|
قطة صغيرة مريضة
السلام عليكم ورحمة الله وبركاتة
ياخوان انا ماعمري ربيت قطط ابدا فيه قطة بلدية صغيرة ولقيتها على عتبة المنزل واشوف عيونها فيها افرازت غريبة وعين مقفله مرة وعين فاتحه خفيف المهم ماقدر ادخلها المنزل خليت عند الباب وعطيتها مويا وحليب وشربت الحمدلله واشوفها تنشطت شوي تبغا تلعب وبي اعالج عيونها اذا كان فيه علاج اسويه في المنزل كويس واذا فيه علاج في الصيدلية قطرة او ماشبة ياليت اسمه اشوفها هزيله شوي ووش اعطيه اكل ياليت الرد باسرع وقت |
رد: قطة صغيرة مريضة
اهلين اخي
اهنيك بصراحة على طبيه قلبك واهتمامك خصوصا كثير من المربيين لحيوانات اخرى يشوفون ان خارج مجالهم العنايه بالقطط حتى لو كانت في قطه مريضة ومحتاجة للعناية شوف انت بمجرد انك بتساعدها وتعالج عيونها وتعطيها اكل اعرف انها بتعتبرك ابوها الجديد يعني لاتستبعد انها بتوقف على باب بيتكم يوميا وتماوي علشان تدخلها لانها بتصير متعلقة فيك علشان كذا انصحك تسوي لها كرتونه وتفتح فتحة باب صغير فيها وعندها صحن مويه حط الكرتونه بعيد عن باب البيت يعني ورا البيت او بالحوش لو عندكم وقدم لها الااكل عند الكرتونه علشان تعرف ان بيتها الكرتونه مو بيتك وبالنسبة لعيونها راح تمسحها بقطنه مبلله بماء مالح كل عين بقطنه لين تنظف عينها وبعدين بتجيب من اقرب صيدلية قطره بروزلين ومرهم تراميسين او سيبروسين بتحط القطة نقطه بكل عين وبعد 10 دقايق بتحط المرهم ولازم ينحط تحت الجفن مو من برا استمر لخمس ايام والغمص بيوقف بشكل واضح وبتتعالج والاكل قدم لها اي شي يزيد عندك: خبز بالمرقه - قطع دجاج بطاطس - خضار مسلوق ولاتكثر من الالبان او السمك لانه بيسبب لها اسهال جزاك الله كل خير .. |
رد: قطة صغيرة مريضة
مشاء الله تبارك الرحمن الله يهنيك ع الاجر
اول روشها لتضمن نظافتها بشانبو اطفال ثاني اكلها دراي فورد دجاج مسلوق وغيره اما عيونها تشتري لها معقمات من الصيدليه بس الان جيب قطنة وامسح عينها بمويه دافيه اكسب فيها الاجر اطعمها وشربها |
رد: قطة صغيرة مريضة
القطة حاليا صغيرة في العمر يعني شهر و كدي ويمكن امها تركتها ل سبب ما و حاليا مساحها بفوطة مبللة
|
رد: قطة صغيرة مريضة
الله يعطيكم الف عافيه اخواني
والقطه نظفت عينها بالمويا وصارت تفتح عينها كويس الحمدلله واااكلها تونه ودجاج تاكل ومثل ماقلتي اختي فاتو صارت نشبة عند الباب كل ماحد يفتح الباب تقلط ههههههه واشكركم على توجيهاتكم الرائعه والله لايحرمكم الاجر إن شاء الله |
| جميع الأوقات بتوقيت GMT +3. الساعة الآن 12:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو