الكناري وش حله اذا يبيض مايفقس
 

بسم الله الرحمن الرحيم
السلام عليكم ورحمة الله
حقيقة هذا الموقع هو ما ابحث عنه من القدم
وهو موقع رائد في مجاله رائع في تقديم عمله
كما اتمنى من الله العلي القدير ان يوفق العاملين
على هذا الموقع لما يحبه ويرضاه
ومن تطور الى تقدم:D
يصلح مثقف صح:rolleyes:
============
انا عضو جديد يعني بقراطيسي وكالة :D
وابي اسالكم كم سؤال عن الكناري
انا عندي كناري من قديم المهم قبل سنه رحت واشتريت له انثى قلنا نجوزه الرجال صارت عيونه تطيش :D المهم بعد ماتجوزو صار كل بعد 20 يوم القى بيض من 3 -4 الى 1 وتاخذ فترة احياناً تصل الى اسبوعين واحياناً اخرى تصل الى 4 ايام فقط في البداية الانثى ترجن على البيض وماتقوم الا نادراً وبعدين صارت ماترجن الا نادراً شوف الفرق:D على العموم البيض بعد فتره تروح تخرقه بمنقارها لانه اصلن ميت مافيه حياة طبعا هي ماتنقره الا بعد ماترجن عليه فتره(( شكل صديقي ماعندك احد)) ومشكلتي الحين ابي انتاج ابي اشوف عيال صديقي :D عاد ياليت ياهل الخبره تشوفون وش الحل وترى حنا كل يوم بهالموقع نشوف الردود;)
وهذي الصور حقته هو وزوجته جايبها لكم شوفوها
على فكرة هو الابيض والانثى الاصفر
لاحياة لمن تنادي
http://www.gemtd.com/knare/2.gif

هرب الرجال:D
http://www.gemtd.com/knare/4.gif

مايبيك غصب هي
http://www.gemtd.com/knare/1.gif

هاه يمكن حن عليها
http://www.gemtd.com/knare/3.gif

لا بالله الا جاء:p
http://www.gemtd.com/knare/5.gif

على فكرة هو الابيض والانثى الاصفر

رد: الكناري وش حله اذا يبيض مايفقس
 

please change the female . she is not real good . wasting time for her .

رد: الكناري وش حله اذا يبيض مايفقس
 

اخي الكريم انصحك بعمل الاتي قم بفصل الذكر عن الانثى لمده 7_10 ايام وقدم له الجرجير
والانثى ضعها في قفص معد للتزاوج وقدم لها البيض وضع لها مواد التعشيش وبعد ان تكمل بناء العش قم بادخال الذكر عليها وان شاء الله خير

رد: الكناري وش حله اذا يبيض مايفقس
 

ياخوي والله حنا يالله نفهم عربي وبعد ايام يمكن مانفهم بعد الا بسبورة :D

يالله حي اخوي صياد الفصل ونبي نفصلهم والجرجير نبي نعطيه بس الانثى وش هو القفص المعد للتزاوج ونبي نحط لها بيض بس وش هي مواد التعشيش الله يعافيكم بانتظاركم

رد: الكناري وش حله اذا يبيض مايفقس
 

العزيز ... زمان

الاخ ..qalonia يقولك غير الانثى وانك قاعد تضيع وقتك معاها

اما الاخ صياد طيور يقصد بمواد التعشيش ..خيوط الخيش وقليل من القطن

اما انا فأقول .. توجد اسباب كثيرة

تأكد قد يكون الذكر مشحم (سمين ) انفخ شوف بطنه

هل الذكر يغرد .. دائما وبشدة

نحن الان على اعتاب نهاية الموسم قد يكون الذكر دخل بمرحلة تبديل الريش
لذلك لاتنفع معه وصفة صياد طيور

قد يكون الذكر عقيم

انظر الى مخرج الذكر والانثى هل يوجد ريش كثيف .. وان كنت لا اظن ذلك حسب الصور

اذا باضت الانثى كثرا تقل فرصة تخصيب البيض

قد تكون الانثى كبيرة وسبق ان باضت فى الموسم

قد يكون الذكر كبيرا .. وان كانت صورته لاتدل على ذلك

هذهى مجرد اسباب تحتاج الى البحث .. تحياتى

رد: الكناري وش حله اذا يبيض مايفقس
 

اخي الكريم
انا معرف اذا هو مشحم او لا بس هذا شكله من يوم جبته قبل سنتين ماتغير
بالنسبه للتغريد قبل الانثى كان يغرد وبكثره ومن يوم جت ما اسمع صوته احيان اخذ اسبوع ماسمع صوته الا مره او اثنين
بالنسبة للعقم اقول تبيض الانثى يعني هل يعقل انها تبيض من شي ثاني ؟؟
يعني اكيد مو عقيم مافيه الا هو وهي بس :D
المشكله الى قبل اسبوعين وهي بايضه بدون ماترجن عليها!!

رد: الكناري وش حله اذا يبيض مايفقس
 

زمان .. العزيز ..

اذا اردت ان تعرف انه مشحم انفخ الريش على بطن الطائر تشوف الشحم واضح

لاتوجد علاقة بين البيض والتخصيب .. الانثى تبيض حتى بدون ذكر ولكنه لايكون مخصب (ملقح )

اذا كانت الانثى لاترجن (لاترقد) على البيض كيف يتكون الجنين اذًا المشكلة بالانثى عليك بتغييرها

ولكن فى الوقت الحالى من الصعب ان تجد انثى جاهزة نحن على اعتاب مرحلة التبديل والتى بها

تتوقف الانثى عن وضع البيض ..... تحياتى

رد: الكناري وش حله اذا يبيض مايفقس
 

مواد التعشيش نشارة الخشب وخيوط الخيش

رد: الكناري وش حله اذا يبيض مايفقس
 

السلام عليكم
مشكورين لردودكم ياشباب
انا اشتريت من محلت الطيور مواد التعشيش اللي مكونه من خيوط ناعمه مثل القطن مقطعه بقطع صغيره يقول تثبت في القفص وطلعت الذكر لحاله وعطيته جرجير لمدة يومين واليوم عطيته البذور اللي كنت معوده عليها بالنسبة للشحم ماشوفه مشحم نفخة الريش وماشوف شحم الشي الثاني البيض اذا نقرته الانثى يطلع منه مادة صفراء هل هذا يعني انه كان مخصب او لا
وخليت كل واحد يشوف صديقه من بعيد يعني خليت بينهم مسافة متر بس يتفرجون على بعض :)

رد: الكناري وش حله اذا يبيض مايفقس
 

للرفع