منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   استفساري لاصحاب القطط بالسعودية .. (http://www.2zoo.com/vb/showthread.php?t=304526)

اكابر 07-03-2013 10:13 AM
استفساري لاصحاب القطط بالسعودية ..
 
السلام عليكم ..

كيفكم ان شاء الله بخير ..

بدخل بالموضوع على طول ..

عند ولد خالتي قطوة صغيره .. واخوي الصغيره حبها .. وكل ما رحنا لهم يركض يدورها ..

وحافظ اسمها ههههههه المهم ان امي لاحظت هذا الشي .. وحست باخوي الصغير

وامس الربوع واحنا راجعين من خالتي سالت اخوي شفت بوبي .. قال ايه وقعد يخربط علي

ههههههههه المهم عاد امي قالت كم اسعارهم وكذا .. قلت مدري على حسب علمي

ان الصغير اغلى من الكبيره وكذا قالت شف كم اسعارهم ..

عاد انا قلت من اسال المحلات ما عندهم خبره قويه بهم .. وتذكرت اني مسجل بالمنتدى

هذا وفيه قسم القطط .. عاد ابي اسالكم .. القطو الصغير ... كم سعره

هل يختلف اللون والشكل وسمعت شي له جواز وكذا .. للمعلومه انا بالسعودية .. المنطقة الوسطى ..

اتمنى الرد بوضوح لان مالي خبرره بهم وعطوني رايكم ..

وشكرا ..

Octopus 07-03-2013 06:18 PM
رد: استفساري لاصحاب القطط بالسعودية ..
 
اول شي تتخلف الاسعار من مكان الى اخر فغالبا في الرخيص و في الغالي و ثانيا اسعارهم في عمر الشهرين غالبا 200 و احيانا يختلف في الشكل مب في اللون

و ثانيا بالنسبة ل جواز سفر القطط هو عبارة عن ورقة التطعيمات مالتها

llosy 07-03-2013 08:33 PM
رد: استفساري لاصحاب القطط بالسعودية ..
 
انصحك لا تشتري من محلات
قطاوة المحلات اغلبهم مريضين

تقدر تدخل على قسم القطط وتبحث عن قطوة تكون بالمنطقة اللي انت فيها

وسعر القطوة يختلف بحسب عمرها ونوعها وجنسها وصحتها

الشيرازي كل ماتكبر يقل سعرها
وبعمر الشهرين يكون سعرها من 500 الى 800
والذكر اغلى من الانثى

الامريكي كل ماتكبر يقل سعرها

الهيملايا كل ماتكبر يزيد سعرها
بعمر الشهرين اقل شي سعرها يكون 1000
والذكر اغلى من الانثى


اذا بتشتري اذا كنتوا تعتنون فيها عناية كاملة اخذوا شيرازيه بعمر الشهرين
عشان تكبر عندكم وتتعود عليكم



بالتوفيق ..

شاهستا 08-03-2013 12:03 AM
رد: استفساري لاصحاب القطط بالسعودية ..
 
اهلا بيك

طبعا القطط بتختلف حسب اعماراها ونوعها و اوقات الوانها كمان

وطبعا الاسعار بتختلف من مكان للتانى

عندك قسم البيع تقدر تشوف فى قطه تناسبك

فاتـــو 08-03-2013 04:18 AM
رد: استفساري لاصحاب القطط بالسعودية ..
 
اهلين اختي
حبيت انبهك بنقطه
الاطفال عاده يعجبهم الشي ويشترونه وبعدين يملون منه
بس انتوا هالمره بتشترون روح يعني اكيد اخوكي راح يلعب ويهتم فيها يومين وبعدين يمل
ويصير ينساها
لازم احد كبير من الاسره يهتم فيها واكيد راح تكوني انتي يالبطله
ولك الاجر ان شاء الله على كل شي بتسوينه لها
وما انصحك بقطه صغيره مره لانها تكون مناعتها ضعيفه يعني افضل من عمر 3 اشهر الى 5
بالتوفيق

اكابر 08-03-2013 02:30 PM
رد: استفساري لاصحاب القطط بالسعودية ..
 
شكرا لكم جميعا ..
انا ذكرت اني بالمنطقة الوسطى .. وبالسعودية
ابي سعرها بالقصيم .. ابي اعرف كم سعرها
في ناس قالوا 500 شيرازي صغيره معقوله
وفي محل حولنا .. عنده قطو ابيض امريكي كبير سعره 200
طبعا ذكر .. ان شاء الله بصوره لكم .. بس ما اعجبني
امي تبي صغيرة .. ويوم شافت اﻻمريكي قالت ﻻ ما يصلح
تقول ماله شوشه ههههههههه عاد عامل المحل يقول هازا غالي صغير هههههه
تكفون ابي تعطونن السعر وكذا

للمعلومية انا ولد مب بنت


جميع الأوقات بتوقيت GMT +3. الساعة الآن 09:16 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو