منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   لخبراء الرمادي ارجو الاجابة (http://www.2zoo.com/vb/showthread.php?t=41390)

jaboor-5 14-10-2007 08:05 PM
لخبراء الرمادي ارجو الاجابة
 
السلام عليكم جميعا

هذا اول دخول لي الى منتداكم المتميز بصراحة ارجو منكم تتحملون اسئلتي البدائية بالنسبة ليكم

انا اشتريت رمادي قبل تقريبا شهرين من محل بيع الطيور وقال لي البايع ان عمر هالطير تقريبا من 3-4 شهور وقال لي عطه فول سوداني لمدة اسبوع وتالي عطه خلطة الاكل الخاصة الموجودة في السوق وبعد شهرين راح يتعلم الكلام شوي شوي.

بصراحة انا خذته على رغبت بنتي الصغيرة ولا عندي اي خبرة في تربيته، المهم الحين صارله شهرين في البيت وانا معتني فيه على قدر مااستطيع، وللحين مانطق ولا كلمة بس من اقرب جنبة يصرخ ويمد لي منقاره يبي يعضني ومره سواها صدق وطلع الدم من يدي. ولليوم مو عارف اتعامل وياه كل المواضيع المتعلقه بها الطير الموجودة في منتداكم الحبيب قراتها وللحين موعارف كيف اقنعه بالكلام.

ارجو منكم اهل الخبرة والفن انكم تعطوني الارشادات كيف اتعامل معه وخليه يتكلم مثل اللي نشوفه في التلفزيون.

وشاكر لكم تعاونكم

اخوكم عضو ماعنده خبرة

صرقوع المصرقع 14-10-2007 08:33 PM
رد: لخبراء الرمادي ارجو الاجابة
 
أخي الغالي .. عليك أولا جعله يرتاح لك ويحبك .. ويبدأ يخف الجعير

إلبس قفااز ودخل يدك في القفص وخليه يعضك فتره طويله ولما يوقف إبدأ مسح عليها بيدك بالقفاااز

وحاول تلعب معه وتخليه ينتقل من يد ليد وانت لابس القفاز ويدك داخل القفص ولماا تنجح في هالشي

إفصخ القفااز وحااول تلاعبه بيدك .. ولو عضك لا تخاف ولا تسحب يدك بسرعه خل يدك ثابته وما بيعضك بس بيحط منقاره عليها ويوقف او يتسلق على يدك ..

والكلام لا تستعجل عليه .. ومعروف إن الرمادي هو أفضل طائر متكلم ..

وشد حيلك والصبر مفتاح الفرج ..

ما اقول كلامي ميه بالميه صح .. بس هذا اللي اعرفه

.. وتحياتي ..

× صرقوع ×

jaboor-5 14-10-2007 08:51 PM
رد: لخبراء الرمادي ارجو الاجابة
 
اشكرك اخوي صرقوع على نصايحك

بصراحة جربت هالطريقة بس ماجابت نتيجه وياي

صرقوع المصرقع 14-10-2007 09:19 PM
رد: لخبراء الرمادي ارجو الاجابة
 
إصبر عليه وحبه حبه يجي معك بإذن الله .. لأن مافي شي مستحيل

وأهم شي إصبر .. إصبر .. إصبر

وحاول تخليه ياكل من يدك ..

.. وتحياتي ..

× صرقوع ×

abd55 14-10-2007 10:10 PM
رد: لخبراء الرمادي ارجو الاجابة
 
مرحبا اخوي

اول شي انت قلت انا قال لك عمره 3_4 شهور

ويجب التأكد من العمر لأن هذا العمر صغير ولا يتغدى

على الفول السوداني

لا يمكن للطير أن يتكلم في هذا العمر

فإذا أمكن اوضع صوره له او قول وش لون عينه

تحياااتي:cool:

jaboor-5 14-10-2007 10:50 PM
رد: لخبراء الرمادي ارجو الاجابة
 
لون عيونه يبين اسود في النص وحواليه قريب بين الاصفر والرصاصي

واشكرك اخوص مصرقع على اهنمامك

abd55 15-10-2007 04:44 PM
رد: لخبراء الرمادي ارجو الاجابة
 
اذا كان أسود وحواليه ابيض فهذا بما يقارب من السنه الى ثلاث سنوات

واذا كان أسود وحواليه اصفر فهذا من ثلاث سنوات ورايح يعني كبير

وهذا البياع لعب عليك في العمر ويمكن بعد في السعر

فأرجو من أي واحد قبل مايشتري يقرأ المواضيع المثبته

الى تعبو فيها الإخوان وما قصرو

تحياااتي:cool:

بوصدام 15-10-2007 05:06 PM
رد: لخبراء الرمادي ارجو الاجابة
 
ياليت لوتحط لنا صورة جزاك الله خير

العالي 15-10-2007 07:50 PM
رد: لخبراء الرمادي ارجو الاجابة
 
اخوي الغالي

كيف تريد ان تعلمه الكلام ولم تروضه .....؟؟

بدايه لك يجب تدريب الطير لكي لايجعر

حاول التكلم معه .. كلمة واحدة فقط

تتكون من ثلاثة احرف

تحياتي
العالي ( ابو حسن )


جميع الأوقات بتوقيت GMT +3. الساعة الآن 11:30 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو