|
ما اسباب البول المدمم؟؟
السلام عليكم
انا قطتي لاحظت اليوم انها تتبول دم اكرمكم الله :(:( وانا قريت ان ممكن يكون التهاب الدكتور قالي هاتيها للفحص بس للاسف والله مافي اي امكانيه اني اروح اليوم وبكرا جمعه خبروني يا اهل الخبره شو هي اسبابها وشو علاجها :(:(:( قلبي مقبوض وماقدرت انام من امس وانا افكر واحوس واذا في شي ممكن اسوي حاليا لين ما وديها الدكتور واذا تعرفون شو الادويه بليييييييييييز اهل الخبره عطوني حلوول |
رد: ما اسباب البول المدمم؟؟
هلا حبيبتي لاتقلقين ان شاء الله خير
هل عندها انسداد بالبول يعني تلاحظين تخرج نقط بسيطه متقطعه ؟؟ كيف كميه الدم ومن متى على هالحالة ؟؟ امنعي عنها الدراي فود حاليا وقدمي لها طعام رطب ويحتوي على نسبه من السوائل خلي صحن المويه بشكل دائم هي فعلا احتمال يكون عندها احتباس بول بسبب وجود حصوى او التهاب في جدار المثانة او المستقيم لازم تاخذين عينه من البول وتودينها للطبيب علشان يعرف السبب وبيحتاج ان يسوي لها اشعه سينية ليتأكد من وجود حصوى بالمثانة او المستقيم او لا حاولي تودينها بأسرع وقت .. ماتشوف شر بعد عمري وان شاء الله خير |
رد: ما اسباب البول المدمم؟؟
بولها مره اوكي ومره يكون قليل بس مب نقط اكثر عن النقط
يارب هذا اللي كنت خايفه منه ومرعوبه .. ماعرف والله من متى هالحاله انا اليوم اكتشفت هالشي والله بموت خوف ماعرف كيف اتصرف :( |
رد: ما اسباب البول المدمم؟؟
حالتها مستقره حاليا انتي اطعميها اكلات تحتوي على الياف واهتمي بها وراقبي البول
وفي اقرب فرصه وديها للطبيب لاتخافين ان شاء الله خير :) |
رد: ما اسباب البول المدمم؟؟
امييييييييييييين يااارب </3
|
رد: ما اسباب البول المدمم؟؟
رحت الدكتور وفحصها قال عندها التهاب في الكلى وعطاها حبوب
مضاد حيوي و دوا لادرار البول و دوا للالتهاب وطبعا عطاها ابرتين نفسس الادويه يوم رديت البيت ننوش دخلت الليتر بوكس وتبولت والحمدلله البول طلع شفاف ونظيف هالتجربه وتجربة التعقيم راح احطهم في موضوع واحطه عشان يستفيدون الاعضاء طبعا لما اخلص علاج ننوش حاليا دعواتكم |
رد: ما اسباب البول المدمم؟؟
كذا تمام والعلاجات مناسبه
اهتمي بالتغذيه وامنعي الدراي فود حاليا وخلي صحن المويه قريب منها ماتشوف شر ان شاء الله .. |
رد: ما اسباب البول المدمم؟؟
ان شاءالله .. الحين بولها يدر اكثر بس رد لونه مدمم شوي
الله يخليكم دعواتكم لها .. وان شاءالله اقدر اعطيها العلاج |
رد: ما اسباب البول المدمم؟؟
عشان تكونون متابعين وياي .. الصبح الساعه 7 ونص بديت العلاج بالادويه
عطيتها المضاد وحبوب در البول وحق الالتهاب (بدون ماتاكل لانها رافضه اي اكل ) وبعد الادويه حاولت اشربها ماي نفس طريقة الدوا لان في حالتها لازم تشرب ماي المهم بعد نص ساعه من الادويه دخلت الليتر بوكس وكانت النتيجه مرضيه البول بكميه طبيبعيه ولونه شفاف الله يخليكم دعواتكم الله يشفيها يارب <3 |
| جميع الأوقات بتوقيت GMT +3. الساعة الآن 10:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو