|
سؤال ضروري بليز عن جراوة الدوبر...متوهقين !
مرحبا بليز صروري تعلموني الجراوة يبين عليهم النمو خلال 3 ايام ولا لأ يعني شي طبيعي اذا كبر بطن الجراوة عن اول يوم انولدوا ؟ لأن عندنا 2 بطنهم كبر واحسهم فيهم شي الذكر مايتبول وايد ولا يتبرز بس النثية طبيعية بس مادري لأن ماعندي خبرة بالجراوة فمادري لو هالشي طبيعي ولا لأ يشربون حليب بانتظامك وابولهم وانظفهم بانتظام امهم الحيوانة كاشتة فيهم ماتبيهم اخاف فيهم شي او يموتون:( . . . |
رد: سؤال ضروري بليز عن جراوة الدوبر...متوهقين !
اختي Dominique ان شاء الله ماعليهم خوف مدام اليراوه يشربون حليب و نتفاخ البطن عادي لنه الجرو اذا شرب الحليب يبين عليه بشكل واضح وبطنه ينتفخ بس بشكل طبيعي بنسبه حق الام وقت رضاعه اليراوه انتو سدحو الام وقربو اليراوه من بطنها وخليهم يشربون ووزعيهم على بطنها ونتو سادحينها مسحو على راسها عشان تهدى اشوي ودوخ يمكن تكون النثيه اول مره تولد او تكون صغيره بسن وان شاء الله مافيهم الى العافيه بالتوفيق اختي |
رد: سؤال ضروري بليز عن جراوة الدوبر...متوهقين !
هلا بوخالد المشكلة انه امهم ترضعهم لما اخوي يكون يمها بس يروح عنها تاخذهم وتقعد عليهم او تطق اللي يبي يرضع منها وماتخليه يرضع على مزاجها ماتنهد بروحها معاهم اخوي قال خل نجرب نخلي عندها واحد بس الليلة ونشوف قاعدة اكتبلك واهيا الحين ماسكته بحلجها وقاعدة تفتر فيه بحوشها واهوا واعليا ينابح يكسر الخاطر :cool: بالله عليك مو هبلة البابيز يشربون حليب كلهم ماشالله بس 2 بطنهم منتفخ اكثر من الباجي مادري بين عليهم العز :p او انه على قولتك مال الحليب اهم عادي لو ماتبرزوا يوم كامل ولا فيها مشكلة ؟ لأن مو كلهم يتبرزون 2 بس دوختك ماعليه ميرسي على المرور;) . . . |
رد: سؤال ضروري بليز عن جراوة الدوبر...متوهقين !
هلا Dominique باين من كلامج انه الام لا تجيد الحضان مالكم الى الارضاع الصناعي عزلو الام ربما تكون خطر عليهم الله يعينكم على هذي الشغله المتعبه وانتو باشروهم كل ساعتين او ثلاث كل واحد يمسكله يرو وانتو رضعوهم بالرضاعات الي شريتيهم فعلا شيء غريب غالبا ماتكون الانثى في هذي الفتره فترة الولاده بهدوء تام وحواليها الجراء وهي الي تباشرهم تقدرين تستعينين بهذا الموضوع ان شاء الله افيدج بالتوفيق ان شاء الله |
رد: سؤال ضروري بليز عن جراوة الدوبر...متوهقين !
تقول متعبة شوف جدولنا شلون صاير امانة طبعا الجلاب نياسة مثل مانت عارف فلازم ملابس معينة مو كل شوي البس شغلة واروحلهم واخلص ملابسي :p مخليلهم ملابس معينة اوكي اخوي يستلمهم من الساعة 5 الفير للساعة 2 الظهر ياخذهم عند امهم ويقعد معاهم لا تذبحلها واحد انا واختي ننام بهالفترة من الساعة 2 للساعة 6 المغرب كل شوي مبدلين ملابسنا ورايحين نرضعهم وننظفهم ونرجع نلبس ملابس البيت ونقعد على النت او اشتغل بأي شي ناقصني او نتسبح ونصلي :cool: بعدين اخوي يرجع ياخذهم عند امهم لغاية الساعة 10 او 11 بالليل عقبها يخليهم عندنا للساعة 5 الفير وهكذا صارلنا 4 ايام مانشوف النوم كل شوي اخوي يمل ايي يقعدنا قوموا قعدوا معاهم:cool: ولا يكون يبي يطلع ضروري ويضطر يخليهم عندنا او احد فينا يبي يتسبح او نبي نصلي اففففففففففففف دخنا قاعدين نرضعهم بالرضاعة مسوين حضانة انا واختي :p اليوم بطنهم خف شوي عادي بولناهم وايد امس وانتوا بكرامة الظاهر كان البول محتبس خذينا فوط بماي دافي ومسحنا فتحة البول لما بالوا ونظمنا الرضاعة كل ساعتين او 3 نرضعهم مرة علشان يتنظم وقتهم وعقب كل رضعة بنص ساعة نبولهم وننظفهم ويرجعون ينامون ومرة ثانية قبل كل رضعة يرجعون يبولون الحين اخوي مخلي 2 عندها وكل شوي يطل عليهم لا اشوى هدت شوي سوتلهم مكان وقعدت معاهم بس لازم احد يراقبها قلنا بعد تووووووووبة اول واخر مرة تحمل هالجلبة مشكور بوخالد صج هالموضوع مفيد يعطيك العافية . . . |
رد: سؤال ضروري بليز عن جراوة الدوبر...متوهقين !
يالله هانت كلها 3 تشهر ولا اربع والامور تتعدل :rolleyes: حياج الله اختي |
رد: سؤال ضروري بليز عن جراوة الدوبر...متوهقين !
بسم الله الرحمن الرحيم
بوخلود يبا ماعطيتنا فرصه نجاوب مشكور ويعطيك العافيه :):) .. الشيخه Dominique أسفين على القصور ويعطيك العافيه بووخلوود مره ثانيه:rolleyes: |
رد: سؤال ضروري بليز عن جراوة الدوبر...متوهقين !
الله يعيننا عيل 3 او 4 اشهر يمه:p اليوم وامس لا الحمدلله نظمنا وجبات الحليب وصاروا تمام;) ميرسي بوخالد تعبتك معاي فايز مامنك قصور افا عليك تسلمون كلكم . . . |
| جميع الأوقات بتوقيت GMT +3. الساعة الآن 09:07 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو