|
الكتن ماياكل بيموتت ظرورررري
السلام عليكماخواتي عندي كتن وحيد امه وهذي اول ولادة لامه وماتعرف تهتم فيه دايما بعيد عنها مرات ترضعه ومرات لا من امس وهو تعبان وديته البيطري عمره 3 اسابيع بس يستفرغ شي لزج وشفاف وقال انه تغير بالاكل خصوصا انه مرات يجي ياكل مع امه تونه ومره جبن ومن امس لليوم يمكن استفرغ اكثر من 10 مرات ومن الصبح امه تحاول ترضعه وهو مو راضي وعيونه صاير مايقدر يفتحها من التعب وانا اكلته زبادي مع عسل بالغصب والدكتور قال اشتري له اكل الاطفال الخضروات من الصيدليه واعطيه السرنجه واكلته واستفرغه كله مايقعد شي ببطنه حتى العلاج اعطاني مضاذ حيوي ربع القطاره واكلته واستفرغه جد مو عارفه وش اسووي احسه بيموت وامه ماتاكل اللا وهو موجود ماترضى تاكل بدونه
|
رد: الكتن ماياكل بيموتت ظرورررري
اهلين اختي
خير ان شاء الله شوفي حرارته كم قيسيها من فتحة الشرج هل عنده اسهال وكيف لون البراز ؟؟ ضروري تجيبين له الحين شراب موتيليوم من اقرب صيدليه وعطيه نص مل مره باليوم بس حاولي يكون على معده خالية |
رد: الكتن ماياكل بيموتت ظرورررري
لا ماعنده اسهال بس التبول عنده صفار شديد ماعنده حراره
بس جسمه طايح مره مايقدر يمشي خطوه قبل شوي شرب العلاج والخضروات تبع الاطفال واستفرغه يعني متى اعطيه العلاج موتيليوم؟ |
رد: الكتن ماياكل بيموتت ظرورررري
اذا معدته شبه خاليه الحين جيبي العلاج سريعا و اعطيه منه وبعد نص ساعة اكليه اي شي
يفضل خضار مسلوق مهروس مع شويه زبادي وعسل بس لازم يكون الاكل دافي ضروووري تقيسين حرارته بالترمومتر لا يكون عنده انخفاض بالحرارة وطمنيني :( |
رد: الكتن ماياكل بيموتت ظرورررري
والله ماعندي تيرمو بس قست الحراره من اذنه مافيها حراره اذنه بارده
الدكتور قال عنده برد لانه بس يستفرغ لو انه يسهل بيكون معوي بس هو استفرغ الاكل ماشفت استفرغ العلاج اللون بس تبع الاكل يمكن يكون ببطنه العلاج واجي اعطيه العلاج فوقه ويضره اكثر ؟ |
رد: الكتن ماياكل بيموتت ظرورررري
لا ان شاء الله مافيه ضرر موتيليوم امن وهو مفعوله افضل
دفيه كويس الاذن البارده تعطي علامه ماتطمن عطيه مويه بسكر بالسرنجه ولفيه بقطعه صوف علشان ترفع درجة حرارته |
رد: الكتن ماياكل بيموتت ظرورررري
ويلزمه مضاد حيوي برضو من الصيدليه البشريه
ايموكس وعطيه منه نص مل كل 12 ساعة اهم شي ترفعين نسبه السكر في الدم عن طريق المحلول الحلو ( سكر وماء او عسل مخفف ) |
رد: الكتن ماياكل بيموتت ظرورررري
الحين اعطيته المحلول نص قطاره كذا تمام ولا ازود ولفيته بالبطانيه مره مستسلم مو من عادته:(
هذي صورته جسمه نحف وفيه خمول http://im35.gulfup.com/ZQH3j.jpg |
رد: الكتن ماياكل بيموتت ظرورررري
ليتك ماحطيتي الصوره :(
ياقلبي عليه شكله يحززن حييل بعون الله بيطيب في اسرع وقت بالنسبة للمحلول الحلو تمام و ضروري تجيبين له المضاد الحيوي وعلاج الاستفراغ ويلزمه محلول جفاف ( بيبي لايت ) لان اكيد فقد سوائل ولازم نعوضه كلهم من الصيدليه البشريه .. |
رد: الكتن ماياكل بيموتت ظرورررري
كيف طريقه العلاج بي بي لايت الحين بجيب لهواعطيه كلهم مع بعض او كيف؟
|
| جميع الأوقات بتوقيت GMT +3. الساعة الآن 04:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو