ارجو المساعده
 

السلام عليكم ورحمة الله وبركاته


اول شي انا قطي شيرازي ذكر عمره 3 سنوات و4 شهور

يوم الاربعاء عطيته كمية زبادي وسوى سهال فيه دم , بعدها توقعت ان الدم من البهارات صرت اعطيه دجاج مسلوق وطلع دم خفيف مع البراز بس مو اسهال قلت لازم اتأكد واروح للبيطري عشان ما يصير له شي

رحت لبيطري في العقيق في الرياض امس وعطاه حبة دود وفالي اعطيه نص حبه مرتين لمدة 4 ايام

بس يوم رجعت من البيطري بساعتين تقيء ماده لزجه (احنا جايين من مشوار طويل 145 كيلومتر) بعدها عطيته زبادي ثم بعد نص ساعه طلب اكل وعطيته دراي فود رجعه وسهل فيه شوية دم

المشكله (انا قلت للبيطري عن الدم بس مو عن الاسهال توقعته من الزبادي ولا؟ وعمره قلت انه سنتين ونص انا الغلطانه في الشيين ذولي وباتحمل غلطي )

هل لكم خبره مع البيطري هذا ارجعه له ؟ خطأ ف الجرعه؟ ولا تشخيص غلط؟

افيدوني جزاكم الله خير بسرعه

رد: ارجو المساعده
 

وعليكم السلام ورحمة الله وبركاته
اسف معنديش خبرة كثير بس كنت بقرا بالنت
كم مرة تطعميه دراي فود بالاسبوع؟؟
لازم مرتين بس في الاسبوع
جربي طعميه من اكل البيت طعميه رز مع خضار مسلوقة وشوية لحمة
الله يشفيه

رد: ارجو المساعده
 

هو القط نشيط ؟؟ اذا نشيط ويلعب مفيش قلق عليه
بس تنويع بالاكل

رد: ارجو المساعده
 

جزاك الله خير على الرد

بالنسبه لدراي فود للاسف كل يوم لازم على الاقل مره مهما عطيته انواع ثانيه ما يكمل يومه الا بالدراي فود قد حاولت كثير معه

بالنسبه لنشاطه البارح واليوم الصبح يلعب واوضاعه ان شاء الله تمام اما الحين نايم لكل الدجاج المسلوق بس الحمدلله مارجع

.......

كلمت البيطري قال شي عادي وطبيعي الي صارلانه كاره طعم الحبوب ,اذا احد يعرف يفيدني الله يجزيكم خير البيطري يصرفني ولا صح كلامه ؟

رد: ارجو المساعده
 

اه كلامه منطقي وهو بيطري ودرس يعني بعرف وعنده خبرة
بعدين القط نشيط ما في خطر عليه هو كم مرة صابه اسهال؟
اذا اقل من اربع مرات عادي لا تقلقي

رد: ارجو المساعده
 

معقوله ماحد خبير رد علي القط ما سوى براز من امس الصبح لين الحين وانا ما زلت خايفه اعطيه الحبه , احد يفيدني جزاكم الله خير تكفون ابي انقذ قطي قبل لايروح مني

رد: ارجو المساعده
 

الدري فود لا تزيدينه له لانه مضر و بسبب ب الاسهال وعطيه من أكل البيت

رد: ارجو المساعده
 

لاتخافي قطك مافيه شي انشالله
الدم كمية كبيرة ولا كم نقطة؟
كيف نشاطه واكله؟ عطيتيه ادويه غير حبة الديدان؟
وايش اكل امس؟
ياليت تذكري اسم الحبة؟
العيادة اللي رحتيها النخبة؟

رد: ارجو المساعده
 

ايه هاذي العياده الي رحت لها

الحبوب ما عليها اسم عطانيها في كيس بلاستيك

اكله طبيعي عطيته امس دجاج مسلوق و دراي فود الصبح <ماكمله بقى منه قليل

نشاطه طبيعي وما عطيته ادويه غير نفس الحبه الاولى الي البيطري عطاهياه

الدم كميته على الراس البراز قليله شوي

اما الاسهال اول واحد كان كميه لا كبيره ولا قليله

رد: ارجو المساعده
 

قطوك طبيعي اجل مافيه اي شي
شوفي متى نخاف..لما يرفض الاكل وينطوي
عطيه الحبة ولاتخافي دامها من النخبة
بس خليه يبلعها افضل لا تفتتيها او تذوبيها
وخففي دراي فود ترا ماوراه الا المشاكل
خليك عالدجاج المسلوق واذا تبين تنوعي جيبي معلبات كويسة وظيفي شوي عالدجاج

الدم الخفيف والاسهال من علامات الديدان وكمان تسبب نحافة وتساقط شعر

المسي بطنه هل هي متحجرة..
اذا طبيعية معناته مافي امساك واكيد اليوم بيتبرز
عطيه نقطتين زيت زيتون

وياليت تتأكديلي من اسم الدوا اتصلي عليهم
علشان بس نتأكد من الجرعة