|
مبتدئه في هواية البادجي!
السلام عليكم ورحمة الله وبركاته
طبعاً هذا أول موضوع لي في قسم الطيور وخصوصاً(البادجي) وحابه أسئلكم كم سؤال عنه: إشتريت 2 باجي يقول صاحب المحل إنهم منتجين. وعشاني جديدة عليهم يخافون مني كثير فكيف أحببهم في وأخليهم مايخافون مني؟! وكمان سمعت إنه أعرف إنهم بالغين بلون الكير طيب لون الكير حق ضيوفي الجدد: الذكر: أزرق غامق جداً من تحت ومن فوق أزرق غامق! والأنثى: كل الكير حقها أبيض لكن اللي مستغربه منه ليش الذكر لون منقاره أصفر والأنثى أبيض وفيه غموقه شوي يعني من (درجات الرمادي الفاتح) تقريباً مو زي الذكر؟ هل هذا الشئ يدل على حاجه فيها أوطبيعي؟ وأنا في المحل أشرلي بيده صاحب المحل على أقفاص بعضهم وقالي ذول كلهم منتجين نقي منهم اللي تبغين! ونقيت منهم لكن كل واحد منهم كان مع عصفور ثاني يعني الذكر كان مع وحده ثانيه لحالهم في القفص والأنثى كانت مع واحد ثاني ولاحظته يأكلها الحبوب بس لونه ماعجبني عشان كذا إخترت الي عندي لأنهم من أحلى الألوان اللي في المحل! لكن لاحظت إنهم هاديين ولا يتحركوا كثير ولايغردوا إيش السبب؟ هل لأنه البيت جديد عليهم أو لسا ماتوالفوا على بعض أو عشانهم مريضين؟ والذكر لاحظته يجلس في الحبه الوحدة من الحبوب ساعه وطول الوقت يحرك فمه طول الوقت يسكه ويفتحه معقول الوقت هذا كله ياكل فيها؟ أو هو مريض؟ أو طبيعي؟ وإيش علي أعملهم عشان يطمنوا ويبدؤون التزاوج والتفريخ إذا كانوا مافيهم مرض؟؟ معليش تعبتكم بكثرة أسئلتي بس والله حابه أستفيد منكم وتساعدوني على حبها وهوايتها لأني في الأصل أنا هوايتي قطط مو عصافير بس حبيت أخوض التجربه واللي لفت نظري لتربيتها في المحل قطط وعصافير وأنا جايه أشتري لقططي وشفتهم في المحل وعجبوني:D |
رد: مبتدئه في هواية البادجي!
السلام عليكم
مبروك عليك الزوج هم في الاول راح يخافون منك لانهم مو متعودين عليك ولا على المكان لذلك ضعي القفص وخليك قاعدة جنبو بحيث انو الطيور تشوفك عشان تتعود عليك هذا مبدئيا ثم قومي بوضع الحبوب في يدك ودخليها في القفص بعد تجويع الطيور في الاول مارح تاكل الطيور لكن مع مرور الوقت راح تطلع على إيدك لكن يجب علكي الصبر ثم الصبر لانو طيورك جديدة على المكان وعليك وعلى بعض الذكر عندك بالغ وجاهز (الكير أزرق غامق) والانثى بالغة وغير جاهزة (الكير أبيض ) تجهز لما يصير لون الكير بني سكون الطيور وعدم حركتهم لانهم مو متعودين على بعض ولا عليكي ولا على المكان يحتاجو وقت لذلك الأمر طبيعي عليكي بتعليق القفص وعدم تحريكه كثيرا وقدمي لهم الخس والجرجير ولكن لا تكثري وابعديهم مبدئيا عن الضوضاء وعلقي عظمة الحبار في القفص نوعي في الوجبات |
رد: مبتدئه في هواية البادجي!
مشكوره على ردك الحلو يزيك يا أخت (nossa) والله يجعله في ميزان حسناتك وسعادتك دنيا وآخره يارب طمنتيني عليهم شششكككرررا.
|
رد: مبتدئه في هواية البادجي!
من خبرتى انا اشتريت 2 بادجى وضعتلهم نوع واحد من الاكل زهقوا منه ولما مديت مسطرة بها نوع اخر هجموا عليها منعتها عنهم ووضعت يدى بدل منها وكلوا من يدى وانا لا انصح بتجويع الطيور والطريقة فعالة
|
رد: مبتدئه في هواية البادجي!
اقتباس:
اختي nossa ما قصرت وجاوبت عليك الي بضيفه نقطة واحده فقط بالنسبة لطيورك لازم تختارين يا انك تدربيهم او تنتجين منهم ما ينفع تسوين الاثنين بالتوفيق |
| جميع الأوقات بتوقيت GMT +3. الساعة الآن 02:24 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو