|
استفسار ترويش الكاسكو
السلامـ عليكم استفدت ماشاء الله من مواضيع الاخوان بارك الله فيهم عن مواضيع اللي خص ترويش الكاسكو ومن يوم ما جبت الكاسكو ما روشته خوف من انه ياخذ برد ويمرض او انه يكره راعيه ومربيه لكن بفضل الله روشته اليوم تحت الدش رغم انه ما كان يجعر لكنه كان جدا خايف ويصفر كل انواع التصفيرات اللي يعرفها بصو عالي وبسرعه ... اعوذ بالله المهم شويتين الماء نزل على ظهره ما عطاني مجال ارشه من تحته ولا على راسه .. بعدها جبت بخاخ وكملت روشته فيه ... واخذ مني ربع ساعه علشان انشفه .. المهم هذي الصور لما روشته ... اول شي قبل ما اخذه http://im35.gulfup.com/ZddbQ.jpg بعدين حطيته بالدش مافاد معه http://im35.gulfup.com/73gXA.jpg خذت البخاخ وكملت عليه ! كان منزعج وبيعض البخاخ ! http://im35.gulfup.com/EFymf.jpg http://im35.gulfup.com/CKszy.jpg حاولت انشفه , يعض المنشفة مايحبها http://im35.gulfup.com/NPoGW.jpg بعد فترة من التنشيف http://im35.gulfup.com/FNmjo.jpg http://im35.gulfup.com/IEo6D.jpg طبعا هذي حاله الحالية http://im35.gulfup.com/4QOZY.jpg وحاليا هو بقفصه ساكت ماله حس ... تتوقعون فيه حاله خوف الحين وبيأثر عليه على تربيته ولا عادي وينسى ؟ |
رد: استفسار ترويش الكاسكو
اخي الفاضل..
كان الافضل تروشه عن طريق البخاخ من بعيد شوي شوي حتى يتعود...مو على طول تحت الدش..لانه خاف..والسكوت الان شي طبيعي..وانشالله رح يرجع الوضع لطبيعته الشئ الاخر اخي..لا يجب تنشيفه عن طريق منشفه بعد الترويش لان ذلك يخرب الريش..يجب ان يجف لوحده في مكان دافي بعيدا عن التيارات الهوائيه. احرص على تدفئة الطائر الان.. بالتوفيق |
رد: استفسار ترويش الكاسكو
طبعا ما طبقت المنشفة الا بعد ما قريت عنها !
ان شاء الله بحاول ادفيه , واعطيك اخر الاخبار تسلم |
رد: استفسار ترويش الكاسكو
حياك الله اخي..بالتوفيق
|
رد: استفسار ترويش الكاسكو
الحمدلله شلته ولعبت معاه ولا كأن شيء صار
|
رد: استفسار ترويش الكاسكو
الحمدلله ان الامور رجعت طيبه..
بالتوفيق |
رد: استفسار ترويش الكاسكو
يتقبلني لكن صار عصبي شوي ماقام يصفر الا قليل .
|
رد: استفسار ترويش الكاسكو
اول كم مره تروشه يتأثر لعدة ساعات وهالشي طبيعي...خاصة انك اليوم استعملت معاه الدش والفوطه...البخاخ أهون...حاول ما ترش راسه عشان لا يدخل ماي في الانف لأن خطر عليه
جرب المره اليايه تروشه عند الشباك لما تكون الشمس مصوبه صوبه..شمس العصر اخر ساعه ونص او ساعه من النهار اذا كان يحب الشمس...اترس البخاخ ماي دافي احسن...وانت ترش رشه رشه بين كل رشه والثانيه ثواني كلمه فيها وصفر له ودلعه...يعني تخيل انك تروّش طفل صغير يكره الحمام ^^ انا عندي ببغاء عصبي متوحش من الدرجه الاولى ويكره كل شي جديد وينتف ريشه بعد...لكن بهالطريقه ترويشه مب صعب...عالاقل ما يجعر وما يقفز من عالستاند ويصالحني في نفس الوقت يركب على يدي XD |
رد: استفسار ترويش الكاسكو
والله فكرة روعه تحت الشمس واغردله من هل تصفير !
اتمنى بس يرجع لطبيعته باقرب فرصة ... واتوقع مرة بالاسبوع اروشه .. كافي ! طبعا لما اروشه بودي اروش راسه علشان ريشه اللي يكون صوب فمه ينظف . |
رد: استفسار ترويش الكاسكو
مرتين في الاسبوع يكون أفضل ^^
بالنسبه للراس عالاقل حاول من الخلف فوق ورشه وحده سريعه قبل ما يرفع راسه اهم شي الحذر عشان لا يدخل للأنف @@ ولو هو من الاصل أليف باذن الله يرجع لطبيعته ^^ شوي دلله زياده اليوم وعطه كل ما لذ وطاب من الفواكه او اي شي يموت فيه + عطه كم لعبه جديده وبصالحك على طول :12: |
| جميع الأوقات بتوقيت GMT +3. الساعة الآن 12:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو