|
بدايتي لتربية الحمام
السلام عليكم ورحمة الله وبركاته
اشتهيت اني اربي حمام وتحمست لاني ربيت بادجي وزيبرا ودجاج وسمن واسماك فقلت خلني اربي حمام وطبعا انا ماعرف شي عن الحمام فانا وصديقي قررنا ان نبدأ بجوزين اهو يشتري جوز وانا اشتري جوز رخيص الثمن ونحطهم مع بعض لانه مبتدأين طبعا فابيكم تعطوني معلومات وسوالي المهم متى اخليهم يطيرون ويرجعون لي انا ابغي اربي حمام عشان الطيران ويرجعوون وناسه :D:88: وطبعا العشه مو كبيره مره هل يرجعون لها ولا لازم سلاكه كبيره المهم وشنو اكلهم ابيكم تعلموني بالتفصيل مشكورين مقدما |
رد: بدايتي لتربية الحمام
اولا : تربية وتكاثر الحمام اسهل من العصافير والزيبرا والشغلات هذي .
ثانيا : موقع البيت تبعهم وين ؟ عالسطح ؟ بالحوش ؟ ثالثا : الأكل هو : قمح حبوب قمح وهذا اساسي يعني لو ما توفر عندك اي شي اخر يمكنك فقط اطعامهم القمح .. ذرة صفراء او بيضاء .. عدس ب كمية قليلة ويفضل ب الشتاء والخريف تكثر منو . يمكنك وضع الشعير . رابعا : مدة الحبس .. اذا كان الحمام مو من البلد الي انت فيها يمكنك الأغلاق عليه ب شهرين او ثلاث ويمكنك بعدها فتح عليه ويصير يطير ويرجع .. ولكن فيه مشكلة اذا بيتهم ب الحوش وحواليهم بيت كثير وعااالية اكثر من مكان معيشتهم يضلو يوقفو عليه وما رح تستانس اما اذا البيت تبعهم عالسطوح وهم من اعلى البيوت في المنطقة رح تستانس عن جد . حافظ على نظافة المياة وتغييرها يوميا .. والأكل وجبتين صباحا ومساءا بالتوفيق اخوي . |
رد: بدايتي لتربية الحمام
حي الله اخوي حسين فيك بينا
وفعلا هواية الحمام روعة وما تقدر تستغني عنها بعد ما تبدأ فيها المهم مثل ما حكى مشرفنا المبدع بيرد عن الأكل اهم شي القمح وانا احب اضيف الذرة للأكل وتقدر تعطي مختلف انواع الحبوب الجافة حتى يطيروا ويرجعوا تحتاج تحبسهم بمكان التربية لمدة اسبوعين- اربع اسابيع وبعدها شرطن الأجنحة (أول خمس الى ست ريشات اللي يكونوا طوال) باللاصق اللي يستخدموه لأسلاك الكهرباء وافتح عليهم الباب لمدة اسبوعين وخلهم يطلعوا ويرجعوا براحتهم وحطلهم أكل خارج مكان التربية وبعد فترة الاسبوعين شيل اللاصق واتركهم براحتهم واول مرات طيران خليهم يطيروا قبل المغرب بنص ساعة والله يوفقك |
رد: بدايتي لتربية الحمام
السلام عليكم ورحمة الله وبركاته
اهلا فيك اخوي وراح تحب هواية تربية الحمام لانها هواية جميلة فيمديك تطير الحمام ويرجعلك مرة اخرى عكس باقي الطيور وهو من اسرع الطيور تكاثر ولكن نصيحتي لك هي انك تبدا بجوزين لحالك وصديقك لحاله لان الشراكة ما هي حلوة وتصير عليها مشاكل ومن ناحية اخرى اذا تربى الحمام ببيت صديقك فلا يمكنك تفقده وزيارته كل يوم او متى ما اردت وكذلك الحال مع صديقك فرب حمامك الخاص وابدا بالحمام الرخيص لتكسب خبرة وعقبال ما تحترف التربية . |
رد: بدايتي لتربية الحمام
مشكوورين على المروور الرائع وبالنسبه لمكان التربيه بربيهم في السطح
ومااقدر انا اخذ جوز واهو الجوز حقه لانه مكان العشه في بيت صديقي وانا ارى كثيرين يربون ازواج في نفس المكان والجيران عندنا يوميا اشوفه يطير الحمام حقه في الصبح وقبل المغرب بنص ساعه ومشكورين على الردود السريعه |
رد: بدايتي لتربية الحمام
بس بالنسبة لللصق ممكن التزويد ب صور ؟؟؟
و شكراااااا :) |
رد: بدايتي لتربية الحمام
اقتباس:
شنوو لللصق |
رد: بدايتي لتربية الحمام
اليوم شريت جوز ب50ريال
وحطيت لهم صندوق للتبييض وحطيت حق النخل عشان يبنون العش وانشاء الله يوم الجمعه بشتري جوز ثاني متى يبنون العشه |
رد: بدايتي لتربية الحمام
الف مبروك
وعقبال الانتاج إن شاء الله وبالنسبة للعشة اذا كنت تقدر تجيها متى ما بغيت فتمام التمام تقبل مروري |
رد: بدايتي لتربية الحمام
احذر:::::::::::::::
عند شرائك لأي طير : تأكد من صحته ب شكل عام وشكلة الخارجي .. ولازم يكون مصحصح وليس خامل .. والنظر الى ارجله وعد اصابعه لازم يكونو 4 دون جروح او بتور .. وان كان النوع مسرول يجب تفحص اصابع الأرجل .. و النظر اجلكم الله على براز الطائر يجب ان يكون متماسك وليس ابيضا وليس اخضرا وليس احمر .. يكون جامد وباين عليه الصحه لا الأسهال . والنظر الى اعين الطائر يجب ان يكونا يلمعتان لا يوجد بهما اي افرازات صفراويه او بيضاء . ومفتوحتين فتحة ممتازه لا نصف فتحه .. ويجب ان يكون الطائر يتحرك لا واقف ب الزاوية . ويجب ان يكون الطائر منتصب الرقبه وهذي اهم نقطة حقيقة .. منتصب الرقبه ذو وقفه رائعه . بالتوووفيق اهتم ب الملاحظات هذي . |
| جميع الأوقات بتوقيت GMT +3. الساعة الآن 08:47 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو