|
استفسار عن طير الامازون اورانج وينج
السلام عليكم ورحمة الله وبركاته
سعيد بانضمامي لكم, يااخواني انا شريت طير امازوني من نوع اورانج وينج وطبعا اليف ويطلع على يد راعيه اللي اشتريته منه لكن لما جبته البيت واحاول اطلعه على يدي راااافض ويجعر وكانه وده يعض :D فهل يحتاج ترويض من جديد او هالشي طبيعي ويحتاج كم يوم يتاقلم على اهل البيت؟:confused: انصحوني جزاكم الله خير |
رد: استفسار عن طير الامازون اورانج وينج
للرفع ,,وشكرا للمشرف على النقل للمكان المناسب
|
رد: استفسار عن طير الامازون اورانج وينج
اخي خلي الطير فترة اسبوع بالقفص
واهتم باكله ونظافة القفص لين ياخذ عالوضع الجديد وعليك وبعدها ابدأ معاه وراح يتجاوب معك طالما معتاد عالصعود عاليد بالتوفيق |
رد: استفسار عن طير الامازون اورانج وينج
واضح ان الطير في بداية الترويض يعني مابعد اعتاد على ماروضه عليه مثل الصعودعلى اليد والمسح
لاتستعجل عليه خله عشر ايام الا اسبوعين في القفص اكله من يدك من ورا الشبك وتكلم معاه واجد ولا تحاول تكثرله الاكل في الصحن عشان ياكل من يدك او شوف وش اكثرشي يحبه. وعطهياه مباشره من يدك بعد سبوعين طلعة وتعامل معاه كانك تروضه من اول وجديد بس بكل هدوء واي حركة تسويها معاه تكون ببطى شديد وكرر عليه الحركة لحد ما يسترجع ترويضه ملاحظة الطير الاليف مايجعر ولا يخاف حتا لوتغير عليه المربي والمكان بس ممكن يعض لو مديت يدك له وعضه خفيفه زي اللي يقول وخرعني لاتلمسني انا ما اعرفك بعد سبوع يولف وبرجع مثل ماكان مع صاحبه الاول خذها قاعده الطير الاليف مايكون فيه خوف وجعره نهائيا الا اذا تعرض لعنف او الضرب اتمنالك التوفيق تحياتي للجميع . |
رد: استفسار عن طير الامازون اورانج وينج
شكرا جزيلا لكم وعلى تفاااعلكم
ابشركم يااخوان الطير بدأ يأكل من يدي من خلف القفص واحيانا ادخل يدي داخل القفص ويأكل منها. استفسار بسيط يالغالين..هل فيه ضرر لو اعطيته تمر؟؟ وبارك الله فيكم |
رد: استفسار عن طير الامازون اورانج وينج
ابدا مافيه ضرر التمر ممتاز ومفيد جدا لطيور
شيل الفصم من حبة تمر واعجنها بيدك وقدمها له مباشره من يدك تمره وحده في اليوم تكفي وبتوفيق تحياتي للجميع |
| جميع الأوقات بتوقيت GMT +3. الساعة الآن 04:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو