|
القط والاكل
السلام عليكم ورحمه الله
اولا ازيك يا شاهى يارب تكونى تمام ثانيا عاوزه اسأل على حاجه القط بتاعى من اول امبارح مكلش زى ما بياكل هو طبيعه اكله بطاطس مسلوقه مع اى حاجه ( فراخ - لحمه - كبده - جزر او كوسه ) اول امبارح طول النهار مكلش اوى امبارح عملتله بيض كله اول ما حطيتهولى الحمد لله تمام كان الضهر كده ومن بعدها مكالش اى حاجه حطيتله بطاطس مع ربع سمكه خطلتهم مع بعض كل منها شويه بقى بينقى السمك وكل شويه بطاطس صغيرين وخلاص الكلام ده الساعه 10 بالليل من بعدها مكالش اى حاجه بيشرب مايه كتييييييييير جدا جدا جدا فوق ما بيشرب ف العادى يعنى اليومينن اللى فاتو دول مليتله بوله المايه مرتين ف اليوم درجه حرارته كانت اول امبارح بالليل 37.6 وامبارح كانت 37.4 والنهارده 37.5 النونوه بتاعته ساعات بحس انه مش قادر ينونو او بتطلع ضعيفه مش زى ما متعوده ع صوته الحمام بتاعه طبيعى طبعا لانه بيشرب اكتر مابياكل الحمام بتاعه بول اكتر من براز فكرت اديله فاتح شهيه بس مش عارفه صح ولا ايه هو عده 5 شهور و10 ايام تقريبا |
رد: القط والاكل
وعليكم السلام ورحمه الله
الحمدلله تمام ، ازيك انتى ياقمر بصى هو فى اى اعراض برد عليه ينى رشح مثلا او نشاطه قل شويه ولا هو موضوع الاكل بس ؟ حاولى تغيرى فى الاكل يعنى مثلا ممكن تستخدمى كوسه او جزر او بسله وكمان تقدرى تأكليه جبنه مثلثات او زبادى ، ودراى فود لا فاتح شهيه منصحكيش لكن نقدر نديله فيتامينات |
رد: القط والاكل
هو مبيلعبش خالص من يومها
على طول نايم النهارده حطيتله سمك فضل يشم وبعدين كل لا مفيش رشح |
رد: القط والاكل
طيب هتجيبى من الصيدليه البشريه ايموكس للاطفال
واديله 2 سم فى اليوم لمده 5 اايام |
رد: القط والاكل
النت كان فاصل ولسه شايفه
طيب الاول قبل ايموكس ابتدى ياكل ويتحرك وتمام بس عشان ياكل لازم افضل اطبطب عليه او اقوله شاطر برافوو كل يلالا ولو قومت من جنبه مبياكلش وبيفضل ينونولى لغايه ما اروح اقعد جنبه ع الحال ده امبارح طول النهار والليل فى مواعيد اكله اعمل ايه بقى :( ده معملهاش وهو كيتن |
| جميع الأوقات بتوقيت GMT +3. الساعة الآن 09:26 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو