ايش مشكلة كرواناتي
 

مرحبا

ساعدوني أبغى أعرف ايش صاير مع الزوج الي عندي !!

لهم أسبوع و أنا كنت أنتظر أنهم يبيضو بس من أمس ماعاد دخلو البياضه
كان لهم أسبوع يدخلو البياضه ويقضو اليوم بأكمله تقريبا من أمس ماأعرف اشبهم؟؟

حتى فضلاتهم الله يكرمكم رجعت طبيعيه كانت قبل كبيره

مافي شي أتغير عليهم الوضع طبيعي

في شهر ديسمبر باضو وكان أول انتاج لهم باضو بيضتين بس وطلعت مو ملقحه والا الأن مارجعو وباضو ايش السبب ؟

رد: ايش مشكلة كرواناتي
 

مرحبتين

اختي هل كنتي تفتحي لهم البياضه ولا لا ؟!

ثاني شي ممكن طول الاسبوع كان الزوج يرتب البياضه ويطمئن ان كل شي فيها تمام وكدا

فخرج الان يمكن ليتم عملية التلقيح
اذا كان الاثنين برا

وممكن الذكر يخرج لحاله فمو مشكله اهم. شي الانثى داخل

الفضلات الله يكرمك كانت كبيره لأنهم موجودين في البياضه
يعني الطير لما يقعد بالبياضه يحبس الفضلات الى ان يخرج من البياضه ويخرجها
لذلك تكون كبيره

بالتالي دام انها مابيقعدوا في البياضه حتكون فضلاتهم طبيعيه


موفقه^^

رد: ايش مشكلة كرواناتي
 

فتحتها امكن الاثنين الي راح طبع وهما ماكانو جوا البياضه ولقيتها فاضيه لانه وقتها انا اتوقعت انهم باضو بس استمرو يدخلو البياضه بكثره وكمان يلقحها انا ماافتحها كثير وحتى ماازعجهم والله بس اذا غيرت المويه والاكل ،انا من تجربتي الاول لانتاحهم الانثى مادخلت البياضه لحالها غير يوم واحد قبل ماتبيض ذي المره بالنسبه لي الوضع غير انها تدخل كثير مع الذكر وكمان كان احيانا الاقيها هيا لحالها جو والذكر برا، احط لهم خضار ومهتمه في اكلهم ،مو عارفه اذا كان في مشكله :(

رد: ايش مشكلة كرواناتي
 

اختي الفاضله ...

هل انتي متاكده من خلو المحكر (العش) من الحشرات؟؟ سبب من اسباب هجر المحكر

يجب استخدام بودره الدينصور برشها في ارضيه المحكر ووضع النشاره فوقها ..

عليك بالصبر و ان شاء الله تشوفي انتاجهم في القريب العاجل..

تحياتي

رد: ايش مشكلة كرواناتي
 

لا لاتقول ماااتوقع انه في حشرات انا قبل لا احط النشاره كنت معرضه البياضة للشمس وبخيتها بمبيد يعني مااتوقع فيها حشرات وهما لهم اسبوع تقريبا يقضو لوقت كله في البياضه ، أنا بالنسبه ليا ذا الوضع جديد الزوج عندي انتج قبل كذا بس ماكان متوالف مع بعض كثير يعني ماكانو يجلسوا جنب بعض وينظفو راس بعض ،دحين ماشالله عليهم مره منسجمين وفي البياضه يكونوا مع بعض ،في الانتاج الاول كان الذكر بس هو الي يدخل والاتثى تدخل وماتطول وبعدها دخلت يوم اليوم الي بعده باضت ،بس ذي المره لا باضت ودحين مايدخلون بس الذكر ساعات الاقيه ويخرج على طول

رد: ايش مشكلة كرواناتي
 

زي ماقالت لك اختي كل الدلع ماقصرت وزي ماقالت ممكن خلصو من تجهيز العش
والحين انتظري عليهم وشوفي لا تصيري عجولة

رد: ايش مشكلة كرواناتي
 

اي عجوله !!! بيكملون السنه عندي وانا صابره وانتظر ، ساعات افكر اقول ابيعهم بس المشكله متعلقه فيهم :(