منتديات تو زوو - ][ طير مزاجي و عنيد ][

السلام عليكم

أسعد الله ماساكم
وجميع اوقاتكم
اخواني عندي ببغاء و الببغاء هذا كـ صحة ما شاء الله اشوفها كويسة
احيان أحسه يتجلى تجلي بنشاط غريب تبارك الرحمن واغلب الاحيان مزاجي بدرجه كبيره
وبس " يوغوغ " يعني وغوغه ما يصفر ولا يحاول حتا يصفر
ومزاجه حاد كـ تصنيف وما يتقبل مثلاً الا خالي في المسح ع الراس و الجسم
ونا ما يتقبلني
بعض احيان خالي يجلس يفرك براسه وجسمه تقريبا 3 و 4 دقائق تشوفه تقول ما شاء الله
وذا مثلاً غيرت بين يدك اليمين و اليسار يختلف ويخاف وما يتقبل ويبدا يجعر ويتلفت بسرعه :angry: !
الان
جته الجنيه حقته وضربت معاه على خمول وكسل
من امس لين اليوم
وكـ نظافه معتنين فيه على اعلى مستوى
قفصه نغسله له بصفه دوريه
و فضلات الطير " أكرم الله وجيهكم "
ممتازة
ومعقد ما يكل أي اكل حاولنا ننوع له ما يتقبل
اعطيته
تفاح اكل منه وما عجبه رماه
حطيت له عسل وعضني عضه خفيفيه وراح الى آخر المجثم ولا تحرك بعدها
كـأنه انصدم وصار لا شاف العسل ع صباعي يبعد وما يقرب
مشكلته يخاف حتا من الاكل
مديت له شريحه صغيره بطيخ لما شافها تراجع و جعر
يحب فقط الجزر يموت فيه
لدرجه اقوله تعال يجي
وبعد جهد جهيد تقبل اللوز
http://im78.gulfup.com/WX1Zgj.jpg
يعني ما يكل الا
حب شمسي + جزر + لوز
انا ابغاه ياكل عشان صحته تقوى اكثر ابغا ذا الشي ينعكس على ريشه ولمعانه ونظارته
ابغا جرمه الطير يكبر
ابغا افتك من المزاجيه وتقبله مثلا لشخص واحد
ابغا الخمول الفجائي ذا يروح منه ! :confused:
كيف اسوي معاه
هل في طرق معينه ؟
هل في مثلا خلطه احطها له ؟ وإذا ما تقبلها ايش اسويله ؟
هل تنصحون بنوع فيتامين معين ؟
ولا ايش تنصحوني فيه , بما انه لكم خبره وباع طويل في التربيه ؟
وهل في احد منكم واجه نفس الحاله ذي ؟
ارجوا ان من عنده كلام سواء لي كـ رد هنا
او كلام ممكن يفيد فيه ملاك الطيور و العامه يدلي بدلوه هنا
كي يكون صاحب رأي لنا و للجميع
وبارك الله فيكم جميعاً وجعل جمعتنا جمعة خير
وصلوا على شفيعي وشفيعكم
محمد اللهم صلي وسلم عليه
تحياتي واحترامي للكل