|
كتاكيتى الجدد
السلام عليكم ورحمة الله وبركاته
انا يا اخوانى واخواتى اشتريت كتاكيت جديده لونها العادى اللى هو اصفر فاتح يعنى الطبيعى مش مصبوغين وحطاهم فى طبق بلاستيك وفرشالهم فيه نشارة خشب ناعمه ومغطياهم ومدفياهم وامبارح صحيت لقيت واحد فيهم عمال يتمرجح ومش عارف يقف وكل ما يقف يقع على ظهره وفضل كده لحد ما وافته المنيه ومات قلت يمكن ضعيف والباقيين كانوا حلوين وبيلعبوا انهرده صحيت لقيت واحدكمان زى اللى قبله واهه عمال يترنح جوه فى الطبق وانا خايفه ان كلهم يموتوا ومش عارفه فيهم ايه ارجوكم فيدونى وقلولى اعمل ايه؟؟؟؟؟؟؟؟؟؟؟؟؟؟؟؟؟؟؟ وجزاكم الله خيرا |
رد: كتاكيتى الجدد
اختي هل بهم اسهال؟؟؟؟
هل فيه صوت عند التنفس؟؟؟؟؟ هل يوجد أعراض اخرى ممكن عنده مرض (عصبي) لانك تقولي يتمرجح وكذا |
رد: كتاكيتى الجدد
لاء والله مفيش اسهال ولا حاجه وبعدين الاتنين ماتوا بنفس الطريقه وهو بيتمرجح لاءنه مش عارف يقف واحد مات امبارح والتانى لسه ميت دلوقتى
ولا فيه اى صوت فى النفس بتاعهم وعاديين جدا بس الاقى الواحد قاعد وكل ميقف يقع ويسحف على بطنه ويموت مشكور اخى على الرد وياريت لو لقيت اى تفسير تكتبلى |
رد: كتاكيتى الجدد
السلام عليكم اختى الكريمه
يؤسفنى انى ابلغك بهذا الخبر ولكن كل اللى حصل معاكى نفس يللى حصل معاى بالضبط و بالنص وكنت اعزلهم واحد تلو الاخر الى ان ماتو جميعا اليوم حتى اقوى واحد فيهم مات بنفس المرض السبب هنا اختى الكريمه شهور السنه (طوبه و أمشير ) واللى لسه عارف انو هذان الشهران لا يجب ان يربى فيها الكائنات الصغيره امثال فروخ الطيور يعنى احتمال كبير للأسف انهم كلهم يموتون وانا والله اسف على هذا الخبر ولكن كل هذا عن واقع تجربه وانصحك نصيحه اختى لعل وعسى تنفع وما يموتن اولا لا تلعبى بهم او تمسكيهم اذا كنت تفعلين ثانيا ركبى لهم لمبه من اللمبات البرتقاليه اللى تخرج حرارةحتى تدفيهم وحاولى تغطيتهم بقماشه دافئة او صوف بمعنى اصح حتى يتدفوا اكتر وايضا اترك كلامى للاخوان اذا كان فيه خطأ مع العلم انى ما زلت مبتدئ واتعلم منكم اساتذتى الكرام واتمنى تخبرينا باللى حص معاك اختى |
رد: كتاكيتى الجدد
اخى محمد
والله انا اخدت الكتاكيت اللى لسه عايشه والكتكوت الاخير اللى مات ورحت الوحده البيطريه وبعد تشريح الجثه:eek::eek: الطبيب البيطرى قالى انهم مصابيين بمرض( السلمونيلا ) :wao:وهذا المرض هو السبب فى وفات الكتكوتين السابقين وعطانى لهم علاج وقالى ان المرض ده ملهوش علاقه بالبرد انما هم واضح انهم كانوا اصلا عيانين وانا شرياهم لاءن كذا واحده من جرانى كانوا شريين معايا وحصل عندهم نفس الامر ربنا ييسر بقه ويشفى الباقيين وياريت لو اى احد من الاعضاء عنده معلومات عن المرض ده يتفضل يعرفنا كيفية الوقايه منه زمشكور اخى محمد على المشاركه وربنا يعوض عليك |
رد: كتاكيتى الجدد
يا جماعه الحقونى ثالث كتكوت مات انهرده وانا بحطلهم العلاج بقالى 3 ايام
وبعدين صوتهم بقه زقزقه زى العصافير مش صوصوه يعنى مش كلهم كده بعضهم يزقزق وبعضهم يصوصو والوضع فى تدهور وانا مستائه جداا يا جماعه اللى عنده معلومه يعرفنى هل اتخلص منهم ولا اسيبهم ممكن يخفوا ويتعافوا |
رد: كتاكيتى الجدد
الله يعوض عليكي
الصيصان عندك مش دفيانة واتوقع تلاقيهم متجمعين جنب بعض بسبب البرد لازم تحطيهم بكرتون وتضوي عليهم بلمبة صفراء تعليقها فوقهم بارتفاع 15-20 سم والضوء طول اليوم يعني ما تطفيهوش نهائيا حتى يصير عمرهم اسبوعين وضروري انه الاكل ما يوقع على الارضية وياكلوه والمية تكون نظيفة على طول بالاضافة للعلاج بالتوفيق |
رد: كتاكيتى الجدد
اقتباس:
مشكور اخى وجزاك الله خيرا |
رد: كتاكيتى الجدد
الله يبارك بعمرك ويسلمك
وان شاء الله خير وربي يعوضك على اللي راحوا |
| جميع الأوقات بتوقيت GMT +3. الساعة الآن 05:57 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو