|
شنو احسن !!
السلام عليكم :rolleyes: طبعا ها السؤال للكويتيين :p بغيت اسأل شنو احسن مستشفى الدهماء ولا الري !! من حيث المعامله والدكاتره .. لان انا قالولي ان الري احسن من الدهماء لان متخصص للكلاب ( تكرمون ) والقطاوه . . بينكي |
رد: شنو احسن !!
هلا اختي
نصيحه لا تروحين الري... لعبو ببيكي مسكينه صح تشوفين اهتمام وفاضي جنه ما عنده غيرج.. بس بالادويه خربوطه مسكينه بيكي كانت عندها حراره... لعب بحسبتها لعب روحي الدهماء احسن |
رد: شنو احسن !!
ويه بعد عمري حراام .. تعالي شخبارها .. ليمن الحين تعافر وما تبيج ؟؟ انا اليوم قلت حق سايقنا اوديها الري وداها الدهماء وطلع فيها حراره مسكيينه :( بس الحمدلله الدكتوره جيكت عليها وطلع مافيها لا جراثيم او ولا شي بس ما ادري احس اني شاكه بكلامها :confused: |
رد: شنو احسن !!
انا ياني هالاحساس بعد.. ووديتها الري وضاق خلقي عليها بعدين
دام انها وصفتلها دوا.. استمري عليه لا تستعيلين واذا ما شفتي منه فايده وديها مكان ثاني وبيكي بك بيك بعد قلبي...للحين خوافه وما تاكل... بس احسن من اول اصلا انا من رديتها منهم وهي عايشه باكتئاب ... بس يي على حظي.. تروح حق ابوي وتروح للخدامه بس انا من تشوفني تصير اسرع قطو ينخش تحت الصوفا :( ... |
رد: شنو احسن !!
اي الدكتوره غزتها ابره وقالت باجر ارد اييبها اذا م صارت احسن انتي وين وديتها لمن عفرت ولعبوا فيها ؟\ ميخالف ترى يبيلها صبر انتي حطيها بحظنج ومسحي عليها ودلعيها وانشاء الله راح تكون احسن :rolleyes |
رد: شنو احسن !!
هلا اختي
هذاك بالري.. بيطريه الدهماء سوت نفس الشي قالت ابره واذا ما تحسنت يبيها مره ثانيه وبالنسبه حق قطوتي...ياليت الله يسمع منج تقعد بحضني اناما اقدر اشيلها ولا احطها بس ادلعها واوكلها :) |
رد: شنو احسن !!
السلام عليكمـ اختي بينك .. من غير تفكير .. الدهماء أحسن شي واقرب شي لجميع مربين الحيوانات . عالاقل عندهم كفائه وضمير ومايوصفونلج ادويه سياسة البيطرات اشلون كل دكتور عنده سعره .. يعني مثلا وصفلج فيتامين ودوا بالري طلع عليج 5 دنانير .. بالدهماء يطلع عليج 3.500 بس اوقات يطلع 5 . اشلون؟؟ كل دكتور عنده سعره .. وكل دكتور ايحط سعره للادويه لانه بالاخر الزياده تروح حقهـ .. فاالي بيروح للدهماء ايروح يا عند جوزيف ( شبيه ماروكو وايد نعوم ) . أو النثيه ماغيرها اكو واحد بوخنافر هذا يضرب بالعالي وغصب يدفعكم بينكي ياريت اتكونين استفدتي من تجربة اختي كويتيه وتجربتي .. وصفيلي حالة قطوتج شفيها؟؟ اختي كويتيه الحمدلله عالسلامه الحمدلله انه في تحسن .. ولاتنصدمين من نحشة قطوتج .. الظاهر يوم عارفو فيها عينها يات بعينج وبدأت كل ماتشوفج تتذكر الموقفـ .. ياجماعه الي بيطق قطو او يعاقبه او يوديه البيطره لايطالع عيونه ابدا ولايقرب صوبه لانه جذي راح يعتقد انكم متؤامرين مع الي يؤذونهـ .. داخل كل سكشن من البيطره حاطين كرسي ياريت تقعدون وماتوقفون يم الدكاتره (تجربه شخصيه ولا حيوانكم راح يكرهكم ) .. عموما " اتبعي معاها الاسلوب البطيء ان راحت عند أي احد من اهلج روحي و لمسي عليها وناديها بأسمها وخليعطونج ياها وكليها انتي . حاولي كثر ماتقدرين اتلمسين عليها والاستحمام خل الخدامه اتسبحها مو أنتي وأي سؤ ال انا حاضر ورمضان كريم |
رد: شنو احسن !!
هلا اخوي قطو_Q8te انا ما شفت الدكتوره لان السايق اهو اللي وده قطوتي بس كلمت الدكتوره بالتلفون واليوم انشاء الله راح ارد اوديها لان الدكتوره قالتلي .. اهي فيها حراراه وحرارتها حيل مرتفعه وانا وايد خايفه عليها .. كاسره خاطري :( مع انها تلعب وتتحرك بس مبين فيها خمول شوي .. وبالنسبه حق تصرفتها معاي .. حيل حبوبه جني امها :p وين ما ارووح تلحقني وتحب تنام في حضني :) يعني شنو احسن جوزيف ولا النثيه << على قولتك :rolleyes: وعندي سؤال : وين اقدر اسوي حق قطوتي فحص التوكسوبلازموس ؟؟ بس عشان اطمن عليها ولان عندي اختي حامل وبين فتره وفتره اتيي بيتنا :o وسوري اخوي اذيتك بالاسئله .. ومشكوور عالرد :o |
رد: شنو احسن !!
الدهماء نفسه يفحصلج ياها والنتيجه تطلع مع وجود دود ولو اني احبذ انج تفحصينها من الدود مره وحده.
التكوسوبلازما فطري يطلع عن طريق تعفن الوصخ مالهم يعني برازهم يقعد يومين ومايتغير من الطشط .. واستنشاقه اهو الي يؤدي للاجهاض |
رد: شنو احسن !!
الله يعين بالمستشفيات
|
| جميع الأوقات بتوقيت GMT +3. الساعة الآن 03:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو