|
إستفسار عاجل بخصوص قطط حديثة الولادة
السلام عليكم أعضاء المنتدي
لي استفسار ضروري خاص بقططي كان عندي قطة أنثي ولدت 5 قطط صغيرة وقامت بارضاعهم 3 أيام... وتم سرقتها ولكن توصلت للشخص السارق وان شاء الله هترجع.. بس كده هيبقي ليها اكتر من أسبوع بعيد عن أولادها ... هل إن شاء الله بعد رجوعها هتتعرف عليهم وتقدر ترضعهم تاني ولا لبنها يكون جف.. كمان انا باغذي القطط الصغيرة لبن اطفال خالي من اللاكتوز .. بس عاوزة اتاكد من الكمية الصحيحة ليهم وكل كام ساعة آخر استفسار .. هو جه لاتنين فيهم اسهال فاشتريت كابكت من الصيدلية وليا يومين باديهم نص سم كل 12 ساعة وليهم كلهم .. اقدر اوقفه امتي وهل لو استمريت عليه يجيهم امساك اللي ملاحظاه انهم مش بيعملوا براز .. مغيش غير واحد بس فيهم هو بيعمل .. الباقي خلاص |
رد: إستفسار عاجل بخصوص قطط حديثة الولادة
اهلا بيكي
ترجعلك قطتك بالسلامه يارب قبل ما تدخل عليهم هاتي فوطه مبلوله وامسحي عليها وبعدين عليهم وبعدين العكس عشان اكيد هي رحتها اتغيرت وراقبيها لو لاقتيها نامت ليهم وابتدت ترضعهم تلحس فيهم يبقي تطمني لاقتيها بتبخ عليهم يبقي حاولي تناني تمسحي عليهم ومتسيبهاش معاهم لوحدم الرضاعة كل 3ساعات مادام الاسهال وقف يبقي وقفي العلاج ولازم يوبا مرتين ف اليوم قطنه مبلوله وامسحي منطقه الاخراج عشان يملو بيبي |
رد: إستفسار عاجل بخصوص قطط حديثة الولادة
تسلميلي يا رب.. ان شاء الله اعمل كده وربنا يكرمهم ويحميهم ليها يا رب
|
رد: إستفسار عاجل بخصوص قطط حديثة الولادة
الحمد لله بوسي رجعت بالسلامة .. واتعرفت علي اولادها .. ومسحت عليها وبعدين عليهم والعكس .. بعدها نامت ليهم .. ولقيت فيها لبن .. الحمد لله .. رحمته واسعة .. خالص شكري
|
رد: إستفسار عاجل بخصوص قطط حديثة الولادة
الحمدلله ربنا يسعدك
ويخليهم ليكي حبيبتي |
| جميع الأوقات بتوقيت GMT +3. الساعة الآن 03:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو