|
شلون اخلي امي اتحب الهامستر خخ .؟؟؟.
هلا والله شخباركم
الصراحه انا احب الحيوانات بس عيبي اتملل منهم بسرعه .. لان كل حيوان اشتريه يموت عندي ومايتم اسبوع .. وكل حيوان اخذه افشل في تربيته بسبب احباط الاهل لي يحبطووووني :( مره كان عندي اربع قطط ريشين على سيامين وشيرازين امي خلتني اطلعهم من البيت لان طفشتني كل يوم تحن علي .. واحين انا خذيت لي هامستر وانا وايد مرتاح حق هالحيوان لان غير عن الحيوانات الي جربتهم مافيه ريحه عفنه ونظيف واليف وظريف بس شوي شيطان يعفس القفص خخخ وربعي يتمسخرون مني يقولون لي احد يشتري فاار :confused: المهم امي كل يوم تيلي تقوولي طلع الفار اقولها هاذه مو فاااااار هاذه هامستر .. تقولي بيجيب لك الامراض اقولها دشي منتديات تو زوو وجوفي شلون يحبون همسترات ويهتمون فيهم مافي فايده اهي خايفه يلعوز ويجيب الامراض .. شاااسوي امي بروحها يبيلها ترويض خاص خخخ .. |
رد: شلون اخلي امي اتحب الهامستر خخ .؟؟؟.
موضوعك خلاني ادش غصب رغم اني نادر المشاركه في اقسام غير قسم التصوير
وأهم كلمه .. وهالعباره ضحكتني وايد (امي كل يوم تيلي تقوولي طلع الفار اقولها هاذه مو فاااااار هاذه هامستر ) :) صراحه ماكو حل للامهات غير انك تحط لها برامج في التلفزيون تقنعها بأن تربية حيوان مثل هذا غير ضارة وان هذي هوايتك بالتوفيق |
رد: شلون اخلي امي اتحب الهامستر خخ .؟؟؟.
أنا بعد عندي نفس المشكلة بس أومي تعي أشتريه أصلا
|
رد: شلون اخلي امي اتحب الهامستر خخ .؟؟؟.
ممم اهلي بيحبو الحيوانات بس بيبئو خايفين من تربيتهم بلبيت
ضلك زن عليهن |
رد: شلون اخلي امي اتحب الهامستر خخ .؟؟؟.
اخوي العزيز
والله انه نفسك بالظبط امي كذا دايماً تقولي هل فار بيجيبلك امراض وطلعه من البيت بسرعة . بس خلة عندك وكله روح عند امك وشيله بيدك وخلها اتشوفة وبعدين راح تستانس به وتضحك لأنه بعض الأحيان الهامستر يعمل حركات اتضحك. وانشاء الله امك اتخلية معاك هاصديق الى الأبد... تحياتي |
رد: شلون اخلي امي اتحب الهامستر خخ .؟؟؟.
اغسل ايديك
الامهات اذا كرهوا الحيوان اللي شاريه عمرهم ماراح يحبونه اسئل مجرب و انا اخوك عندي هامستر صارله مده طويله عندي ..شهور و توها الوالده قبل جم اسبوع تعودت اتقول هامستر ولا قبل كله اتسميه " فار " فنصيحتي لك تحمل و هم بعد فتره بينسون .... و نصيحه ثانيه لاتعلم ربعك "اصدقائك" عن الهامستر ..فبيستعبطون عليك للحين الناس ماتعودوا على الهامستر , للحين كل شي عندهم يشبه الفار فهوه فار |
رد: شلون اخلي امي اتحب الهامستر خخ .؟؟؟.
قل لها أن هنالك 250 عضو يحبون تربيته
|
رد: شلون اخلي امي اتحب الهامستر خخ .؟؟؟.
نا من الاسبوع الي طاف خذيت هامسترين وامي ماترضى لكن ابوي يرضى وخذيته وقلت حق امي وقالتلي امراض وهذ وهذا وهذا قلتلها انا ابي اربي هامستر وانا احب الهامستر وقلتلها مطعمين قالتلي كيفك
|
رد: شلون اخلي امي اتحب الهامستر خخ .؟؟؟.
انا بعد امي نفس الشي بالضبط مو بس امي حتى اخوتي كلهم يسموووه فاااار وانا ما اقدر اقول شي ، اما امي اذا بغت تدلع الهمستر بدال لا تسميه فار تسميه ( آرمسترونج ) ....:):)
الحل انهم لازم يعرفو معلومات كافيه عنه وعن العناية به وبالتالي يعرفو انه ما يجيب امراض الا نادرًا وادا ما فاد مع الوالدة قول لها انه بينظف البيت وبيخم ويغسل كل شي :D:D |
رد: شلون اخلي امي اتحب الهامستر خخ .؟؟؟.
مرحبا
انا قرأت جميع الردود وجميعنا نتفق بنفس التجارب مع الاهل ومع الاصدقاء والهمستر موجود من فترة بس الصراحه انتشر في الفتره الاخيرة لدرجة ان في ناس تربية وتخجل تقول لحد والمشكله كلها بان الفار حيوان مقرف وهم يصفونه من سلالت الفار لاكن هو من القوارض والحل انك تقولهم الفرق بين الفار والهمستر وتتكلم عن ميزاته وشكله الجميل وانشاء الله تنحل مشكلتك |
| جميع الأوقات بتوقيت GMT +3. الساعة الآن 01:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو