مساعدة من مختصي الكوكاتو
 

السلام عليكم جميعاً
من فترة اشتريت كوكاتو دوكرب وكان متوحش وعنيد عمره 9 شهور
والحمدلله صاحب محل الطيور بدل اياه
اخذت بدلها فرخ دوكرب عمرها ٤ شهور
علمتها تطلع على ايدي من خامس يوم لكن فيها خوف مو طبيعي
اذا صعدت على اليد تنزل بسرعة
وعلمتها ماتعض بطريقة وضع العسل او المربى على الاصبع
اليوم بعد صبر شهر حسيت انها بدأت تتجاوب وصارت تصرخ عشان احملها ونتمشى بالبيت
لكن يبقى فيها عادات اني ممنوع المس راسها تحاول تعضني او تدفع يدي مع اني احس انها توثق فيني اكثر من الموجودين بالبيت
وممنوع اغير مكان قفصها اشوفها بس احطها بالصالة تنزل عن القفص وتروح مكانها الاول ![emoji19]

هل لدى احدكم معلومات عن الكوكاتو دوكرب؟؟
ومتى تتكلم؟
وكيف اكسر الخوف لي فيها من لمس الرأس


http://uploads.tapatalk-cdn.com/2016...c37d762613.jpg


http://uploads.tapatalk-cdn.com/2016...11af942af0.jpg

هذي صورها ما شاء الله لاحول ولاقوة الا بالله
[emoji7][emoji7]


Sent from my iPhone using 2zoo.com mobile app

رد: مساعدة من مختصي الكوكاتو
 

وعليكم السلام ورحمته الله وبركاته,

ما شاء الله.

أخيراً عرفتي أنه دكورب :cool:

الدكورب إلي عندي أول ما وصل البيت ما كان يحب أحد يلمسه أو يطع على اليد. عاد إلي سويناه فيه نشيله بالغصب ونمسح فيه.

طبعاً ما يطول معانا وعلى طول يطير إلى أعلى مكان بالغرفة ( المكيف بالعادة). على هل الوضع ما راح يصير أي تطور. لتفادي هل الموضوع . حالة حال الي قبله , أقص الجناح ومن بعدها بدأ يهدأ ويوقف على اليد ويقبل المسح على الجسم وفيه عض خفيف بس مش دائم يعض. وإذ جيتيه بسرعه يبدأ ينفخ عليك.

طبعاً إلى الأن ما نطق ولا أعرف متي بينطق.

بالنسبة لحك جربي نقطة الضعف عند الطيور . الخد إذا مشت الأمور كملي على الباقي . إلي عندي يطير إلى إلي يسوي له مساج. إذا ما سويتي له مساج ما يقعد عندك دقيقة. :wao:.

وحاولي أنك ما تجيبي كوكاتو ثاني لإنه إذا أجتمعوا بتشوفين أزعاج مضاعف . لأنه الاخ معاه كوكاتو ليزر وكوكاتو قالا. صراخ مايوقف. :angry:

رد: مساعدة من مختصي الكوكاتو
 

مشكور اخي العزيز
lili شكلها عنيدة ما تقبل المسح الا لما احملها و تهرب بسرعة
في غيرها كاسكو ودود ولطيف جداً وشقي جداً
يعطيها بوسات [emoji28] لكنها ماتعطيه وجه على تطول تصرخ فيه صوت يجمد المسكين[emoji16]
احياناً احسها تغار منه لما تشوفني حاملته تنزل عن قفصها
احسن حل احطهم بغرفة واحدة عشان تتعلم منه[emoji2]
الله يخليلك ويحفظلك اياهم ماشاء الله



Sent from my iPhone using 2zoo.com mobile app

رد: مساعدة من مختصي الكوكاتو
 

الدكورب إلي عندي ما يجلس على يدي أكثر من دقيقة , يروح لأي أحد غيري ويجلس عندة مايشتهيني وأنا راعية :mad: .أإذا مافي أحد يتعلق بالباب أهم شي مايقعد عندي. وبالنسبة للبوسات الأخ اللطيف إتكالي يطير عند أي ببغاء عشان يحك له . المشكلة أنهم مايشتهون بعض ويحكون له :wao: وإذا لفوا عليه يبون دورهم يسحب عليهم ويتهوشون معاه :D .

جربي حطيهم مع بعض , أنا مافرقت معاه . بالغرفة معاه 3 كاسكو , 2 كوكاتو و 2 أمزونيه ( لازم أمازوني جديد علشان يكمل العدد ). وعن تجربه سنين مع الببغاوات . ماشفت أحد يحس أبد . مثلاً اول ببغاء عندي كاسكو يشوف كل الببغوات تروح وتجي قدامه وتطلع على اليد ولا يحس . الى الأن مايطلع على اليد من 2007 . وعلى الكلام والتصفير عندنا تحسين أنه نظام الأحياء الأجنبية . الكوكاتو مع بعض والأمزونيات مع بعض والكاسكو مع بعض . تصفير وصوت.

وبالنسبة للغيره . اليلو كروان ما نشيلة بعد أي أحد يحقد ويبدأ يعض ( كأنه يقول روح له خله ينفعك ).

إلى الأن مأقدر أحدد جنسة بالنظر لأنه صغير ما بلغ لون العين مش واضح وتصرفات الطيور معاه مافرقت نفس المعامله مع الذكور والإناث. اليوم إن شاء الله برسل عينته للفحص وأن شاء الله يطلع ذكر .

وهذي صورة البوكيمون ما شاء الله عليه.
http://www7.0zz0.com/2016/07/27/08/507427955.jpg

رد: مساعدة من مختصي الكوكاتو
 

هههههه الله يحميهم حلاتهم و عقبال ما تكمل العدد
بس البوكيمون شخصية وعاطي الوهرة [emoji3]
حطيت ليلي مع ميشا الكاسكو ولا اهتمت شكلها فاقدة للاحساس [emoji52]


Sent from my iPhone using 2zoo.com mobile app