|
قطط الشوارع
السلام عليكم ورحمة الله وبركاته
انا عندي قط من الشارع اعرفه من هو صغير والحين كبر بس هو مايدخل البيت ابدا وانا لما اطلع من البيت يظل يتمسح في هل في ذلك ضرر لأني مااعرف اذاكان فيه براغيث او فطريات او امراض وكيف اعرف انه فيه شيء وانا احط له حليب هو تقريبا عمره سنه لأنه موجود من زمان فتقريبا سنه وهل الحليب يضره وانا الصراحه اخاف ادخله البيت ويجيب لي مرض لأنه بس في الشارع او يمكن يكون فيه براغيث:eek: |
رد: قطط الشوارع
اهلين ياقمر
ما اعتقد ان فيه فطريات لانه قط شارع وقطط الشوارع تتعرض للشمس والتهويه بشكل مستمر واذا كان فيه براغيث مافي خوف ايضا ممكن تفحصينه وتشوفين اذا لقيتي اشتري له امبوبة رفليوشن وحطيها على رقبته بتقتل كل البراغيث اللي بجسمه وبالنسبة للأمراض الاخرى بيظهر على الحاله العامه يعني تشوفينه خامل او مزكم او عيونه تدمع او انفه يسيل منه يعني الاعراض اللي تدل على مشكله صحيه الحليب طبعا بشكل دائم يضره لانه سيبب له حساسيه في المعده ومغص واسهال نوعي له في الاكل اعطيه بقايا اكل البيت بما فيها بقايا الخبز و العظام كونه قط بالغ .. |
رد: قطط الشوارع
تسلمين على النصايح يا قمر
والنسبة لحالته هو نشيط جدا ولا مرة شفته خامل بس عند عيون مثل نقط سوداء ودائما يحك خلف اذنه بس المشكلة اني اخاف انه يعضني او يخربشني مع اني ماعندي مشكله في تربيته بس مثل ماقلت اخاف يعض او يخربش وهو شعره قصير مو طويل فشلون اخليه يحبني اكثر عشان ما يعضني او يخربشني |
رد: قطط الشوارع
هذا الموضوع يلزمك
http://www.2zoo.com/vb/showthread.php?t=248046 وبعد الترويض بساعدك على علاج الاذن وتنظيف العينين |
رد: قطط الشوارع
شكرا جزيلا
الموضوع افادني جدا ، وهو يسمح لي بلمسه بس لما اجي العب معه وبعد ما اخلص لعب اجي المسه يضربني بيده وتكون اظافرة طالعه شوي يعني يخدشني خدش بسيط بالذات لما العب معه بكرة الصوف اخليه يركض خلفها وبعد ما المسه يخدشني مثل ما قلت وهو دائما قريب مني يطلع و ينزل معي السلم ويتمسح في وانا قريت لغات ذيل القطط يعني مثلا لما يعقف ذيله يعني انه سعيد برؤيتي ولما يرفعه ويهزه يعني يحبني وانا كثير اشوف يسوي هل حركتين فهل صحيح انه يحبني او انها عادة طبيعية عند القطط؟؟؟؟؟ |
رد: قطط الشوارع
واسفه جدا اعرف اني تعبتك
بأسألتي واستفسراتي اتمنى انك تسامحيني لو ضايقتك لأني ما اعرف كثير عن القطط وشكرا على النصايح والمعلومات |
رد: قطط الشوارع
افا عليك بس اي مضايقه هذي الله يهداك
هذا واجبي وانا مستحيل اتضايق من احد حتى لو سأل ميه سؤال هذا حقك وانا ارحب دائما بكثيري الاسئله لانهم يعرفون حجم المسؤوليه وعندهم رغبه في تعلم اكثر عن القطط حتى يصلوا الى اسلوب التربيه والرعايه الصحيحين .... رفع الذيل عند القطط للتحية والترحيب بك وهذا اكيد امتنان وشكر لك على اللي تسوينه له وبالنسبه للعب وبما انه بالغ لازم تاخذين الحذر معه لانه اصبح كبير واصبح قوي العضلات والاظافر وهو اكيد مايكون بقصد اذيتك انما للعب والمرح اذا قررتي تبنيه اشتري له العاب للكبار مناسبه له ولا انصح بقص الاظافر اسألي على راحتك حبيبتي وانا موجوده دائما :) |
رد: قطط الشوارع
تسلمين والله يعطيك الف عافيه
يعني ما في خوف اذا خدشني لأني اخاف انه يغلط ويخدش بقوة او يعض يعني يتذكر يدي لعبه ويعضها مثل مايعض كرة الصوف وماهي الألعاب المناسبه له يعني ما تصلح الكرة او في شيء اخر؟؟؟؟؟ |
رد: قطط الشوارع
الا تصلح الكره او دبدوب صغير اي شي يتحرك بيلعب على طول وينشغل فيه
|
| جميع الأوقات بتوقيت GMT +3. الساعة الآن 02:40 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو