منتديات تو زوو - كاسكو عنيد وخواف

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - كاسكو عنيد وخواف (http://www.2zoo.com/vb/showthread.php?t=314831)

qatari74

30-06-2013 10:15 AM

كاسكو عنيد وخواف

بسم الله الرحمن الرحيم

دخلت عالم الكاسكو من اسبوعين تقريباً شريته من واحد يقول انه يتكلم
بس قدامه ما يتكلم يقول يمكن علشانه مربي لحيه مطوع فاممكن يخاف منه
بس مع أهله وعياله يسولف
عموما خذته عندي اول يوم غرد وقلد أصوات الرنات بس ماتكلم
طلعت من البيت اعيالي اتصلوا فيني وقالو كوكو تكلم
انا حسيت بيكون مصيري نفس مصير المطوع معاه :64:
عموما الي مايتسماش كوكو محد يأكله ولا يشربه ولايسبحه إلا انا
وعمره حول السنتين .... فا يا أهل الخبره شنو تنصحوني أسوي معاه
نسيت اقولكم خليته يطلع على اليد تقريباً من اول يوم

هو يتكلم وعنده جمل بس قدامي مايتكلم كانه صنم
بس مع الاهل والعيال والخدامه مايسكت مسوي اذاعه اف ام :mad:

حاليا بدا يخليني امسح على راسه بس مع الخوف والحذر مني

:(

تركي111

30-06-2013 10:22 AM

رد: كاسكو عنيد وخواف

حلوووه لحيه مطووع هههه شف يالغالي معروفه الببغاوات الافريقية
خجووله فنادرا مايتكلم ف الوجه خليه فمكان صااد وتكلم معه
او شغل له اي شي وصدقني راح ينطق .
موفق

qatari74

30-06-2013 10:48 AM

رد: كاسكو عنيد وخواف

تسلم اخوي تركي على الرد

هو مو مشكلته الكلام

المشكله مايتكلم قدامي .....والا هو يتكلم ويسولف الا قدامي انا بالذات

عاشق النادر

30-06-2013 11:22 AM

رد: كاسكو عنيد وخواف

ههههههههههه شكله متعقد من الرجال الله يعينك
لكن اقولك خلك مهتم فييه ولا تلقي له باله انه لازم يتكلم داعبه ولعبه وخرجه من القفص خليه يحوس بالبيت وانت معه والله تربيت الببغاء شي ممتع وراح تشوف علوم لما يحبك الطيير
تحياتي لك

the_gostman

30-06-2013 12:08 PM

رد: كاسكو عنيد وخواف

أخي الفاضل...

اصبر عليه واكسب ثقته ومحبته جيدا وانشالله مع الوقت رح يتكلم امام الجميع..
الكاسكو خجول نوعاً ما..

بالتوفيق

honey1992

30-06-2013 12:10 PM

رد: كاسكو عنيد وخواف

اها واضحة مشكلته مع الرجال بس هههههههه يازينه
خلك معه كثير ولا تعيد له الكلام اللي قالوا لك انه قاله بيحس انك مصر عالكلام ويعاند
زي ماقال عاشق خلك عادي معه لا تحسسه انك مصر ع انو يتكلم حط ببالك ان الكاسكو عنييييييد
وانتبه لحركاتك معه شكل الاول كان دفش ويتحرك عنده بسرعة ويغير له الاكل وينظف بدون اهتمام
انت خل كل شي عالبطيئ عشان لا يحس انك تهاجمه
وشكراً :)

honey1992

30-06-2013 12:11 PM

رد: كاسكو عنيد وخواف

ايه وبعدين شريته من اسبوعين بس !!!!
لسسسسسى بددددري ترا
انا اتحملهم بالأشهر جعير وعض خله ع راحته ..

qatari74

30-06-2013 12:35 PM

رد: كاسكو عنيد وخواف

اقتباس:

المشاركة الأصلية كتبت بواسطة عاشق النادر (المشاركة 2907847)

هلا اخوي عاشق النادر

ياخوي متعقد وخواف ومخوفني معاه بحركاته :12:

وابشر بشل على ايدي وبخليه يتمشى معي لحد مايتعب نفسيا :rolleyes:

وشكور على مرورك وردك :)

qatari74

30-06-2013 12:43 PM

رد: كاسكو عنيد وخواف

اقتباس:

المشاركة الأصلية كتبت بواسطة the_gostman (المشاركة 2907879)

هلا اخوي the gostman

ليش يخجل ليش مايخلي البساط احمدي :D

عموما انا احاول يكون صوتي هادي معاه لان في الطبيعه صوتي عالي

بس اهدي لاصرت اتكلم معاه علشان يحس بالثقه والطمأنينه :rolleyes:

شاكرلك مرورك الطيب ومشاركتك

qatari74

30-06-2013 12:55 PM

رد: كاسكو عنيد وخواف

اقتباس:

المشاركة الأصلية كتبت بواسطة honey1992 (المشاركة 2907880)

هلا اخوي honey

والله الظاهر اني بمشي بريموت كنترول علشان حضرة جنابه مايخاف :(

اما من ناحية النظافه والاكل معيشه كانه في خمس نجوم ونص دلع

ياخي هو يتسبح اكثر مني :88:

مشكور على مرورك وردك :)

جميع الأوقات بتوقيت GMT +3. الساعة الآن 06:46 PM.

الصفحة 1 من 2

عرض 40 مشاركات من هذا الموضوع لكل صفحة