|
ببغائي يكره الاستاند والمجثم
الـωـَّلاρ عـليگρ ..
عندي امازون نوع بلوفرنتد الطير عنيد جدا مايحب الاستاند تعبت وانا احاول اعلمه عليه مافي فايده مايطلع فوقه ولايحبه واذا حطيته فوقه يطير ويتضايق ويضرب عن الاكل ونفسيته تتعب اشتريت له قغص فيه باب من فوق اقدر اركب عليه المجثم اذا حطيت المجثم ع الباب فوق يحزن ولايتكلم ولا يتحرك ولايطلع عليه يوقف في طرف القفص ع الاسلاك اذا شلته وسكرت القفص من فوق ينبسط ىيبدا يروح ىيجي فوق القفص وماتوسعه الدنيا من الفرحة واذا حطيت المجثم يضيق صدره امس غيرت القفص ولارضي يطلع ع المجثم حتى في وقت النوم وظل متعلق في زاوية القفص وفاتح رجليه ونام وهو كذا متعلق في رجليه ومنقاره في الزاوية للقفص طول الليل في الصباح رجعت له قفصه القديم اقلها عشان ينام ع المجثم بدل ماهو متعلق طول الليل << كسر خاطري :( مارضي ينزل على المجثم ابد ابد يكره المجثمات ويحب يطلع فوق القفص بدون مجثم << باختصار ويكره الاستاند اذا حطيته فوقه ينزل على طول تعبت معاه ابي اعوده ع المجثم مو راضي قلت اخليه داخل القفص فنرة عشان يضطر ويوقف عليه مافي فايده يروح لزاوية القفص ويتعلق شكله متعود من صغره على انه يمشي وينام ع القفص من فوق ع الاسلاك بدون مجثمات ساعدوني كيف اقدر اقنعه واعوده عالمجثم تكفون |
رد: ببغائي يكره الاستاند والمجثم
أختي الكريمه..
حاولي إغراء الطائر بشتى الوسائل..فمثلاً جربي علقي عند المجثم أكثر شئ يحبه كالفول السوداني أو قطعه من التفاح ..إلخ...حتى يعتاد على الوقوف عليه..ومع الوقت انشالله رح يتعود وبرأيي استبدلي المجثم العادي بغصن شجره طبيعي يكون سميك شوي عشان الطائر يرتاح بالوقفه عليه. بالتوفيق أخوكي رمزي |
رد: ببغائي يكره الاستاند والمجثم
شكرا لك خيوو
بحاول اشتري له مجثم غصن الشجر واجرب لعل وعسى ينفع لانه اغراء الاكل جربته ياخذ الاكل ويأكل بعدين يروح يتعلق في الزاوية وفي شي كمان اعاني منه الامازوني يكره الوحده ىلما يصير لحاله مايأكل اروح وارجع والاكل زي ماهو ولا يتكلم ولايصفر لما يكون لحاله كذا مره اتتخبا واجرب لكن لما يشوفني يبدا يأكل ويتكلم ويتحرك ويصفر ويكره القفص كره العمى دايم افتح له الباب ويطلع فوق القفص يتمشى اول ما افتحه كأنه سجين فكيت اسره مايحب القفص ولا الاستاند والله تعبت معاه دايم برااااا حتى بغيابي اخليه برى لو تركته داخل القفص ماياكل ونفسيته تتعب واخاف عليه يموت او يمرض او ينتف ريشه لو غصبته ع حاجةهو مايحبها |
رد: ببغائي يكره الاستاند والمجثم
لا يوجد داعي لشراء غصن..شوفي اي شجره واقطعي منها جزء مناسب..
ودام الببغاء لا يأكل الا امامك فهو اعتاد عليكي ومتعلق فيكي..وهذا شئ جميل برأيي.. بس آخرته يأكل اذا جاع حتى لو ما كنتي موجوده (يدلع عليكي ). بالتوفيق أخوكي رمزي |
رد: ببغائي يكره الاستاند والمجثم
اشتري ستاند الي على حرف T
وشيلي القفص لاتخلينه يشوفه وحطيه على الستاند وحطي له فواكه ولا اي شي يحبه وخليه بيتعود ودايم عوديه على الستاند افضل من القفص عندي نفس طيرك ويكره يقعد في القفص واهم شي كل ماتحطينه على الستاند حطيه له الاكل الي يحبه او عطيه بيدج ولما ترجعينه للقفص لاتحطين له اكل بس ماي وكل ساعتين او ثلاث وديه على الاستاند عشان ياكل وبيستوعب انه الستاند فيه الاكل الي يحبه وبيصير هو يبي الاستاند هالطيور نقطه ضعفها الاكل |
رد: ببغائي يكره الاستاند والمجثم
بلاظافه الى ابعاد القفص عنه موقع الاستاند حاول وضعه في زاويه بعيد عن اي شي اخريلفت نظره |
رد: ببغائي يكره الاستاند والمجثم
جرب تحط لعبة واتركه مع الوقت الفضول يخليه يطلع,,
|
رد: ببغائي يكره الاستاند والمجثم
انا حطيته ع الاستاند بس واضح شكله مو مبسوووط:wao:
شوفوه احسه مغصوب مو عاجبه الاستاند والله حالته حاله :D http://www.m5zn.com/newuploads/2013/...30e6176f51.jpg |
رد: ببغائي يكره الاستاند والمجثم
اموره طيبه ومبسوط معليك ودائمن في البدايه اي طير راح يكون مرتبك من الاستاند بتوفيق ان شاء الله |
رد: ببغائي يكره الاستاند والمجثم
ياجماعه حبيت ابشركم بفضل الله ثم توجيهاتكم
الطير تعلم ع المجثم وصار مايبغى القفص بتاتا البته :wao: 24 ساعه فوق الاستاند مايبي ينزل جاز له الوضع في العلالي :D والله حاله مع مزاج هالطير :confused: انا حطيت القفص بجنب الاستاند عشان اذا طفش ينزل له بس ماهو راضي ينزل طاح بالاستاند :D |
| جميع الأوقات بتوقيت GMT +3. الساعة الآن 04:42 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو