عفيه ساعدوني يا اهل الخبره ؟؟ادخل لاتردد
 

اول شي
السلام عليكم


انا جديد بالمنتدى واول مشاركة لي هذي ....
اخواني انا عندي طير مزعج يجعر من اقرب صوبه يجعر من اعطيه الاكل يجعر وحياته يجعر واهو هادئ الي اقصى الحدود بس من تقرب صوبه يصايح ويطول صوته وخواف حيل وانا ابي وسيله تنقذني

جربت وياه اجوعه ياكل من ايدي وا\ا رحت ورديت له وقلت له ميمي يجعر وهذا اسمه ميمي وانا ابيكم تساعدوني شنو حله والطير ماصار له اربع ايام بالبيت

رد: عفيه ساعدوني يا اهل الخبره ؟؟ادخل لاتردد
 

وعليكم السلام ورحمة الله وبركاته

أخوي تشرفنا بانضمامك لنا في هذا العالم المتواضع اللي عسى الله يفيدك منا وتتسفيد اكثر من ما كنت تتوقع وهذا الشيء اقول بإذن الله راح يصير ان اسمريت معانا يالغالي فاهلا وسهلا فيك يا من نور المنتدى بوجوده .....


أنا كنت راح ألومك لأنك ما ذكرت لنا وش الطير اللي معاك بس لما شفت اسمك عرفت اش السالفه :p افريقي صح ...


من مجمل كلامك استنتجت شيء وعلى الله يكون صح وهو الطير لسى جديد عليك يعني توك شاريه إن كانت الاجابه بنعم

فلا تخاف ابد ياغالي كل اللي عليك الصبر ولا تخوفه وخله وسط البيت حتى يتعود عليكم ويألف تماما بمن حوله بالمنزل ويستحسن رفع القفص عن الارض مسافة مترين ....

اقتباس:

رحت ورديت له وقلت له ميمي يجعر وهذا اسمه ميمي

أحسنت الفعل عليك بتكرار اسمه كل ما اردت اللعب معه حتى يعلم مع مرور الوقت ان ميمي يعني اسمه ويتجاوب معك في وقت لاحق بإذن الله كلما قلت له ميمي فهو سيعلم ان هذا الاسم يخصه هو لا غيره ...

اقتباس:

وانا ابي وسيله تنقذني

وهذ الطريقة عذرا يا اخي الكريم من وجهة نظري خاطئة تماما وقد اكثرنا الحديث حول هذه النقطه وإن كان تقصد ان التجويع هو بقطع عنه الطعام المفضل فلا بأس في ذلك ولو اني لا افضلها لكون الطائر يألف حين يقدم له الطعام أكثر لأنه يحس بالعاطفة من قبل المربي اكثر



اسف اخي الكريم ::o

اطلت الرد عليك ولكن للتوضيح وأي استفسار آخر تفضل بعرضه لنا وانشاء الله راح نجيبك ياغالي ...

رد: عفيه ساعدوني يا اهل الخبره ؟؟ادخل لاتردد
 

اسمحلي اتدخل من خلال خبرتي



اول شي واهم شي


الطير ماله اربع ايام يعني لسه ما اتعود عليكم



وثاني شي انصحك بوضعه بمكان يكون مرتفع عن الارض بطول 2 متر تقريبا



وما تخوفه ابدا وتحاول تمسد على راسه بس ولا تمسك جسمه لحد ما يتعود عليك



واخيرا انتبه على الاطفال لانه ممكن يعورهم لانه خايف




أختك..

رد: عفيه ساعدوني يا اهل الخبره ؟؟ادخل لاتردد
 

السلام عليكم


اشكرك اخوي الجااارح ومشكور وماقصرت


اشكرج اختي .. وردة الالماس ..وفيج الخير والبركه



ياجماعه انا الحين الطير حاطه فوق الثلاجه بالمطبخ

يعني مكان فيه حركه عند الاهل وتقريبن الاتفاع مترين واللي محيريني

بالطير انه يحك بمنقاره ريشه ويفرك نفسه هل فيه


شي ولا عادي عند الطيير جذي ...

يعني مع الايام انشالله اذا تعود

علينا الطير مايجعر ومايصايح

ولا يعض وشنو

الوسيله اللي يحتاجها الطير

عشان مايجعر ولا يكون خايف

رد: عفيه ساعدوني يا اهل الخبره ؟؟ادخل لاتردد