سؤال صغير عن البلبل
 

احد عنده خبره في البلبل الصغير كيف نعتني به مثل اكله تدريبه حمايته من الامراض .....الخ ؟

رد: سؤال صغير عن البلبل
 

مرحباً

أنا ربيت بلبل لخمس سنوات ،، وربيته من أهو صغير وعندي معلومات جيده عن تربية البلابل

بالبداية كنت أطعمة لانه ما يقدر يأكل لحاله فتعرف النخي الاصفر اللي يحطونه بالقرقاعان اخذه ونظفه وبعدين طحنه وبعدين بلله بالماي بس ما يكون كثير ماي يعني شوية جامد ومو تعطيه كثير هلون وبعد كنت اعطيه تمر مهروس بالماي وبعد كنت اعطية سيرلايك قليل يعني من كل هالاكلات قليل ومو كثير لان اهو من يشوف احد يفتح منقاره عشان ياكل

وتعرف البمب تبع المستشفي كان عند واحد بلستك وكانت فتحته صغيره كنت اطعم فيه البلبل الطعام فيه وكنت اغسله كل مرة عشان ما يجمد الطعام فيه خاصة النخي واذا ما عندك شوف شي صغير مثل ملعقه بس تكون كثير صغيره والافضل بلاستك ... هذا اذا صغير واذا كبر اي شي ياكل مثل كان بلبلي ياكل مينو ويحب الايس كريم على فانيلا وكان يحب ياكل رز بس الغريبة ان البلابل تحب الفواكة بس بلبلي ما كان يحب الفواكة بالمرة مدري ليش شكله طالع على صاحبته :confused:

وعن تدريبة بصراحة بلبلي كان ما يدخل القفص بالمرة إلا اذا كنت بالمدرسة بس كان عندي مشكلة معاه لان المروحه ضربته مرتين وفي مرة تعور وطلع دم من جناحه والحمد لله تعافي لاني خذيته على البيطري وحتى لو اطلع بالحوش يكون بدون قفص يعني ما كان يطير مع اني اخليه ياخذ حريته ويطير داخل البيت بس اذا بره البيت كان يخاف ويلصق فيني ما كان يحب يطلع بره البيت بالمرة

وتقدر تربيه على اللي تعلمه بس نصيحة لا تخلية وايد بالقفص عشان ما يصير متوحش يعني اكثر الاوقات خله يطير بالبيت عشان يتعود عليكم وانا كنت معلمته لين اصافر له بطريقة معينه على طول ايجيني على ايدي وعودته لين اخلي له صحن فيه ماي يروح يستحم فيه لحاله وكان دايم ياكل معانا على السفره اخلي له صحن صغير واخلي فيه عيش ( رز ) وكان يجلس جنبي وياكل وكان ينام جنبي على المخده يعني بالمرة ما كان يدخل القفص إلا اذا كنت بره البيت او يزورنا أحد بس المشكلة لازم تنظف وراه كثير لان تعرف الطيور ما تتحكم بنفسها حق التوسيخ فهذى كانت مشكلتي مع اهلي ...

والله يخلي لك البلبل وتقدر تعلمة باللي تحبه