|
هل الكاسيكو الاقل من 4 شهور يتكلم ؟
السلام عليكم...
عندي كاسيكو فرخ توه قاعد ياكل بروحه وبعد يحتاج للغر اغره 3 مرات في اليوم .. انا في بالي ان الكاسيكو ما يتكلم إلا اذا كبر وصار عمره من 4 شهور واكثر .. لكن لاحظت الكاسيكو اللي عندي انه قاعد يخربط ونوع اللي قاعد يتكلم لكن ما ينفهم شنو يقول ويطلع بعد نوع التصفيرات مع انه حتى ريشه للان ما كمل له بعده صغير باقي ريش يطلع له في ظهره ورقبته وصدره . فاللي ابي استفسر عنه هو هل اللي قاعدة اسمعه منه هو بداية الكلام له او بمعنى يحاول يتكلم ...او مجرد اصوات يطلعها؟؟ |
رد: هل الكاسيكو الاقل من 4 شهور يتكلم ؟
انا بدى عندي يخربط كلام وعمره 4 شهور...لكن الحين عمره 9 وليلحين مايقول ولا كلمه
البعض يبدا من عمر 8 شهور (كان عندي واحد يناديني) والبعض شوي يتأخر (اللي عند عمتي تكلم وعمره اكثر من سنه) لكن مع الاهتمام والسوالف لازم يتعلم باذن الله ^^ |
رد: هل الكاسيكو الاقل من 4 شهور يتكلم ؟
على حسب ذكاء الطائر
في منهم يتعلم بسرعه والبعض لا |
رد: هل الكاسيكو الاقل من 4 شهور يتكلم ؟
ما شاء الله هي القاعدة من الشهر ال8 لاكن لكل قاعدة شواذ استغل الخربطة و ركز علي كلمة سهله مثل الو او بابا و كررها امامه كثير قبل الغر و قبل وضع الاكل و ان شاء الله يتكلم بدري
|
رد: هل الكاسيكو الاقل من 4 شهور يتكلم ؟
مشكورين تسلمون
|
رد: هل الكاسيكو الاقل من 4 شهور يتكلم ؟
ممكن انه يبدأ يتكلم لاكن مافي شيء واضح وهذا طبيعي جدا ولن يوضح الا بعمر اكبر من سته اشهر
موفقه لكل خير واستمري بالتلقين |
رد: هل الكاسيكو الاقل من 4 شهور يتكلم ؟
اقتباس:
لكن أفهم من كلامك يعني طول فترة 5 شهور بيكون كلامه كله خربطة وما ينفهم ؟؟:( |
| جميع الأوقات بتوقيت GMT +3. الساعة الآن 01:41 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو