يرجى الافادة
 

السلام عليكم ورحمة الله وبركاته


انا عندي كاسكو افريقي عمره سنه ونص تقريبا و انا شريته وهو مدرب وعندي بعض الاستفسارات :

اولا : الطير الى الان يرتجف كثير اذا جيت قريب منه مع العلم صار له عندي حوالي شهر تقريبا , ممكن تفسرون لي الحالة ؟

ثانيا : انا ماعندي خبره ابدا في تربية الطيور و مب عارف كيف اللعبة او ادربة او حتى ايش نوع المكافئات الي اعطيه اياها و اتمنى تفيدوني .

ثالثا : اتمنى من الاخوان يعلموني بطريقة اقدر اللعب فيها الطير عشان يتعلق فيني شوي ( بصراحة بديت افقد الامل :( ) .

رابعا : البغبغاء صار مزعج جدا جدا .. يصفر ويتكلم بصوت عالي جدا جدا جدا وسوا ازعاج فالبيت كله ممكن احد يعلمني بطريقة اخليه يخف شوي ؟

والي عنده نصيحة في هذا المجال لا يقصر و الله يجزاكم خير :88:

رد: يرجى الافادة
 

حياك الله اخي الفاضل..

1) الطير يرتجف بسبب الخوف..الواضح انه لسه مو متعلق الطير فيك 100% ..يجب كسب محبة وثقة الطائر بشكل عالي جداً.

2) المكافئه في العاده تستعمل كوسيلة تحفيز .. وفي العاده انت الذي يحدد ما هي المكافئه.. راقب الببغاء جيدا وتعارف ما هو أكثر شئ يحبه .. على سبيل المثال الفستق .. وقدمه له فقط عند التدريب او عند تمرين السعود على اليد.. وهكذا.

3) موضوع ان الطائر يتعلق فيك.. هذا يأتي مع الصبر والجهد والتدريب.. كل ما كسبت ثقة ومحبة الطائر كل ما تعلق فيك وحبك أكثر.. وهذا يحتاج وقت بعض الشئ.

4) هذه النقطه غريبه بصراحه @@ .. يعني الناس قاعده تتعب لتوصل لببغاء يصفر ويلعب ويتكلم بصوت عالي .. اخي هذه غريزه في الببغاءات تريد التصفير والكلام واللعب.. بصراحه ما عندي تعليق لهذه النقطه..

في النهايه اتمنى لك كل التوفيق
أخوك رمزي

رد: يرجى الافادة
 

هلا اخوي
1 يمكن انت لا تجلس مع الطير كثير علشان كذا هو يرتجف حاول تقعد معه اكثر وقت ممكن
2 المكافه يعني انت تبي يرقص تحول تدربه على الرقص كيف تقعد تهز براسك لين يسويها لا سوها تعطيه مكافه معنتهى انو لو سوى هذا الشي راح ياكل اكله يحبها
3 اخوي ان الببغاء يتعلق فيك ويثق فيك يبي صبر شوي لازم تقعد معه وقت كثير وتلاعبه وتمسح عليه ودلك المنطقة اللى تحت عينه
4يا خوي هذه ميزه في الببغاء مشاء الله اناس تبيها تجي عند الببغاء وانت تبيه يبطلها بتوفيق

رد: يرجى الافادة
 

زين اخوي سؤال ع السريع

انا شريت له لعبة خشب فيها اجراس ابس احطها له فالقفص يلعب فيها و للاسف جاته حالة غريبة جدا جدا جدا

خاف منها بشكل مش طبيعي لدرجة اول مره اشوفة ينزل اخر القفص تحت وينخش ما يبي يطلع

الشغله الاهم ايش الالعاب الي تونس الطيور و ياليت تشرحون لي كيف اللعبه و ايش الالعاب الي ممكن العبها معاه

انا حاليا بديت اعلمة كيف ينزل راسة و شلون امسح على راسة بس ابي العب معاه بس ما اعرف شلون ؟

ياليت تفيدوني ( ثانيا حاولت اكتب موضوع جديد بس ما قدرت ما اعرف ليش )

رد: يرجى الافادة
 

اخوي العاب الكاسكو كثيره جدا بامكانك ان تذهب لليتيوب وتكتب اللعب مع الكاسكو وراح يطلعلك كثير وهذا مقطع فيديو للعب مع الكاسكو https://m.youtube.com/#/watch?v=JYY1...%3DJYY1hHjPlYU بالتوفيق