|
قطه للتحدي.... من يتحدى!
السلام عليكم..عندي قطه جميله بريئه
نوعها هملايا .. عمرها سنه تحب تلعب حبشه! و تحب أهل البيت... و كل من شافها حبها...لكن من بعيد لبعيد... بتقولون طيب وين التحدي التحدي هو من يستطيع ترويضها?!! تكره الأغراب ماتترك أحد يلمسها أو يلاعبها غير أهل البيت أعاني منها أشد المعاناه في فترة التزاوج لما تبدأ تسوي حركاتها و أوديها المحل تنقلب كلب مسعور تنهش كل من يحاول يقرب منها حتى أنا وديتها لمحل و من بكره قالوا تعالي خذيها....انها خطر على الذكر وديتها الشهر اللي بعده محل ثاني قالوا بنحاول نقص اظافرها قبل ندخلها عالعريس بس اذا ماقدرنا كلمناك...المغرب كلموي يقولون تعالي خذي المسعده حقتك!!!! وديتها محل ثاني 3 اشخاص يحاولون يقصون بس اظافرها و ماقدروا!!! و محل رفض يستقبلها لما قلت انها عنيفه ... الشهر اللي بعده وديتها محل...من بكره كلمني السوداني يشتكي انها مو راضيه تاكل و لا راضيه احد يقرب منها و لا و لا و لا... ... عطاها ابره منشطه عشان ترضخ بس الله لا يعيدها ماعاد تنام ابد و لا عاد قدرنا احنا ننام من ازعاجها...مسكينه تنرررررحم وديتها محل ثاني قال مافيه الا حل واحد تاخذين الذكر عندك البيت!!! و اخذته يومين و رجعته لأنه ماقدر يقرب منها يخاااااااف... .... الحين اكتب لكم و الحاله جايتها ... جبت لها ذكر عندي بس خايف منها لأنها شررررررررسه تكشر عن انيابها و اظافرها ... تو بركت عليها انا و اخواتي الثنتين بس عشان نقصها و قعدنا ساعه لحد ماقدرنا نقصصها !!! من يقبل التحدي و يروووووض لي لولو الشقيه...اقصد الشرسه و العنيفه ملحوظه / بعد كل مره اوديها محل ترجع مريضه و ماتاكل و تستفرغ !!! |
رد: قطه للتحدي.... من يتحدى!
قطتك نوع شخصيتها قويه وذكيه حذره جدااا وماتحب الا اللي تثق فيه وتعوده عليه
علشان كذا لازم تثق بالقط اللي بيتزوجها لازم تجيبين القط الذكر بالبيت ويكون طالب للتزاوج طبعا التزاوج ماراح يصير من اول وم ولا ثاني ولا خامس ولا بعد اسبوع بس اذا ركزتي شوي بالموضوع ممكن يتم بثالث يوم وترتاحين من الهم هذا كله انا بأذن الله راح اساعدك وتقدرين تزاوجينها بهدوء وبدون مشاكل بس احذرك لاتخلين اي دكتور يعطيها ابره مهدئه خي الابره الحل الاخير المهم الحين عطيني عمرها حتى اقدر اعطيكي الحل انتظر ردك ياحلوه |
رد: قطه للتحدي.... من يتحدى!
هلا عزيزتي...
أشكرك على الرد و مثل ما ذكرت لك بأول لموضوع.. عمرها سنه.... ... البارحه حطيتهم بغرفه عشان يتعودون ع بعض لقيتها ناطه من الشباك للحوش !!! |
رد: قطه للتحدي.... من يتحدى!
انا حلفت ...هذي اخر فرصه لها اذا ما تأدبت.. بعطيها كرت أحمر !
|
رد: قطه للتحدي.... من يتحدى!
وعليكم السلام ورحمه الله وبركاته
شوفي نوعية قطوتك صعب تتأقلم عندي من هالنوعيه بالاخير عقمتها وارتحت احجزي لك موعد وروحي عقميها وارتاحي من طلبها لانها ماراح تتزاوج وانتبهي من سالفة الابره عشان تتزوج قطوتي الاولى اعطوها الابره وبالاخير ماتت قطاوتي نفس حالة قطاوتك لااكل ولاشرب وعصبيه برا البيت وجوات البيت معاي عسولين اذا ماتبين تخسرينها وتبين راحتها عقميها وخليها تلعب وتنبسط وابتعدي عن الهرمونات وتاكدي الدكتور كويس تبع التعقيم ويستأصل المبايض عشان ماترجع تطلب واذا ماتبين تعقمينها جيبي ذكر وخليه معاها فتره طويله لين تتأقلم عليه |
رد: قطه للتحدي.... من يتحدى!
اختي شوفي لازم تصبرين عليها ويا الذكر مو من اول يوم راح يتعودون على بعض
لاتحبسينهم في غرفه مع بعض كذا غلط لازم تتركين كل واحد على رااحته حتى ماينجبر يجلس معه ويتضاربون لازم تخلين ادوات كل واحد بعيده عن الثاني (السرير الللتر بوكس طبق الطعام والالعاب ) ومع الوقت تقربينهم من بعض واذا حسيتي انهم بيتهاوشون تبعيدنهم شوي وتجين باليوم الثاني وتسوين نفس الطريقه وتقربينهم شوي وصدقيني راح يتعودون على الامر الواقع بس احذري انك تلعبين واحد بوجود الثاني لانه ممكن يستانس وينسى نفسه ويلعب معها وبيتهاوشون من جديد خلي اللعب اخر شي اتمنى تكوني فهمتيني وتنجح معك الخطه وعلى فكره انا مجربتها مع قططي السبعه اللي عايشين معي الحين وكلهم زي العسل مع بعض بالتوفيق |
رد: قطه للتحدي.... من يتحدى!
هههههههههههههه
والله خطيرة لولو ههههه أتخيل وضع صاحب المحل وهو خايف على البساس منها ومتصل عليكي خذيها ههههههه اشتري ذكر وخلية معها لحد مايتعودو على بعض اذا كنتي تقدري على القطتين وعيالهم او عقميها وارتاحي وان شاءالله تنحل مشكلتك مهما كان اختيارك |
رد: قطه للتحدي.... من يتحدى!
سبحان الله نفس قطوتي بالملي،شرسة مع الأغراب ولما وديتها يقصوا اظافرها ثلاثه هنود مع الدكتور واخوي ماقدروا عليها ورجعها اخوي وجاب مقص قال انتوا قصولها،وماخلتنا وديتها بيطري ثاني ومسكتها انا واختي وبعد ماقص اظافرها اكتشف ان يده تنزف هههههه وجبت لها ذكر للتزاوج انسعرت عليه وتضربه وصار يخاف منها ولا تاكل ولا تشرب ماغير تبخ طول الوقت وراسها يتحرك يمين ويسار كأنها مروحة جلاسي ،المهم حبستها معه في غرفة لمدة اسبوعين ولا صار شي لأنها رافضته وتتوحشن عليه وهو خايف بعد الاسبوعين بدت تهدأ بس على خفيف وبدت تخليه يقرب منها شوي بس بحدود وفي يوم وليله صار التزاوج والحين عنده خمسة عيال بس والله ندمانة قد شعر راسي لأني متوهقة فيهم ومش عارفة شسوي خايفة اعرضهم تبني واندم لأني عارفه ان محد بيحبهم مثلي وخايفه عليهم لأني انا السبب في جيتهم عالدنيا يعني هم في رقبتي والله حمل ثقيييل ،ليتني عقمتها اول مابدت تطلب تزاوج ،انصحك لاتزوجيها عقميها افضل بترتاحي وبتريحيها ،ترى هي شخصيتها كذا وماراح تتغير انا قطوتي مازالت شرسة بس تعودنا عليها وتعودت علينا ونازلة ضرب في عيالها مأذيتهم عض :(
|
رد: قطه للتحدي.... من يتحدى!
و احد الحلول قص اضافرها و ثاني الحلول تهدئتها و ثاني شي لاحظتي عليها علمات طلب التزاوج و شكله ان في الاشياء صارت لها شي من الصغر
|
رد: قطه للتحدي.... من يتحدى!
ابشركم..تم التزاوج بقدرة القادر...
الذكر اللي عندي جاها على غفله و تمكن منها بس هي بعد ماقصرت فيه... التعقيم ما افكر فيه.. ابي اشوف عيال عيالها ! و مالي الا الصبر... أشكركم جميعا عالرد |
| جميع الأوقات بتوقيت GMT +3. الساعة الآن 02:29 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو