|
بشتري ' كاسكو ' وابغاء نصائحكم ،،
الأسسلام عليكم ورحمه الله وبركاته
كل عام وانتم بخير ،، أنا لي في الطيور والكأسكو بس أني انقطعت فتره لظروف الدراسة ،، وبعت طيوري وراح اشتري فرخ كاسكو ،، وأبي نصائحكم لي ،، أنا بصراحه ودي بـ' فرخ هولندي بس ما ادري وش تنصحوني فيه مزرعه راس الطير أو غيره أو أخذ صيد يعني ياليت اللي يدخل يعطيني معلومه لو بسيطه ويعطيكم العافية :D |
رد: بشتري ' كاسكو ' وابغاء نصائحكم ،،
وعليكم السلام ورحمة الله وبركاته .....
أنا جربت هولندي من مزرعة راس الطير وأفريقي صيد .... أولا . الي من مزرعة راس الطير شريته وصحته كانت جيده وممتاز ولافيه جعير ولاشي ...لكن من كثر النصايح الي في المنتدى:cool: رحت أعطيه فواكه وهو فرخ ..:eek:..وهذا خطأكبير باعتقادي لانه يسبب له اسهال وهو توه فرخ ما يتحمل ... جاء يوم لاحظته ما أكل..:confused:.. ومن كثر تخويف الاخوان هنا :wao:...رحت به بيطري وعطاه مضاد من راسه بلافحص دم ولاشي وفي يوم ونص كش وتحرول ومات :(...من طيب مافيه شي ...ألى مريض وميت في يوم ونص :(...من المضادات الحيويه .. وألى وقتك وانا متندم على ذهابه للبيطري لأني اكتشفت ان احيانا الطير يجيه يوم ما ياكل كويس لسبب نفسي أو شي والبياطره عندنا ما يصدق على الله يبيعك أدويه بلا حسيب ولا رقيب ولا أمانه ... العيادات البيطريه برى فيها حتى غرف عمليات وفحص دم وأجهزه ...مو سواليف زي ربعنا ثانيا . قررت اشتري كاسكو فرخ صيد :12:...بس طحت في عيب مزززععججج جدا :eek:...جعيره يفقع الراس لحد أنك ودك تمصع رقبته :wao:...رغم أني قعدت معه بالساعات وطلعته وعلمته الطلوع على اليد وعلقت القفص حقه وصكيت عليه اسبوعين ... وقعد عندي شهر ونص أو شهرين تقريبا ومن تقرب منه يصرخ ويجعر وهو في الدور الثاني تسمع جعيره برى في الشارع:angry:... حتى أطفالي صاروا يخافون من الجلوس في الصاله الي فوق والسبه حضرته ...أهملته وماصرت أعطيه الا حب بلجيكي مخلوط ... وماشالله تبارك الرحمن استصح وصار حجمه ممتاز وريشه زين ....بس ما تحملته وبعته . والان رجعت شريت هولندي ... الخلاصه : نصيحتي لك من تجربه مع الاثنين اشتر فرخ مروض وجاهز والأفضل من مزرعه في السعوديه زي الي في الشرقيه واذا مالقيت اشتر فرخ هولندي ياكل ويعتمد على نفسه ولا تعطيه الا حبوب فقط لين يعدي السنه واهتم بأن المكان الي هو فيه درجة الحراره معتدله يعني تقريبا 25 الى 26 درجه واحرص على تغطيته في الشتاء .... وتوكل على الله:freind: .. ت |
رد: بشتري ' كاسكو ' وابغاء نصائحكم ،،
و كل عام و انته بخير و بصحة و سلامة، شوف الهولندي الفرخ بتكون مناعته ضعيفة بس اغلب الاوقات بيجي اليف اما الصيد الفرخ بيجي وحشي في اغلب الاوقات من وجهة نظري اذا بتاخذ صيد خذلك واحد اليف بس فرخ
|
رد: بشتري ' كاسكو ' وابغاء نصائحكم ،،
اذا عندك خبره في الطيور الهولنديه وكيف المحافظه عليها خذ فرخ هولندي (تنفيس مزرعه) بحجل أصلي..
تأكد من صحته وراقبه جيداً قبل الشراء.. وحافظ عليه من التيارات الهوائيه او تقلبات الجو.. اما الكاسكو الصيد كثير الجعير (ان لم يكن مروض) ومناعته أقوى من الهولندي ..لكنه بحاجه الى جهد وصبر حتى يتم ترويضه. بالتوفيق أخوك رمزي |
رد: بشتري ' كاسكو ' وابغاء نصائحكم ،،
أخى الفاضل هذه مشاكل الكاسكو طائر حساس جدا واذا مرض أستعوض ربنا فيه 90 % بيموت جرب أدفع زيادة شوية وأشترى امازون يلوكراون أو بلوفرونت وجرب تربية الامازون أنا شخصيا قررت الا اربى الافريقى مرة أخرى لان مات عندى أثنيتن من 4 طيور أفريقى ربيتهم الله يوفقك يارب فى طير جيد
|
رد: بشتري ' كاسكو ' وابغاء نصائحكم ،،
السلام عليكم .. اذا تبي نصيحتي ابعد عن الهولندي ,,, لان اذ ما اعتنيت فيه راح يموت وتنقهر علية ..سعره 2400 افضل لك خذ افريقي يكون بعمر سته اشهر وسهل ترويضة ..1400 ودية لبيطري يقص جناحه اذا كان يطير .. وافلته كل يوم بالصالة ,, بعيد عن البراد والتيارات الهوائية وركز على الاكل اللي يحبة واكلة من يدك يوميا وشغل له اصوات تصفير وكذ وراح تشوف الفرق خلال شهر او شهر ونص انا ما اشتري الا افريقي فقط .. |
رد: بشتري ' كاسكو ' وابغاء نصائحكم ،،
|
رد: بشتري ' كاسكو ' وابغاء نصائحكم ،،
اخوي قبل 5 ايام تقريباً
طبيت سوق الرياض وحصلت فرخ كاسكو صيد عمره في حدود 4 الى 6 شهور ولافيه جعره . تم الشراء بسعر 1800 ريال مع القفص ، والشاري قريب لي والطير تبارك الله عجبني الملاحظات اللي شفتها على الفرخ ريشه جداً جميل ماشاء الله تبارك الله تقول ريش هولندي ، لولا ان سعر الهولندي اغلى كان قلت الحجل مقصوص . وتم السؤال عنه وهل بالامكان ان ياتي الصيد بنفس الريش فقالوا لي احتمال انه انتاج المزارع البحرينيه الغالب يجي بدون تحجيل لكن يكون افضل بالمناعه من الهولندي ، فانصحك بالصيد بالذات اننا مقبلين على شتاء وانصحك خذ من 4 الى 6 اشهر عشان ماتتعب معاه |
رد: بشتري ' كاسكو ' وابغاء نصائحكم ،،
اذا انت حريص وعندك اهتمام وعنايه في الطير ممكن تاخذ هولندي الليف متعود ع البشر ويتكلم بسرعه مايتعبك لا في الترويض.ولا في التلقين راح يتكلم من اول شهر وهذا شي مجرب واكيد
الامر الثاني الصيد انا اوافق اخوي نايف البرقاوي اذا تاخذ صيد صغير عيون سود ب الكامل ولا تستعجل دور وفر السوق اللين تلاقي تلاقي انتاج محلي او انتاج البحرين او الشرقيه يجي نظيف ونص الليف وسعره اغلا من الصيد وارخص من الهولندي يمكن يفرق عن الهولندي متين ريال او ثلاث ميه ولا ينوجد دايم في السوق بس اذا دورت بتلقا وبرضو يبيله عنايه واهتمام لانه فرخ صغير يكون حساس واتمنا لك التوفيق اخوي تحياتي للجميع |
رد: بشتري ' كاسكو ' وابغاء نصائحكم ،،
ونصيحتي لك اخوي اي طير تاخذه اشرط على راعيه فحص عند البيطري يعني تعطيه عربون وتروح انت وياه البيطري اللي جنب السوق واذا طلع سليم تاخخذه
واذا اخذته من محل تقوله تعطيني ساعه اذا وافق خذ الطير البيطر وافحصة واذا رفض انحش عنه احتمال كبير يكون الطير مريض وهو عارف هل شي وخايف ترجعه واول ما تاخذ الطير عطه مضاد شامل اشتره من عند البيطري مضاد وخذ فتامينات وبتوفيق اخوي تحياتي للجميع |
| جميع الأوقات بتوقيت GMT +3. الساعة الآن 12:43 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو