القطه ولدت ساعدوني بسرعه
 

السلام عليكم ورحمة الله وبركاته

جيراننا كان عندهم قطه شيرازي وطردوها مايبغوها وهي عشانها مي متعوده عالشارع كانت دايماً تجينا نأكلها وتنام أحيانا عندنا وبعدين ماما تخرجها وهي عشانها حامل ماما حنت عليها وصارت عادي تنومها مرات بس مو دايم واليوم دخلتها على أساس أحطلها أكل وأخرجها لمني كنت في المطبخ أحطلها أكل جيت مالقيتها فيه دورتها في البيت لقيتها تولد عندنا!
المهم الصغار مايعرفوا يرضعوا وعشان شعرها طويل مغطي على الحلمات وهم من اليوم يدورون الحلمات جيعانين ياحرام والحلمات مي باينه من الشعر إيش أسوي في هذي الحاله؟ أنا أخاف تكون الحلمات مافيها حليب أصلاً وخايفه أستكشف الحلمه أخاف أشوف في حليب ولا لا ولا أقص الشعر وتقوم تحسبني بسوي شي لصغارها ولا بآذيها
فيه حلمه واحده باينه لكن الصغار أحسهم موشامين الريحه حقت الحليب يسيبوها ويدورون ثاني على الحلمات.
على فكره عندي حليب قطط رضع ورضاعه لكن أول مره بتأكد من حلمات الأم أولاً فكيف أعرف إن فيها حليب وسليمه ولا لا؟

الرجاء الرد بسرعه لأن الصغار نفذ صبرهم من قلة شرب الحليب

رد: القطه ولدت ساعدوني بسرعه
 

قص الشعر اللي حوالين الحلمات انا كنت اقص شعر قطوتي داايم
و ساعدهم حط فمهم عند الحلمة لين يمسكوها
اذا كانت متعودة عليك ماراح تخاف منك

رد: القطه ولدت ساعدوني بسرعه
 

رد: القطه ولدت ساعدوني بسرعه
 

أبشركم الحمدلله رضعوا خلاص كلهم الحمدلله وأمهم جالسه أحك شعرها ومرتاحه ماخافت مني الحمدلله لأنها أصلاً لها فتره تجينا مومن قريب وهي أليفه مرره ماتخاف من أحد ماشاء الله عليها لكن أنا خفت عشان قلت يمكن بعد ماجابت كيتن تتوحش شوي عشان تخاف عليهم لكن ماشاء الله تبارك الله أليفه وماتخاف من أحد إذا ولدت ولا ماولدت سبحان الله!

ومكانها ذحين على لحاف من أول خرجناه في الأرض بنوديه المغسله ولقيتها والده عليه. المشكله لو ماكان دافي كيف حشيلهم؟ ماأقدر لاأشيل الأم ولا الكيتن بذات الكيتن ممنوع مسكه في هذي الأيام عشان ماتعلق ريحة يدي فيه وتاكلهم ولا تبطل منهم على بالها مو عيالها! هي صحيح إنه البسه المتعوده عليك تعرف ريحة يدك وتتقبلها لكن أنا قلت إحتياط لأنه ماأضمن! والله يجزاكم خير على الرد.

رد: القطه ولدت ساعدوني بسرعه
 

الحمدلله

بس عادى ممكن تلبس جوانتى وتنقلهم لمكان دافى

وتكون الام شايفاك عشان تعرف مكانهم