حطيه |
| جميع الأوقات بتوقيت GMT +3. الساعة الآن 12:45 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو