|
ساعدوني في ( فلتر حوضي الجديد )..
السلام عليكم بسألكم اذا ما عليكم امر ، انا اشتريت حوض جديد بس ما اعرف شلون اركب الفلتر ، لي خليت الفلتر بالحوض يصير الواير مال الكهربا نصه في الماي شلون جذي ... وهذه الصور.. صورة الحوض http://www5.0zz0.com/2007/08/28/10/35088495.jpg وهذا الفلتر http://www4.0zz0.com/2007/08/28/10/30923584.jpg صورة أخرى للفلتر من الداخل http://www5.0zz0.com/thumbs/2007/08/28/10/93839022.jpg وهذا الواير اللي محيرني http://www2.0zz0.com/2007/08/28/10/69272915.jpg اتمنى تردون علي بأسرع وقت ... مشكورين باي |
رد: ساعدوني في ( فلتر حوضي الجديد )..
افا عليج عادي سهله
تركيبت الفلتر عدل مافي اي شي وبخصوص الواير شي طبيعي طلعي راس الكهرباء بره من اي فتحه حتى لو يكون نص الواير بالماي مافي اي مشكله بس اهم شي راس الكهرباء برا وبالنسبه للفلتر : طريقه التركيب مثل اول صوره تسكرين الغطاء والبايب الاسود مركب بس واخر صوره مبين انه راكب عدل وكل شي تمام بس حطيه بالحوض وسوي اللي قلتلج عليه الاسود الطويل هذه يسحب الماي ويروح على الاسفنج الابيض والهوز الشفاف يضخ الماي النضيف \ بس عشان يشتغل لازم تفولين الحوض بالكامل |
رد: ساعدوني في ( فلتر حوضي الجديد )..
مشكور اخوي وليد ،،
تصدق انا الحين مركبه الحوض وتارسته ماي وكل شي بس انتظر هالفلتر شلون اركبه واشغله .. يعني معقوله اخلي الواير عادي بالماي اول مره اسمع خخخخ .. والله صدق عادي يعني مافي اي خوف من شوط او شي وهل كل الاحواض اللي نفسي يسوون هالحركه ؟؟ انزين الهوز الاسود لازم افتحه بعد ، لأنه في النهايه مسكر بشي اسود .. هل افتحه واخليه في الماي عادي ؟؟ مسامحه على كثر الاسئله .. مشكور مره ثانيه .. |
رد: ساعدوني في ( فلتر حوضي الجديد )..
لووول عيل اشلون لو تشوفين الاحواض اللي عندي كلهم وايرات خخخخخ :)
لا عادي الواير على 3 طبقات حمايه والحامي الله مافي مشكله اختي عادي تقصدين الهوز الاسود ولا الهوز الشفاف الهوز الاسود لا خليه مثل ماهو عليه الهوز الشفاف لازم تبطلينه التسكيره اللي فيه وسلامتج والف مبروك على الحوض ماشالله وايد روعه انشالله تستانسين فيه ويتربون بعزك السمك :) السياره عجييييييييبه |
رد: ساعدوني في ( فلتر حوضي الجديد )..
مشكور اخوي وليد ما قصرت ، عذبتك معاي مع كثر اسألتي وربي يعطيك اللي تتمناه .. والحين بروح احاول اشغله ...
|
رد: ساعدوني في ( فلتر حوضي الجديد )..
افضل فلتر الفلتر الخارجي الي يسموونه البيلوجي الي في فحم وسفنج وسيراميك الفلتر الي يكون في الحوووض فعااليته مش كبييرة ....... ولج القرار اختي حمامه
|
رد: ساعدوني في ( فلتر حوضي الجديد )..
كلام وليد عين العقل
شوفي هذه الصوره من هالفتحه طلعي الواير و الهوز |
رد: ساعدوني في ( فلتر حوضي الجديد )..
يا جماعه شغلت الفلتر وما اشوفه اشتغل بس في نوع الفقاعات فوق سطح الماي، ياربي مو عارفه شسوي ... شوفوا الصور هذا البايب الاسود اللي يجي فوق الاسفنجه احسه ما يثبت ، واصلا ما اشوف يضخ اي ماي ؟؟؟ http://www5.0zz0.com/2007/08/28/12/60513421.jpg وهذا الهوز الابيض بس كل معلق بشكل مو مرتب .. جذي صح يعني؟؟ http://www5.0zz0.com/2007/08/28/12/55208168.jpg الحين سؤال آخر شلون نعرف ان الفلتر اشتغل ، في صوت او حركه له ... |
رد: ساعدوني في ( فلتر حوضي الجديد )..
في بايب ناقص
المفروض يتركب هني و الطرف الثاني بهالبايب http://www5.0zz0.com/2007/08/28/12/60513421.jpg و اذا بتعرفين الفلتر اذا كان شغال ولا لأ....من الصوت او دفع الماي |
رد: ساعدوني في ( فلتر حوضي الجديد )..
لا ما عطاني الهندي اللي بالمحل البايب الناقص غريبه ... لازم اروح له اليوم ...
مشكور اخوي.. |
| جميع الأوقات بتوقيت GMT +3. الساعة الآن 11:09 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو