سؤال عن الكاسيكو
 

السلام عليكم اخواني

اخواني انا عندي كاسيكو عمره تقريبا من 7 الى 9 شهور
والحمد الله صحه زينه

بس سؤالي انا من اول مااخذته يعني تقريبا من شهرين
وانا ماعطيه الا الحب الشمسي ( البذور)
والحمدالله صحته اوكيه وماعنده مشاكل

هل تنصحوني استمر معاه على الحبوب

او اعطيه شي ثاني زياده

لاني خايف اعطيه شي ثاني ويتغير عليه الاكل ويجيه اسهال
ويمرض بحكم عمره

انتظر نصايحكم

رد: سؤال عن الكاسيكو
 

نوع في غذائه فيه اشياء يحتاجها ياخذها من نوع ثاني من الغذاء

رد: سؤال عن الكاسيكو
 

عطني مثال اخوي على الاكل
اللي اعطيه اياه

رد: سؤال عن الكاسيكو
 

انصحك نصيحه أخوي تعطيه أكل المخصص للبغاوات , لما فيها من فيتامينات .. ولا تعطيه اي شيء ثاني من باب الحذر

الاكل المخصص للببغاء .. يتكون من حب شمسي - موز مجفف - بعض الفيتامينات على هيئة حبوب - فول سوداني - حبوب متنوعه

هذا افضل له علشان ما يصير فيه اسهال وابتعد كل البعد عن الاكل المالح ...

او تقدر تعطيه

بيض مفيوح او بطاط مفيوح << يكون مفيوح وما يكون فيه اي نوع من انواع الزيوت
ويكون بكمية قليلة ولو مرة بالاسبوع افضل .. كثرته تقتله !

الفواكه ياكل جوافة تفاح << انتبه من البذور يعتبر مضر جدا له .. ولو تعطيه بكمية قليلة افضل له علشان الاسهال اعزك الله

ياكل القمح مثل الرز الخبز .. لكن بكمية قليلة ...

فالافضل اخوي عطه الاكل المخصص للببغاوات , ولو حبيت تغير عطه شوية بس من اللي ذكرتلك اياه ...

رد: سؤال عن الكاسيكو
 

اخي الفاضل
هناك خلطات تباع في محلات الطيور وهي عباره عن حب شمسي مع ذره مع فلفل مع سبال
خلطه انجليزية وفي بلجيكي
هذا افضل شي
وبالتوفيق

رد: سؤال عن الكاسيكو
 

انا مع الاخ monybat.. هناك خلطه مخصصه في السوق للببغاءات

رد: سؤال عن الكاسيكو
 

هلا اخوي حاول تشكله يعني يوم حبوب وفول سوداني يوم حبوب وتفاح وهكذا ومثل ما قالو الاعضاء يوجد خلطة في محلات الطيور بتوفيق