قبول حبل الهارنس
 

السلام عليكم ورحمة الله وبركاته,,, أنا عضوة جديدة في المنتدى وأيضا مربية كاسكو جديدة , واستفدت كثير من المواضيع المطروحة هنا في تربية الكاسكو اللي عندي , واللي اشتريته من اقل من شهرين وكان عمره 6 شهور, يعني الحين حول 8 أشهر , أليف جدا جدا , ثاني يوم من شريته فتحت له القفص طلع على طول على راسي وكتفي بدون عزيمة, ويطير في البيت من دون ما يخبط بشي ودل بيتنا ماشاء الله عليه , إذا ما لقاني في المطبخ طار للدور الثاني ودخل غرفتي هههههه وناشب فيني على طول ولا يحب القفص ابدا, المهم انه يحبني وأنا احبه, فقررت اشتري له حبل هارنس عشان يصير يطلع معاي ولا اتركه في البيت لوحده, ولا كنت اتخيل انه بيخاف منه بهالشكل اللي صار معي , تخيلوا يوم لبسته بعد جهد وعدة محاولات قام يستفرغ , ويحاول ينتفه ويبعده عنه مع اني ما شديته عليه ابدا !!!!!
المهم أني أخفيت الحبل لي فترة عشان ينساه, وبعدين ارجع احاول معه مرة ثانية ’ فأحتاج مساعدة من أهل الخبرة كيف أخليه يتقبله مثل الببغاوات اللي أشوفهم في اليوتيوب, يلبسون الحبل وهم قمممممة في الطاعة والسعادة ؟؟

رد: قبول حبل الهارنس
 

حاولي تلبسينه بعد ماتعطينه شي يحبه مثل الفول السوداني ..

مرة على مرة راح يتقبل الحبل

ممكن تورينه الحبل او تخلينه على راسه بداية وتعطينه حبة فول

بعدين تلبسينه اكثر

وهكذا

رد: قبول حبل الهارنس
 

مشكور أخوي وما قصرت ، راح أجرب طريقتك بإذن الله بس بالعنب، لأنه يحبه مره أما الفول السوداني مو ذاك الزود ، مفسدة يكسر القشرة ويرمي اللي داخلها ....لكن تجيكم الأخبار إن شاء الله :)