المشاركة الأصلية كتبت بواسطة Ghoroub (المشاركة 337091)

السلام عليكم

بما إنك ربيتي أصلة قبل كده وواجهتي مشاكل مع تغذيتها فأكيد اللي كانت عندك أصلة ملكية

الثعبان عموما لو عندك حيوانات صغيرة وممكن يتغذى عليها أكيد بيكون خطر على الحيوانات وممكن يكون خطر عليك إنت لو ما خليتي بالك وغسلتي يدك تمام قبل لا تمسكي الثعبان ممكن يعضك ويلتف عليكي خصوصا لو حجمه كبير (عموما لو بتقضي وقت طويل مع حيوانات يتغذى الثعبان عليها يفضل تغيرين ثيابك أو حتى تاخذي دوش عشان تتأكدي إن ما فيك ريحة أكله)

أفضل نوع عن نفسي كل الثعابين غير السامة حلوة وتستاهل التربية بس أهم شي توفرين البيئة المناسبة اللي تفضلها الفصيلة اللي بتاخذين منها (الموضوع ممكن يكون معقد في البداية لين توزنين الحرارة والرطوبة بس من يوم تضبط معاك بتريحين بالك من هذا للموضوع للأبد يعني حتى الأصلات الملكية أم دم ثقيل واللي ما ترضى تاكل أو دايما متخبية يوم تضبطبن الحوض والجو بتلقيها صارت حبوبة - لكل قاعدة شواذ لا تنسين - )

شوفي وش أكبر حجم تقدرين تتعاملين معاه لا تنسي الثعابين تعيش فترات طويلة 25 سنة كمتوسط يعني ممكن تاخذيه 15 سم بس لو هو من فصيلة حجمها ضخم بعد أربع سنين بتلاقيه وصل لحجم كبير جدا - طبعا لا تنسين الثعبان محتاج ترعيه وتمسكيه كل فترة عشان لا ينساك ويخاف منك طبعا وهو صغير الموضوع سهل بس لما يصير 4 أو 5 متر أظن الموضوع بيكون متعب - لا تنسين أكله يعني إذا تعود ياكل كل 5 أيام وجبة تناسب حجمه وبتبدئين بفار أبيض لو وصلت أربع أو خمس متر وش بتأكلينها وكم راح تصرفين عليها - مجرد نصيحة ابعدي عن الثعابين العملاقة لأنها متعبة وخطرة

حاولي تربين كنج سنيك أو ميلك سنيك أحجامهم معقولة وما تميل للعض أبدا (إلا لو ريحتك شي ياكلوه الله يعينك) في منهم ألوان كثير ونقشات أكثر

حاولي قبل لا تشترين تتأكدي إنك بتقدرين تهتمي فيه وتوفريله بيئته.

على قولهم welcome to the club

تحياتي