|
كاسيكو مالي مرييييييض >___<
السلام عليكم والرحمه اليوم الصبح يلست الا اشوف الكاسيكو مالي فيه اسهال ينزل منه ماي اصفر "عزكم الله" عاد سيده وديته البيطري الا يقولي فيه سلمونيلا وعطاني دوا سائل اخلطه ويا الماي وعطاني بعد بودره هم نفس الشي اخلطه ويا الماي عاد الحين انا خايفه هل المرض ذي معدي ؟؟؟ ممكن يصيد اي احد من اهل البيت ؟؟ صراحه حددددي موسوسه اخاف نمرض والسبه طير !!! وبعدين انا قريت مواضيع في المنتدى عن السلمونيلا واكثر شي قالو انه ماي ابيض والعلاج المناسب له انج تحقنينه ابر انا ما وصف لي ابر !!! اوديه بيطيري خاص ولا اواصل على اللي عطاني اياه ؟؟ |
رد: كاسيكو مالي مرييييييض >___<
اول شي اختي السالمونيلا مرض معدي والمسبب له بكتيريا
تصيب الحيوانات والانسان سواء بشكل مرض معوي فأنصحج تعالجين الكاسكو بأسرع وقت وتحاولين تعزلينه عن جدتج دامها خايفه تنتقل العدوى لها فالوقايه خير من العلاج اما بالنسبه لنوعية العلاج فـ كل الحيوانات جذي طبيب يصف بودرة توضع مع الماء او الاكل وطبيب ثاني يصف ابر بس عالعموم الابره اسرع بالعلاج فأقترح عليج تغيرين علاجه من بودرة الى ابر عاد على حسب الطبيب اللي رحتيله زين ؟ يعني سبق لج وجربتي تشخيصه من قبل هالمره وكان زين ؟ |
رد: كاسيكو مالي مرييييييض >___<
السلام عليكم والرحمه
اول شي مشكوره اختي CaTTy على ردج بس انا هذي الطبيب اول مره اروح له ماعرف عنه شي صراحه هههههه بعدين من قال اني جدتي خايفه من الطير ههههههههههههههه ضحكتيني والله فدددددددديتج ^___^ بعدين الكاسيكو مالي للحين مب اليف شلون بقدر احقنه ؟؟؟ هذي بعد مشكله ثانيه بالنسبه لي وبعععععععدين صج اهو معدي !!!! يعني ممكن ينتقل لي انا !!!!!!!!!!!!!!!!!!!!!!!!!!!!!!! خوفتيني والله انا على طووووووووول مجابله الطير وكل وقتي وياه >_____< بس الطبيب ما قالي شي عن العدوه او شي ليييييييييييييش ؟؟؟؟ |
رد: كاسيكو مالي مرييييييض >___<
مشكورين يا اعضاء المنتدى
جزاكم الله الــــــــــــــــــــــــــــــــف خير |
رد: كاسيكو مالي مرييييييض >___<
بعدما تنتهي فترة العلاج ..
حطي له خلطة قريتها من أحد المربين الكبار نسيت و الله اسمه الحين .. أول ما أتذكر باحط اسمه إن شاء الله .. و أنا جربتها مع ببغائي .. الخلطة : ( فص ثوم طازج مطحون + ملعقة طعام كبيرة ليمون ) لكل نصف لتر ماء . و بدلي ماء الشرب بهذه الخلطة مرتين في الاسبوع .. و إن شاء الله تشوفين الفرق .. ببغائي السنغالي صار له مثل ما صار لببغائك بالضبط .. و الحين صحته عال و لله الحمد .. حبيت أنقل هذه التجربة الشخصية .. و الله الموفق .. |
رد: كاسيكو مالي مرييييييض >___<
مشكووووووور اخوي محمد الرياض
مشان انك عبرتني يزاك الله الف خير وان شاءالله في ميزان حسناتك ياربي ^___^ والوصفه اللي عطيتني اياها ان شاءالله اجربها اذا صار الكاسيكو مالي >>>>> سمير بخير بحط له منها ودعيلك ان شاءالله |
رد: كاسيكو مالي مرييييييض >___<
نسيت شي أقوله مهم ..
و هو إنك لازم تستعملين الخلطة هاذي طازجة .. و لا يصلح تخزينها في الثلاجة ليوم آخر .. و الله يشفي ( سمير ) و يقومه بالسلامة .. و الله الموفق .. |
رد: كاسيكو مالي مرييييييض >___<
اخوي محمد اشكرك على الرد للاخت بس فيهكلمه عاميه مو كل الناس عارفين وشو بدلي هين انا وياك يمكن وبعض اعضاء المنتدى والباقي لا
|
رد: كاسيكو مالي مرييييييض >___<
مشكور اخوي محمد الرياض
على وقفتك وياي ^__^ اسعدني حضورك والله وان شاءالله نبشركم بقومته بالسلامه ياربي ^_____^ |
رد: كاسيكو مالي مرييييييض >___<
بدلي = بدل ( فعل أمر من التبديل ) + ياء المخاطبة ..
الكلمة فصحى أخوي ( MLo0oK ) ما هي عامية .. شكرًا على الرد .. |
| جميع الأوقات بتوقيت GMT +3. الساعة الآن 08:02 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو