|
قصيت جناح الكاسكو لـكن.......؟
السلام عليكم ورحمه الله وبركاته اليوم قصيت جناح الكاسكو وخليت اول ثلاث ريشات لكن البيطري قال لا تطلعه الاربعه الايام الجايه كلها لانه معصب انه ريشه انقص وانا ما قصيته الا لانه الان كمل اسبوعين بالقفص قلت بعجل بالقص حتى اطلعه ولا تجيه حاله نفسيه لاني لاحظت عليه قبل القص ياكل الحديد ويجره وياكل العلبه اللي فيها الاكل والماء لكن البيطري صدمنا لما قال لا تطلعونه ولما جاني كان يجعر رغم انه ما يجعر الا اذا فكيت عنه السقف العلوي وينفش ريشه يكبر نفسه يعني تعب الاسبوعين هل راح هل اقدر بكره افكه من القفص ولا ما يصير ؟؟ اتمنى ايفادتكم |
رد: قصيت جناح الكاسكو لـكن.......؟
اخوي انا اشوف انو تفك عنه القفص لان الطير سبحان الله يعرف انو ماعاد يقدر يطير
لكن افتح عنه القفص وخله براحته على اخر شي كم يوم كذا بس يتاقلم ع طول يسير الوضع عنده طبيعي تحياتي |
رد: قصيت جناح الكاسكو لـكن.......؟
اخوي عادي طلعه انا قبلك قصيته وطلعته ع الاستاند ومستانس لكن اخذ يوم كامل وهو زعلان
|
رد: قصيت جناح الكاسكو لـكن.......؟
والله كنت خايف
والله يعطيكم الف عافيه طلعته ولا صار شي تحياتي |
رد: قصيت جناح الكاسكو لـكن.......؟
هلا اخوي عادي طلعة
انا لا قصيت الجناح في نفس اللحظة اطلعة ممكن يكون متضايق يومين لكن ما عليك بعض البيطرين الله يهديهم احس انهم يلخبطون المربين بدل ما يصححوا لهم |
رد: قصيت جناح الكاسكو لـكن.......؟
البيطري هذا خبل ..
طلعه من القفص وماله داعي ينحبس دام جناحه انقص .. |
رد: قصيت جناح الكاسكو لـكن.......؟
الان طلعته لكن هل ابدا احط المنشفه عليه علشان ادربه
ولا ما يصير لانه امس انقصت جناحينه ياليت تفيدوني اخاف يكرهني |
رد: قصيت جناح الكاسكو لـكن.......؟
ذا البطري خبل والله انا اقص الجناح واطلعو فنفس الدقيقة كلها يوم ويتعود
|
رد: قصيت جناح الكاسكو لـكن.......؟
انتظر عليه يومين كذا او على حسب رؤيتك للطير اذا شفته بدا يلعب وكذاا
ابدا معه مشوار التربيه وترا مافيه شي اسمه يكرهك الببغاء ذكي ويفهمك وانا انصحك لاتستخدم طريقة المنشفه حااااول تخليها اخر حل وابدا معه بطريقة التجويع والاكلات الحلوه الي يبيها ومسح الراس وكذا خل المنشفه وحشر الطير ذي اخر حل تقبل مروري |
رد: قصيت جناح الكاسكو لـكن.......؟
اخوي العزيز
مثل ماقالك الدكتور لاتطلعه الا بعد فتره يعني يومين كويس لانه قلقان وخليه يهدا شوي ولما تطلعه انتبه تحطه بمكان مرتفع لانه بيحاول يطير وقد يسقط بشكل قوي او يصدم بجدار من الرغم قصة ثلاث ريشات ممتازه ومستحيل انه يطيح بشكل قوي ولكن مايقدر يرتفع للاعلى طبعا هذي نصائح مفيده للطير وان طلعته بنفس اليوم قد تمر الامور بسلام وان شاء الله بالايام القليله المقبله بيتجسن حالته النفسيه والطير لما يعض الحديد او المشربيه هذا تهديد منه ولو تلاحظ يكثر من حك منقاره بالمجثم بعد ’ تهديد منه انك ماتقرب وان شاء الله مع الايام راح يهدا بالتوفيق |
| جميع الأوقات بتوقيت GMT +3. الساعة الآن 07:32 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو